Daniel (hebreo) 8:24 - Qullan Arunaca

²⁴ Wali munañanipuniw tucuraquini, ucampisa janiw jupan pachpa ch'amapampiti; take cunsa jan amuycañjamwa t'unjani, take cuntejj lurcani ucansti atipjapuniniwa. Jach'a munañani jakenacarus t'unjaraquiniwa, Diosan marcapanquirinacatsti waljaniruw t'unjaraquini.

Aymar Bibliia 1986

²⁴ Wali munañanipuniw tucuraquini, ucampisa janiw jupan pachpa ch'amapampiti; take cunsa jan amuycañjamwa t'unjani, take cuntejj lurcani ucansti atipjapuniniwa. Jach'a munañani jakenacarus t'unjaraquiniwa, Diosan marcapanquirinacatsti waljaniruw t'unjaraquini.

Qullan Arunaka DC

²⁴ Jupax wali ch'amanipunïniwa, ukampis janiw jupan pachpa ch'amapampïkaniti; taqi kunsa jan amuykañjam t'unjani, kuntix lurkani ukansti, atipjapuniniwa. Jach'a munañani jaqinakarus t'unjaniwa, Tatitun markapankirinakarus waljaniruw t'unjarakini.

Daniel (hebreo) 8:24 Jak'a apnaqawi uñst'ayäwi

Salmos 37:35

Ñankha lurir jakeruw jach'achasir uñjta, ch'ojjña kokjam jilantasquir uñjaracta;

Daniel (hebreo) 11:23

Cawquïrinacatejj jupampi mä suma arust'äwi lurapcän ucanacarusa sallkjaraquiniwa, juc'a jakenïcchini ucasa jupajj atipjaraquiniwa.

Daniel (hebreo) 12:7

Lino isimpi isthapitäcän uca jakesti, alajjpacharuw amparap lokti ucatsti jacquiri Diosan sutipjjaruw juramentompi arsuraqui aqham sasa: ‘Quimsa pacha chicatani, cunapachatejj Diosan marcapajj jan juc'ampi t'akhesiyatäjjani, ucapachaw take acanacajj tucusjjani’ sasa.

Daniel (hebreo) 7:25

Alajjpachanquiri Diosarusti jisc'achjaniwa; marcaparus tucjaraquiniwa, Diosan leyinacapsa, fiestanacapsa mayjt'ayañ munaraquini, Diosan marcapasti jupan apnakataraquïniwa, quimsa mara chicatancama.

Daniel (hebreo) 8:10

Sinti jilantatapatsti, alajjpachcamaw puriraquïna, warawaranacsa williraniraquïnwa, ucatsti uca warawaranacarojj taquisiraquïnwa,

Daniel (hebreo) 8:11

alajjpacha ejerciton jilïriparusa “Nuwasiñäni” saraquïnwa; sapa uru sacrificio loktasiñsti t'unjaraquïnwa, yupaychañäqui uca chekanacsa taquisiraquïnwa.

Daniel (hebreo) 8:12

Cawqhantejj nayrajj sacrificionaca loktasiña chekanacsti ejercitopampi purintasaw taquisiraquïna, cunatejj chekapäqui ucsa pamparuw taquisiraquïna. Cuntejj jupajj muncäna ucanacwa luraraquïna, take aca luräwinacanwa atipt'araquïna.

Daniel (hebreo) 8:23

“Cunapachatejj uca reinonacan munañapajj tucusjjani, uqhamaraqui take ñankha lurañanacapas inampst'jjaraquini, ucapachajj mä sallka, jan wali reyiw jach'a munañani tucuraquini.

Apocalipsis 16:6

Aca jakenacasti jumar catuyat jakenacarojja, uqhamarac profetanacarus jiwarayapjjaraquïnwa. Jichhasti jumajj jupanacarojj wila umayaractajja. ¡Jupanacasti uca mutuñjja catokapjjañapapuniwa!” sasa.

Apocalipsis 17:17

Diosaraquiw jupanacan chuymaparojj uscu mayaquïpjjañapataqui, ucatsti cuntï Diosajj munqui uc lurapjjañapataqui, uca jach'a ajjsarcañ animalarus munañanïña churasa, cuntï Diosajj arsqui uca phokhasiñapcama.

Apocalipsis 17:6

Ucatsti mäquiw amuyasta uca warmejja Diosan wawanacapana, Jesucristot khanañchirinacana wilapampi machjatätapa. Uc uñjasinsti wali musphataw uñjasta.

Apocalipsis 19:2

Jupasti chekaparuw marcanacarojj tariparaqui. Acapachan wachoka juchan sarnaker k'añu warmirusti juchañcharaquiwa. Uca warmisti jucha lurañanacapampejj take jakenacaruw jan waliru apascäna. Diosan wawanacapar jiwarayatapatsa Tatitojj juparojj juchañcharaquiwa” sasa.