Daniel (hebreo) 8:22 - Qullan Arunaca

²² Cawquïri pusi wajjranacatejj mistuncaraquïna nayrïri wajjran p'aquisitapata, ucasti sañ munaraqui aca reinotjja pusi yakha reinonacaw misturaquini, ucampisa janiw kalltiri reinocänjja uqhama ch'amanïcaraquiniti.

Aymar Bibliia 1986

²² Cawquïri pusi wajjranacatejj mistuncaraquïna nayrïri wajjran p'aquisitapata, ucasti sañ munaraqui aca reinotjja pusi yakha reinonacaw misturaquini, ucampisa janiw kalltiri reinocänjja uqhama ch'amanïcaraquiniti.

Qullan Arunaka DC

²² Kawkïri pusi waxranakatix nayrïri waxran p'akisitapat mistunipkäna ukanakaxa, aka markatxa pusi yaqha markanakaw uñstani, sañ munaraki, ukampis janiw nayrïr reyin ch'amapanïkaniti.

Daniel (hebreo) 8:22 Jak'a apnaqawi uñst'ayäwi

Daniel (hebreo) 11:4

Cunapachatejj jupajj suma utjnokatäjjani, ucapachaw jupan reinopajj t'unjata uqhamaraqui pusiru t'akjata uñjasiraquini. Uca reyin munañanïñapasti janiraquiw wawanacaparu churatäcaniti, uqhamarusa reinopajj janiw nayrjama wali ch'amanïcjjaniti, niyaquejjay t'akanokata uñjaschinejja, ucatsti yakhanacaraquiw jupa lanti apnakjjapjjaraquini.

Daniel (hebreo) 7:6

“Quimsïri animalasti, leopardo sat animalaru uñtataraquïnwa, jiqhanipjjarojj pusi chhekhani cuna, uqhamarusa pusi p'ekeni cunänwa, uca animalarusti take munañanïñaw churataraquïna.

Daniel (hebreo) 7:7

“Unañchäwejjan pusïri animal uñjcta ucasti sinti ajjsarcañapunïnwa, sustjascaña, uqhamarusa wali ch'amaniraqui. Laca ch'aqhanacapasti hierrocamaquïnwa, wali jach'anacaraqui; take cunwa mank'antäna, tucjaraquïna, jilt'anacsti taquisiraquïnwa. Take uca mayni animalanac uñjcta ucanacat sipansa mayjapunïnwa, p'ekepansti tunca wajjranacaniraquïnwa.

Daniel (hebreo) 8:21

Cabritosti Grecia marcan reyipawa, cuna jach'a wajjrapatejj pä nayrapa taypin utjqui ucasti nayrïri reyipawa.

Daniel (hebreo) 8:23

“Cunapachatejj uca reinonacan munañapajj tucusjjani, uqhamaraqui take ñankha lurañanacapas inampst'jjaraquini, ucapachajj mä sallka, jan wali reyiw jach'a munañani tucuraquini.

Daniel (hebreo) 8:3

Nayajj jayaruw uñtta, ucatsti uca jawira thiyat mä orko oveja mistusinquir uñjta. Uca ovejasti pä jach'a wajjranïnwa, maynïri wajjrajj khepaquiw mistutayna, ucampisa uca khepa misturi wajjrasti, juc'ampi jach'araquïnwa.

Daniel (hebreo) 8:8

“Uca cabritosti wali ch'amanipuniw tucjjäna, uqhamäquipanwa uca jach'a wajjrapajj p'aquisjjäna, uca p'aquita wajjra lantisti pusi wajjranacaw jilsuranïna, uca pusi wajjranacasti amstaru, aynacharu, inti jalanta, inti jalsu tokeru uñtatänwa.

Zacarías 6:1

Yakha unañchäwimp uñjta. Uñjtwa pusi guerra carronac pä bronce kollunac taypit uñstasinquiri.