Daniel (hebreo) 8:17 - Qullan Arunaca

¹⁷ “Ucatwa uca jakejj nayaru jac'achasinitu. Nayasti sustjasiractwa, orakcamawa ajanojjsa alt'asiracta, ucat jupajj nayarojj aqham situ: ‘Jaken yokapa, amuyam, aca unañchäwi uñjcta ucajj aca urunacan tucusiñapwa yatiyasqui’ sasa.

Aymar Bibliia 1986

¹⁷ “Ucatwa uca jakejj nayaru jac'achasinitu. Nayasti sustjasiractwa, orakcamawa ajanojjsa alt'asiracta, ucat jupajj nayarojj aqham situ: —Jaken yokapa, amuyam, aca unañchäwi uñjcta ucajj aca urunacan tucusiñapwa yatiyasqui —sasa.

Qullan Arunaka DC

¹⁷ “Ukat Gabriel angelax nayar jak'achasinitu. Nayasti wal axsarthapta, ajanuxsa uraqkamaw alt'asirakta, jupax akham situ: ‘Jaqin yuqapa, wal ist'am, uka unañchäwix akapachan tukusiñap yatiyaski’ sasa.

Daniel (hebreo) 8:17 Jak'a apnaqawi uñst'ayäwi

Génesis 17:3

Ucapachasti Abramajj orakeruw alt'äna ajanupajj oraker puriñcama, Diosasti ucchañcamajj parljjayascaquïnwa:

Ezequiel 1:28

uca khanasti cürmir uñtataraquïnwa, cunapachatejj cürmejj jalluna kenay taypin uñstquis uqhama. Uqhamwa nayajj uñjta Tatitun c'ajquir cancañapjja. Ucanac uñjasasti nayajj oraker puriñcamaw p'ekejj alt'asiracta.

Ezequiel 2:1

Ucatsti mä aru ist'aracta, aqham siri: “Jumajj chacha, saythapim, nayaw jumar parljjayäma” sasa.

Ezequiel 44:4

Ucat uca jakesti amsta tokenquiri mantañäqui ucsaruw irparaquitu, templo uñcatasiru. Ucansti uñjaractwa Tatitun c'ajquir khanapajj temploru phokhantatapa, ucat p'ekejja orakeru puriñcamaw alt'asta.

Ezequiel 6:2

“Israel kollu tokenacar uñtam, jupanacarusti nayan sutejjaru parlaraquim,

Daniel (hebreo) 10:11

Ucatsti saraquituwa: ‘Daniel, Diosan munatapa, wal ist'am cuntejj nayajj siscäma uca arunaca. Sayt'asim, nayasti juman ucaru qhitanitätwa’ sasa. “Uqham satapa ist'asinsti nayajj qhathatt'asisaw sayt'asta.

Daniel (hebreo) 10:16

Acatjamatwa, mä jakejj nayaru lacajjat llamct'itu, jupasti jaken yokapjamänwa. Ucat nayajj saracta qhititejj nayan nayrakatajjan sayt'atäcän ucaru, aqham sasa: ‘Tata, aca unañchäwi uñjatajjajj wali llaquisiyitu, jan ch'amani tucuyaraquitu.

Daniel (hebreo) 11:27

Ucapachasti panpacha reyiw purapat ñankha lurasiña amtäwimpiquipuni pachpa mesaru kont'asipjjani, ucatsti jupanaccamaw c'ari arunacampi c'arintasipjjani, ucampisa janiw maynis amtatanacapjja phokhapcaraquiniti, horasajj janïra purincatap laycu.

Daniel (hebreo) 11:40

“Cunapachatejj tucuyan horasapajj purinjjani ucapachasti, aynachanquir reyejj amstanquir reyirojj nuwantaraquiniwa; ucampisa uca amstanquir reyejj mistunisinjja, mä jach'a thayäcaspas uqhamaw aynachanquir reyi tokejj sartaraquini, uca marcsti guerran nuwasiñ carronacampi, caballeriampi, walja soldadonacampi, walja barconacampiw chhaktayaraquini.

Daniel (hebreo) 12:13

Ucampisa juma, Daniel, tucuyäwima tokeru sarascaquim, ucatsti samart'araquim, khepa urunacanwa sartasjjaraquïta, cunatejj wact'cätam uca catokañamataqui’ sasa.

Daniel (hebreo) 12:4

“Ucampisa jumajj, Daniel, take acanacjja jamasaruqui imam, jan qhitirus arsumti; uca librsti suma sellantaraquim tucuya horasajj purincani ucqhacama. Walja jakenacaw ucsa acsa sarapjjani, yatiñanacapjjaru juc'ampi yapjjatasiñ munasa’ sasa.

Daniel (hebreo) 2:46

Uqhamasti Nabucodonosor reyejj Daniel waynan nayrakataparuw quillt'asïna, p'ekepajj orakeru puriñcama, ucatsti sacrificionaca uqhamaraqui inciensonaca loktayañataquiw arsuraquïna.

Daniel (hebreo) 7:16

Ucatsti sayt'atäpcän ucanacat mayniruw jac'achasta, ucat jisct'aracta: ‘¿Cun sañsa muni take acanacajja?’ sasa. Jupasti nayarojj khanañcharaquitänwa, aqham sasa:

Daniel (hebreo) 8:15

“Naya, Daniel, uca unañchäwi uñch'uquiscäyäta, uqhamaraqui cun sañsa muni ucsa yatiñ munascaraquïyäta, ucat acatjamatwa naya nayrakatajjan uñstaraquïna mä jaker uñtata,

Daniel (hebreo) 8:19

aqham sasa: ‘Jichhasti khanañchämaw cunatejj lurascani Diosan colerasiñapa uru tucuscani ucapachajja, aca unañchäwi uñjcta ucasti uca tucuya urunacatwa parli.

Daniel (hebreo) 8:27

“Naya, Daniel, k'ala ch'ama thayjtataw uñjasïyäta, walja urunacaraquiw usuntata jicjjatasiraquïyäta. Take ucanac pasatasti wasitatwa marca apnacañanacan luräwinacapjja uñjaraquïyäta. Ucampisa cuna unañchäwtejj uñjcta ucanacatjja wali llaquitapuniw jicjjatasïyäta, jan amuyt'añjamätap laycu.”

Daniel (hebreo) 9:23

Cunapachatejj jumajj Diosar mayisiñ kalltta, ucapachaw Diosajj jumar ist'tam. Nayasti jumaru uca Diosan ist'atapa yatiyiriw jutsma, Diosasti jumarojj walpun munaractam. Jichhasti sum suma ist'am cuntejj siscäma uca arunacaru, uqhamat uca unañchäwi toket suma amuyt'añamataqui:

Daniel (hebreo) 9:27

Mä semanataquiquiw jupajj walja jakenacampi suma arust'äwinacar mantani, ucampis chica semanarusti sacrificionaca, ofrendanaca loktasiñanacjja chhaktayjjaniwa jan mayampitaqui. Sacrificio loktasiñ altara nayrakatansti mä jach'a jan waliraquiw lurasini, uca t'unjäwejj amtatäqui ucajj qhitinacatejj jan walinac lurapqui ucanacjjaru puriñapcama.’ ”

Habacuc 2:3

Janiraquiw horasäquiti aca uñjäwin phokasiñapajja; ucasti phokasipuniniwa. Amuyatajj janisay janc'äcpa, suyascaquim, purisincaniwa horasaparu.

Mateo 17:8

Cunapachatejj uñtjjapjjän ucqhasti, janiw qhitirus uñjcjjapjjänti, jan ucasti Jesús saparuquiwa.

Apocalipsis 1:17

Uqham uñjasinsti, jiwatjamaw cayunacaparu liwnoktta. Jupasti cupi amparapampi lokjjatasinjja situwa: “Jan ajjsaramti; nayätwa kalltasa tucuyasa.

Apocalipsis 22:8

Naya, Juanaw, ist'ta, uñjaracta take aca lurasïwinaca. Ist'asin, uñjasinsti, cawquïri angelatejj uñacht'ayquitu ucan cayunacaparu yupaychañataquiw quillt'asta.