Daniel (hebreo) 8:13 - Qullan Arunaca

¹³ “Ucatsti ist'aractwa mä angelaru, yakha ángel masiparu jisct'asquiri: ‘¿Cunapachas aca sapa uru sacrificio loktasiñ chekan lurasqui uca luräwinacajj tucusjjani?. ¿Cunapachcamas aca Tatitun kollana lugarapajj juchararanacaru catuyatäni, uqhamaraqui Diosar iyawsir jakenacasa taquisitaraquïni?’ sasa.

Aymar Bibliia 1986

¹³ “Ucatsti ist'aractwa mä angelaru, yakha ángel masiparu jisct'asquiri: —¿Cunapachas aca sapa uru sacrificio loktasiñ chekan lurasqui uca luräwinacajj tucusjjani? —¿Cunapachcamas aca Tatitun kollana lugarapajj juchararanacaru catuyatäni, uqhamaraqui Diosar iyawsir jakenacasa taquisitaraquïni? —sasa.

Qullan Arunaka DC

¹³ Ukatsti ist'araktwa, mä angelaru yaqha ángel masipar jiskt'askiri: ‘¿Wilañchanak sapür luqtasiñ chiqawjan lurapki ukanakax, kunapachas tukusxani? ¿Kunapachkamarak Tatitusti qullan utapan juchachasiñanak utjayaskakinisti? ¿Kunapachkamarak iyawsirinakapar takisipxanisti?’ sasa.

Daniel (hebreo) 8:13 Jak'a apnaqawi uñst'ayäwi

Salmos 74:10

Diosajjay, ¿cunapachcamarac nanacar uñisirinacast t'akhesiyapjjetanisti? ¿Cunapachcamarac sutim jisc'achapjjanisti?

Salmos 74:9

Janiw kollan chimpunacajj uñjatäcjjeti, janiraquiw profetas utjcjjeti: janiw qhitis cunapachcam uqhämäñap yatquiti.

Salmos 79:5

Tatay, ¿cunapachcamarac k'apisitaquïscätasti? ¿Cunapachcamarac k'apisiñamasti ninjam naqhanisti?

Isaías 28:18

Jiwañampi arust'asitapasti ina ch'usaru tucuyatäniwa, jiwirinacan utjañ chekampi arust'asitapasti ina ch'usaruw tucuni. Uca ajjsarcañ jach'a jan walt'añaw jutani, ucasti jumanacarojj k'al tucjapjjätam.

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Isaías 63:18

¡Cunja juc'a maranacaquis kollana marcamajj orakepatjja ‘orakejjaw’ sapjjänjja! Uñisirinacajjaraquiw templomjja taquisipjje.

Isaías 9:6

Mä wawaw jiwasataqui yurini, Diosaw mä yokall wawa churistani, uca wawaw jichhajj apnakaraquini. Aqham sasaw sutichapjjaraquini: ‘Amtäwinacapanjja Muspharcaña, jan atipjcay Dios, Wiñay Awqui, Sumancañan Jilïripa’ sasa.

Jeremías 12:10

Uñisirinacan jach'a jilïrinacapasti uva yapojj-jja t'unjapjjewa, orakenacajjsa taquisipjjaraquiwa. Nayan wali munata orakejjsti llaquiscañ wasararuraquiw tucuyapjje.

Daniel (hebreo) 11:31

“Soldadonacapasti templorusa, suma perkanacaparusa, ñankhachapjjaraquiniwa, sapa uru sacrificio loktasiñäqui ucsti suyt'ayjjaraquiniwa, uca chekarusti mä ajjtascaña luräwinaca lurapjjani, uqhamat Diosan yänacapa taquisisa.

Daniel (hebreo) 12:11

Sacrificio loktasiñajj suyt'ayatäqui ucatsti waranka pä patacani llätunc tuncani urunacaw pasañaparaqui, cunapachatejj ajjtascaña jan wali luräwinaca Tatitun templopan lurascani ucatjja ucqha urunacaw pasaraquini.

Daniel (hebreo) 12:8

“Nayasti ist'ascaraquïyätwa cuntejj siscäna ucjja, ucampisa janiw amuyt'cäyätti. Ucatwa nayajj jisct'ta: ‘Tata, ¿cunanacas lurasini take ucanac khepatjja?’ sasa.

Daniel (hebreo) 4:10

Aqhamwa iquiscasina samcastjja: ‘Aca orake taypinjja mä jach'a kokaw utjäna.

Daniel (hebreo) 4:13

“Ucat acatjamatwa samcajjanjja alajjpachat mä angela sarakasinquir uñjta.

Daniel (hebreo) 4:23

Juma, jach'a reyisti, uñjaractawa alajjpachatjja mä kollan angelar sarakasinquiri, aqham sasa: ‘Uca kokjja liwinucupjjam, t'unjapjjaraquim, ucampisa pachpa orakeru jilt'ayapjjam troncompi saphinacampjja, hierrot, broncet lurata cadenanacampi ñach'antapjjaraquim, ucatsti pampa koranac taypiru apanucupjjam; jupjjarusti sullajj sullantaracpan, pampanquiri animalanacampi chica uca koranaca mank'aracpan pakallko mara phokhasiñapcama.’

Daniel (hebreo) 7:16

Ucatsti sayt'atäpcän ucanacat mayniruw jac'achasta, ucat jisct'aracta: ‘¿Cun sañsa muni take acanacajja?’ sasa. Jupasti nayarojj khanañcharaquitänwa, aqham sasa:

Daniel (hebreo) 7:23

Ucatsti saraquïnwa: ‘Uca pusïri ajjsarcañ animalasti cunatejj aca oraken pusïri reinojj utjcani ucäniwa, mayninacatsa wali mayjaraqui. Take aca orakpacha mank'antani, taquisiraquini, tucjaraquini.

Daniel (hebreo) 9:27

Mä semanataquiquiw jupajj walja jakenacampi suma arust'äwinacar mantani, ucampis chica semanarusti sacrificionaca, ofrendanaca loktasiñanacjja chhaktayjjaniwa jan mayampitaqui. Sacrificio loktasiñ altara nayrakatansti mä jach'a jan waliraquiw lurasini, uca t'unjäwejj amtatäqui ucajj qhitinacatejj jan walinac lurapqui ucanacjjaru puriñapcama.’ ”

Zacarías 1:19

Jisct'aractwa nayamp parlascäna uca angelarojja: —¿Cun sañs muni uca wajjranacajja? —sasa. Jupasti saraquituwa: —Uca wajjranacajj uñtasiwa Judá marcanquirinacaru, Israel marcanquirinacaru, Jerusalenanquirinacaru ch'amampi take chekaru tucjawayapqui ucanacaru —sasa.

Zacarías 14:5

Jumanacasti uca pä kollu taypin valle kheparcanejja ucanjama jaltjjapjjaraquïta, ucasti puriniwa maysäjjanquiri Azal orakcama. Jumanacasti jaltjjapjjätawa cunjämatejj nayra awquinacamajj Uzías rey Judá marca apnakcän ucqhajj orake qhatati sartipanjja jaltjjapjjänjja uqhama. Tatitu Diosajjasti takpacha cheka jakenacampiw jutani.

Mateo 11:27

“Awquejjasti take cunwa churjjetu ucampis janiw qhitis Yokarojj uñt'quiti, jan ucasti Awquiquiwa. Awquirusti janiraquiw qhitis uñt'quiti, jan ucasti Yokaquiw Awquirojj uñt'i, uqhamarac qhitirutejj Yokajj uñt'ayañ munqui ucanacampi.

Mateo 24:15

“Daniel profetajj kellkänwa cunatejj jan wali lurirïqui tucjirïcaraqui ucjjata. Cunapachatejj jumanacajj kollana chekar uc purir uñjapcäta ucqhajja, ac leet'irejj amuyt'pan,

Marcos 13:14

“Daniel profetajj kellkänwa cunatejj jan wali lurirïqui, tucjirïcaraqui ucjjata. Cunapachatejj jumanacajj uqham lurañanaca jan waquisquir chekana (ac leet'irejj amuyt'pan) uñjapjjät ucqhajja; Judeanquirinacajj kollunacar jaltapjjañapawa.

Lucas 10:22

“Awquejjajj take cunwa nayarojj catuyjjetu. Janiw qhitisa yatquiti Yokan qhitïtapsa, jan ucasti Awquiquiw yati, uqhamarac qhitinacarutï Yokajj uñt'ayañ munqui ucanacaraqui.”

Lucas 21:20

“Cunapachatï Jerusalén marcaru ejercitonacan muyuntata uñjapcäta ucqhajja, yatipjjam uca marcajj janc'aqui t'unjatäñapa.

Lucas 21:24

Yakhepanacajj guerran jiwarayatäpjjaniwa, mayninacasti take marcanacaruw preso apatäpjjani; yakha marcat jutirinacaw Jerusalén marcjja tacsupjjani, cunapachcamatï uc lurañataquejj tiempojj churatäqui uca horascama.

Juan 1:18

Janiw cunapachas Diosarojj qhitis uñjquiti, ucampis mä sapa Yokapa, cawquïritejj Awquipa jac'ana kont'atäquis ucawa uñt'ayistu cunjamäquitejj Diosajj ucjja.

Deuteronomio 33:2

aqham sasa: “Tatitu Diosaw Sinaí kolluta juti; Seir kollutwa khant'aniraquistu; Parán kollunacat khantaniraqui, uqhamaraquiwa jutani Meriba-cades chekata; cupi amparaparu akquir leyinac apt'asita.

1 Tesalonicenses 3:13

Uqhamaraqui chuymanacamanjja ch'amañchatäpjjañamataqui, k'omachata jan cuna juchani Dios Awquisan nayrakatapana, cunapachatejj Tatit Jesusajj take jupanquirinacapampi jutcani ucapachajja.

Hebreos 10:29

Uqhamajj ¿cunja jach'a mutuñsa catokañapäni qhitinacatejj Diosan Yokaparu, uqhamarac wilaparus jisc'achapjje, munasir Diosan Ajayuparus jisc'achapjje ucanacajja? Uca wilaw arust'äwi cheka tucuyejja, ucampiraquiw jupanacajj Diosatac yakhachatäpjje.

1 Pedro 1:12

Ucampis Diosajj jupanacarojj yatiyaraquïnwa, cuna tokettï yatjjatañ munapcän ucajj jan jupanacataquïtapa, jan ucasti jiwasataquïtapa. Ucatpï jichhajj jumanacarojj uca pachpa arunacaraqui yatiyatajja, qhitinacatejj parlapctam ucanac toke. Jupanacasti alajjpachat qhitanita Kollan Ajayun ch'amapampiwa parlapjjaractamjja. Ucanacsti angelanacas uñjañjja munapjjaraquïnwa.

Judas 1:14

Adanat kheparojj pakallköricäns uca Enoc chachajj Diosan amuyt'ayataw parläna ucanacatjja, cunapachatï säna: “Uñjtwa Tatitur jupanacanquirinacampi waranka warankanacampi jutasquiri,

Apocalipsis 11:2

Ucampis ankäjj patiöquis ucjja janiw tupt'ätati. Uca patiosti jan judiöpquis uca jakenacaru catuyatäjjewa. Uca jakenacasti pusi tunca payani phajjsiraquiw aca Tatitun k'oma marcapjja taquisipjjani.

Apocalipsis 6:10

Ucanacasti jach'atwa art'apjjaraquïna: “Dios Tata, jumajj kollanätawa, arsutamarojj phokharactawa. ¿Cunapachcamaraqui jan juchañchcäta, oraken jacapqui uca nanacar jiwarayirinacarusti?” sasa.

Jueces 13:18

Ucat angelajj saraquïnwa: —¿Cunataquisa jumajj sutejja yatiñ munta? Muspharcañawa jan yatiyañjama —sasa.