Daniel (hebreo) 8:12 - Qullan Arunaca

¹² Cawqhantejj nayrajj sacrificionaca loktasiña chekanacsti ejercitopampi purintasaw taquisiraquïna, cunatejj chekapäqui ucsa pamparuw taquisiraquïna. Cuntejj jupajj muncäna ucanacwa luraraquïna, take aca luräwinacanwa atipt'araquïna.

Aymar Bibliia 1986

¹² Cawqhantejj nayrajj sacrificionaca loktasiña chekanacsti ejercitopampi purintasaw taquisiraquïna, cunatejj chekapäqui ucsa pamparuw taquisiraquïna. Cuntejj jupajj muncäna ucanacwa luraraquïna, take aca luräwinacanwa atipt'araquïna.

Qullan Arunaka DC

¹² Kawkhantix nayrapachax wilañchanak luqtasiñäkän ukawjarusti ejercitopampi purintasin takisïna, chiqa kankañsa takisirakïnwa. Kuntix jupax munkäna ukanak luräna, taqi luräwinakapansa atipt'arakïnwa.

Daniel (hebreo) 8:12 Jak'a apnaqawi uñst'ayäwi

Job 12:6

Ñankha lurir jakenacajj utanacapanjja c'uchiquiw jacasipjje; Diosaru ñankhachirinacas c'uchiquiw jacasipjje, Diosarojj jupanacas apnakcaspa uqhamwa amuyasipjjaraqui.

Salmos 119:142

Chekapar uñjañamajj wiñay asquiwa, yatichäwimasti chekaparaquiwa.

Salmos 119:43

Janiquiy lacajjat cheka arunac apakestati, nayajj arunacamaruw chuymajj uchta.

Salmos 28:5

Jupanacajj janiw Diosan luräwinacapat amtasipquiti, janiw luratanacapat yatiñ munapquiti, jupay jan mayampitac jupanacar tucjpan.

Isaías 59:14

Cunatejj chekapäqui ucasti jisc'achataraquïnwa, cunatejj chekapäqui ucsti jayaruquiw utjaytanjja, cheka chuymanïñasti plazanjja janiw walt'ayquistänti, jan lunthatäñasti janiraquiw acanccaspati.

Jeremías 12:1

Tata, jumampi ch'ajjwañarutejj uscusëjja, juman arumajj chekapapuniwa; ucampis nayajj jisct'añ munirisma, ¿cunatsa ñankha jakenacataquejj take cunasa sumaqui lurasirapi? Uqhamaraqui, ¿cunatsa ch'ojjña luririnacasa, sumaqui jacasipjje?

Daniel (hebreo) 11:28

Amstanquir reyisti marcaparuw cutt'jjaraquini, guerran catuntancataynas take uca yänacap apt'ata, ucatsti kollana arust'äwi tokeraquiw sayt'ani; amtäwinacapsti phokharaquiniwa, ucatsti orakeparuw cuttawayjjaraquini.

Daniel (hebreo) 7:21

Uqhamasti uñjaractwa uca wajjrajj Diosan marcapampi nuwasisquiri, uqhamaraqui atipjasquiri,

Daniel (hebreo) 8:4

Uca orko ovejasti wajjranacapampiw mokenokascäna, inti jalanta tokeru, amstaru, aynacharu, uqhama janiraquiw cawquïri animalas uca ovejampi jiquintasirejj utjcänti, ni cawquïri animalas mokesiñapat jaltirejj utjcaraquïnti. Uca ovejasti cuntejj muncäna ucwa luraraquïna, sapa cutiw juc'ampi ch'amani tucjjäna.

Apocalipsis 13:7

Diosan wawanacapampi nuwasiñataquis munañanïñajj churataraquïnwa atipjañapcama, uqhamaraquiw take jakenacjjaru, marcanacjjarusa cunayman parlani jakenacjjarus wali munañaniraquïnwa.

1 Samuel 23:9

Ucampisa, Davidajj Saúl reyin uqham nuwantaña amtatap yatisinjja, Abiatar sacerdoterusti efod isip mayiraquïna aptaniñapataqui, ucat Tatituru jisct'añataqui.