Daniel (hebreo) 7:9 - Qullan Arunaca

⁹ “Nayasti uñch'uquiscaquïyätwa, ucjjarusti mä trononacaw uchataraquïna, mä Jilïri chuymani jakew kont'asiraquïna, isipajj qhunjam jank'oraquïnwa, ñic'utanacapasti t'ajjsit t'awrjamaraqui. Konuñapasa, uca konuñapan ruedanacapasa ninacamaquiraquïnwa.

Aymar Bibliia 1986

⁹ “Nayasti uñch'uquiscaquïyätwa, ucjjarusti mä trononacaw uchataraquïna, mä Jilïri chuymani jakew kont'asiraquïna, isipajj qhunjam jank'oraquïnwa, ñic'utanacapasti t'ajjsit t'awrjamaraqui. Konuñapasa, uca konuñapan ruedanacapasa ninacamaquiraquïnwa.

Qullan Arunaka DC

⁹ “Nayasti uñch'ukiskakïyätwa, reyi qunuñanak uchapxäna, ukatsti mä chuyman jaqiw qunt'asirakïna. Isipax khunjam janq'ünwa, ñik'utanakapasti t'axsit t'awrjamarakïnwa. Qunuñapasa, uka qunuñan muyurinakapas nina lawrakamakïnwa.

Daniel (hebreo) 7:9 Jak'a apnaqawi uñst'ayäwi

1 Reyes 22:19

Micaiasasti sascaquïnwa: —Uqham satamatjja, ist'am Tatitun arunacapa: ‘Tatiturojj tronopana kont'atäsquirwa uñjta, ucatsti alajjpachanquir ejercitorusti jupa chica sayt'atäsquiriraqui, cupëjjapana, uqhamarac ch'ekäjjapanraqui.

2 Crónicas 18:18

Micaíasasti ucjjarojj sascaquïnwa: —Uqham satamatjja, ist'apjjam jumanacajj Tatitun arunacapa: Nayajj Tatituruwa tronopana kont'ata uñjta, uqhamarac alajjpachanquir take ejercitoruraqui jupampi chica sayt'atäsipquiri, cupëjjapana, ch'ekäjjapana.

Salmos 45:8

Isinacamajj suma k'apquir kollanacaniw muct'asi; mirra, áloe, canela ucanacampi; marfilat lurat reyin utapatpach arpanacajj jumar cusisiytam.

Salmos 90:2

Kollunac janïr utjquipana, acapachas janïr utjquipana, wiñayatpacha, wiñayataquiw jumajj Diosätajja.

Salmos 93:2

Tatay, reyi konuñamajj wiñayatpach jan onjjtquiriwa, jumasti wiñay jaquirïtawa.

Isaías 6:1

Rey Uziasajj jiwjjän uca marajja, Tatituruw uñjta mä jach'a alto tronon kont'ata; mantopan puntanacapaquiraquiw templorojj phokhantäna.

Isaías 9:6

Mä wawaw jiwasataqui yurini, Diosaw mä yokall wawa churistani, uca wawaw jichhajj apnakaraquini. Aqham sasaw sutichapjjaraquini: ‘Amtäwinacapanjja Muspharcaña, jan atipjcay Dios, Wiñay Awqui, Sumancañan Jilïripa’ sasa.

Jeremías 49:38

Elam marcaruw tronojj uscusiraquï, reyinacaparusa, jilïrinacaparusa jiwarayaraquïwa. Naya Tatituw ucjja arsta.

Ezequiel 1:26

Uca patansti, mä konuña uñjaracta safiror uñtata, uca konuña patansti mayniw kont'atäscaraquïna mä jaker uñtata.

Daniel (hebreo) 7:13

“Nayajj uca unañchäwinacjja arumajj uñjascaquïyätwa. Ucat acatjamat uñjta: “Kenayanac taypin jutasquiri mayniru uñjta jaken yokapäcaspas uqhama, jupasti, cawqhantejj kont'atäcän uca chuymani Jilïri jakejj ucaruw sararaquïna, juparuw jac'achayapjjaraquïna.

Daniel (hebreo) 7:22

uca chuymani Jilïr jaken puriniñapcama, ucatsti uca chuymani jakejj Diosan marcaparojj chekaparuw uñjäna, horasasti purinjjaraquitaynawa Diosan marcapajj uca reino catuntasjjañapataqui.

Miqueas 5:2

Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Habacuc 1:12

“Dios Tatay, ¿janit jumasti wiñayataqui jacctasti, kollan jan jiwiri Diosajja? Tatay, nayan imantasiñajja, jumaw caldeonacarojj ch'ama churtajja castigañapataqui uqhamata juman cheka uñjäwima uñacht'ayapjjañapataqui.

Mateo 17:2

Ucanwa Jesusajj khanquir tucuwayäna jupanacan nayrakatapana. Ajanupajj intjam c'ajquirïnwa, isipasti wali jank'oraquiw tucuwayäna.

Mateo 28:3

Jupasti wali c'ajquirïnwa, isipasa qhunjam jank'oraquïnwa.

Marcos 9:3

Isinacapasti c'ajquiriraquïnwa, qhunjam suma jank'oraquiw tucüna. Acapachanjj janipuniw qhiti isi t'ajjsuris uqham jank'o tucuycaspati.

Hechos 2:30

Davidasti profetäsinjja, yatiraquïnwa cuntejj Diosajj juramentompi jupar siscatayna uca: ‘Juman tronomarojj, jumat saraker mayni wawamaruw utt'ayä’ sasa.

Hechos 2:33

Uqhamasti Jesusajj Diosan cupi amparapampi aptatawa. Ucatsti Dios Awquitjja Kollan Ajayu catokaraqui, arsutaparjama. Cuntï jichhajj jumanacajj uñjapcta ist'apcaracta, ucajj Diosatwa juti.

Filipenses 3:9

Jupampi chict'ata jicjjatasiñajjataquiraquiwa Diosampi catokatäta, janiw leyerjam cheka sarnakatajj laycuti, jan ucasti Cristor iyawsatajj laycuwa, Diosajj catokewa qhitinacatejj iyawsapqui ucanacarojja.

1 Timoteo 6:16

Jupa sapaquiw jan jiwquiti, jan qhitimpis jac'achcaya khananwa jacaraqui. Janiw qhiti jakes juparojj uñjquiti ni uñjcaraquispasa. ¡Jupanquirinacajja jach'añchatäpan ch'amaniraquïpan wiñayan wiñayapataqui! Uqhamäpan.

1 Juan 1:5

Aca arunacwa Tatit Jesucristojj nanacarojj yatichapjjetäna, ucracwa jumanacarojj yatichapjjsma: “Diosajj khanawa, janiw cuna ch'amacas jupanjj utjquiti” sasa.

Apocalipsis 1:14

Ñic'utapasti t'awrjama, jan ucajj qhunjama wali jank'önwa, nayranacapasti akasquir ninjamaraquïnwa.

Apocalipsis 19:18

Ucatsti mank'apjjam reyinacan, comandantenacan aychapa, caballonacan aychapa, caballonacan lat'jjatatäcän uca jakenacan aychapa, take jaken aychapsa, jisc'äpasa, jach'äpasa, librëpasa, esclavöpasa!” sasa.

Apocalipsis 20:4

Ucatsti trononacwa uñjaracta, ucanacansti qhitinacatejj taripañataqui munañanïña catokapcataynas ucanacaw kont'atäpjjäna. Uñjaractwa qhitinacatejj p'eke apakata jiwapjjäna Jesusan testigopäpjjatapata, uqhamarac Diosan arunacap parlapjjatap laycu. Uqhamaraquiw qhitinacatejj jan uca jach'a ajjsarcañ animalaru, diosaparus yupaychapcataynati ni chimpupsa p'ekenacaparu ni amparanacaparu uchayasipcataynasa ucanacajj ucancapjjaraquïnwa. Ucanacasti jactapjjataynawa ucatsti Cristompiw waranka mara reinapjjäna.

Apocalipsis 4:2

Uca horasasti Kollan Ajayun apnakataw nayajj uñjasta, alajjpachansti mä trono uñjaracta, ucansti mayniw kont'atäscäna.