Daniel (hebreo) 7:7 - Qullan Arunaca

⁷ “Unañchäwejjan pusïri animal uñjcta ucasti sinti ajjsarcañapunïnwa, sustjascaña, uqhamarusa wali ch'amaniraqui. Laca ch'aqhanacapasti hierrocamaquïnwa, wali jach'anacaraqui; take cunwa mank'antäna, tucjaraquïna, jilt'anacsti taquisiraquïnwa. Take uca mayni animalanac uñjcta ucanacat sipansa mayjapunïnwa, p'ekepansti tunca wajjranacaniraquïnwa.

Aymar Bibliia 1986

⁷ “Unañchäwejjan pusïri animal uñjcta ucasti sinti ajjsarcañapunïnwa, sustjascaña, uqhamarusa wali ch'amaniraqui. Laca ch'aqhanacapasti hierrocamaquïnwa, wali jach'anacaraqui; take cunwa mank'antäna, tucjaraquïna, jilt'anacsti taquisiraquïnwa. Take uca mayni animalanac uñjcta ucanacat sipansa mayjapunïnwa, p'ekepansti tunca wajjranacaniraquïnwa.

Qullan Arunaka DC

⁷ “Nayax samkasiskakïyätwa, akatjamat pusïri laq'ur uñstanir uñjarakta. Ukasti sinti axsarkañapunïnwa, mulljaskaña, wali ch'amanirakïnwa. Laka ch'akhanakapasti wali jach'anaka hierrotkamakïnwa; manq'antasax taqi kun tukjarakïna, jilt'anaksti takisirakïnwa. Maya laq'unakat sipansa mayjapunïnwa, p'iqipansti tunka waxranïnwa.

Daniel (hebreo) 7:7 Jak'a apnaqawi uñst'ayäwi

2 Samuel 22:43

Thayan apat lak'arjamaw jupanacarojj tucusiyta, thaquinquir ñik'erjamaw tacsuracta.

Job 41:14

¿Qhitisa uca ajjsarcañ nasa puntapjja, uqhama jach'a laca ch'aqhanacanïquipansa jist'araspa?

Daniel (hebreo) 2:19

Uca arumawa Daniel waynajj mä unañchäwi toke uñjäna uca jan khanañchañjama samca toketjja, ucatwa Daniel waynajj alajjpachanquiri Diosaru jach'añcharaquïna aqham sasa:

Daniel (hebreo) 7:13

“Nayajj uca unañchäwinacjja arumajj uñjascaquïyätwa. Ucat acatjamat uñjta: “Kenayanac taypin jutasquiri mayniru uñjta jaken yokapäcaspas uqhama, jupasti, cawqhantejj kont'atäcän uca chuymani Jilïri jakejj ucaruw sararaquïna, juparuw jac'achayapjjaraquïna.

Daniel (hebreo) 7:2

“Nayajj samcajjanjja uñjäyätwa, pusi toket thayajj thayt'asinquiri ucatsti jach'a kotjjaru wali mathapinaca sartayasquiri.

Daniel (hebreo) 8:10

Sinti jilantatapatsti, alajjpachcamaw puriraquïna, warawaranacsa williraniraquïnwa, ucatsti uca warawaranacarojj taquisiraquïnwa,

Daniel (hebreo) 8:22

Cawquïri pusi wajjranacatejj mistuncaraquïna nayrïri wajjran p'aquisitapata, ucasti sañ munaraqui aca reinotjja pusi yakha reinonacaw misturaquini, ucampisa janiw kalltiri reinocänjja uqhama ch'amanïcaraquiniti.

Zacarías 2:1

Yakha unañchäwimp uñjta. Uñstituwa mä jake amparapansti mä cinta tupuñataqui apt'ata.

Apocalipsis 12:3

Ucatsti yakha uñacht'äwiraquiw alajjpachanjja uñstäna: Mä jach'a dragón sat wila animalaraquiw uñstäna: ucasti pakallko p'ekenïnwa, tunca wajjran cuna, sapa p'ekerusti mä coronan asjjatata.

Apocalipsis 13:1

Kotat mistur uñjta mä jach'a ajjsarcañ animalaru, ucasti pakallko p'ekenïnwa tunca wajjran cuna. Sapa wajjrarusti mä coronaniraquïnwa, p'ekenacapansti Dios toke kellkat arunacaraquiw utjäna.

Apocalipsis 17:12

“Tunca wajjranaca uñjctas ucajja, jutiri tunca reyinacäsquiwa. Jupanacasti janïraw reinapquiti, ucampis mä horataquiquiw munañanïpjjani uca jach'a ajjsarcañ animalamp chica.

Apocalipsis 17:7

Angelasti saraquituwa: “¿Cunatsa muspharascta? Amuyt'ayämaw cuntï sañ munqui uca warmitjja, uqhamarac uca pakallk p'ekeni, tunca wajjrani jach'a ajjsarcañ animaljjatsa.

Apocalipsis 17:8

Uca ajjsarcañ animal uñjctas ucajj nayrapachajj jaccäna ucawa, jichhasti ucajj janiw jaccjjeti. Ucampis aca orak mankhatwa mistunini janïra jiwañaru sarcasajja. Qhitinacatejj oraken jacasipqui ucat janiraqui sutinacapajj jacañ librona kellkatäquiti aca orake kalltäwitpacha ucanacajja, uca ajjsarcañ animal uñjasajj wali sustjasipjjani. Uca ajjsarcañ animalasti nayraw utjäna, jichhasti janiw utjcjjeti, ucampis ucapachajj uñstaniniwa.