Daniel (hebreo) 7:20 - Qullan Arunaca

²⁰ Uqhamaraquiw nayajj juc'ampi yatjjatañ munäyäta uca tunca wajjranacapata, uqhamaraqui uca jisc'a wajjrajj mistuncäna cawquïritï nayrani, wali jach'achasiñampi parliri lacanïcän uca toketsa, uca jisc'a wajjrasti mayni wajjranacat sipansa amuyatatjja juc'ampi jach'jamaquïnwa, uca jisc'a wajjraru mä cheka churañataquisti quimsa wajjraraquiw apsutänjja.

Aymar Bibliia 1986

²⁰ Uqhamaraquiw nayajj juc'ampi yatjjatañ munäyäta uca tunca wajjranacapata, uqhamaraqui uca jisc'a wajjrajj mistuncäna cawquïritï nayrani, wali jach'achasiñampi parliri lacanïcän uca toketsa, uca jisc'a wajjrasti mayni wajjranacat sipansa amuyatatjja juc'ampi jach'jamaquïnwa, uca jisc'a wajjraru mä cheka churañataquisti quimsa wajjraraquiw apsutänjja.

Qullan Arunaka DC

²⁰ Nayax juk'amp yatxatañ munarakïyäta tunka waxrapata, ukhamaraki uka waxranak taypit mä jisk'a waxra mistunkän ukata, kawkïritix nayrani, wali jach'achasiñampi parlir lakanïkän ukata, uka jisk'a waxrasti amuyatatxa maynïr waxranakat sipan juk'amp jach'jamakïnwa, uka jisk'a waxran mistuniñapatakisti, kimsa waxranakax jalaqtxapxataynawa.

Daniel (hebreo) 7:20 Jak'a apnaqawi uñst'ayäwi

Daniel (hebreo) 7:11

“Nayajj uqhamaw uñch'uquiscäyäta, cuntejj uca jisc'a wajjran lacapajj wali jach'a jach'a tuct'asa parlcäna uca ist'asa, uqham uñch'ucquipansti uca ajjsarcañ animalaruw jiwayjjapjjäna jisc'a jisc'a wicanokasa, ucatsti ninaruw jakontjjapjjäna ucan naqhantjjañapataqui.

Daniel (hebreo) 7:19

“Nayajj juc'ampi uca pusïri ajjsarcañ jach'a animalat yatjjatañ munäyäta, mayninacatsa mayjaraqui, ajjtascañaraqui, laca ch'aqhanacapas hierrocamaquiraqui, amparanacapan sillunacapas broncetaraqui; take cunsa mank'antaquïnwa, ucatsti tucjaraquïnwa, jilt'anacsti taquisiraquïnwa.

Daniel (hebreo) 7:21

Uqhamasti uñjaractwa uca wajjrajj Diosan marcapampi nuwasisquiri, uqhamaraqui atipjasquiri,

Daniel (hebreo) 7:23

Ucatsti saraquïnwa: ‘Uca pusïri ajjsarcañ animalasti cunatejj aca oraken pusïri reinojj utjcani ucäniwa, mayninacatsa wali mayjaraqui. Take aca orakpacha mank'antani, taquisiraquini, tucjaraquini.

Daniel (hebreo) 7:7

“Unañchäwejjan pusïri animal uñjcta ucasti sinti ajjsarcañapunïnwa, sustjascaña, uqhamarusa wali ch'amaniraqui. Laca ch'aqhanacapasti hierrocamaquïnwa, wali jach'anacaraqui; take cunwa mank'antäna, tucjaraquïna, jilt'anacsti taquisiraquïnwa. Take uca mayni animalanac uñjcta ucanacat sipansa mayjapunïnwa, p'ekepansti tunca wajjranacaniraquïnwa.

Daniel (hebreo) 7:8

“Uca wajjranac uñch'ucquipansti, uca wajjranac taypitjja yakha jisc'a wajjraw mistuniraquïna, uca khepa wajjrajj mistuncänsa ucaru mä cheka churañataquejja quimsa wajjranacwa jiq'irapjjäna, uca khepïri wajjrasti jake nayrat nayranacanïnwa, mä lacaw utjaraquïna, uca lacasti wali jach'a jach'a tucusaraquiw parläna.

Apocalipsis 12:3

Ucatsti yakha uñacht'äwiraquiw alajjpachanjja uñstäna: Mä jach'a dragón sat wila animalaraquiw uñstäna: ucasti pakallko p'ekenïnwa, tunca wajjran cuna, sapa p'ekerusti mä coronan asjjatata.