Daniel (hebreo) 7:15 - Qullan Arunaca

¹⁵ “Naya, Daniel, amuyasiraquïyätwa ajjsarañajj nayar wali muyuntatapa; llaquisiraquïyätwa take cunanactejj uñjcäyätsa ucanacata.

Aymar Bibliia 1986

¹⁵ “Naya, Daniel, amuyasiraquïyätwa ajjsarañajj nayar wali muyuntatapa; llaquisiraquïyätwa take cunanactejj uñjcäyätsa ucanacata.

Qullan Arunaka DC

¹⁵ “Naya, Danielasti, axsarayasïyätwa; taqi kunanaktix uñjkäyäta ukanakat llakt'asisa,

Daniel (hebreo) 7:15 Jak'a apnaqawi uñst'ayäwi

Génesis 41:8

Ucampis khepärmanthi alwasti wali llaquitänwa, ucatsti take yatirinaca, uqhamarac yatiñani jakenacaruw take Egipto marcat irptayani. Cunapachatejj faraonajj take uca samcanac avist'äna ucqhasti janiw qhitisa khanañchañ puedcänti.

Jeremías 17:16

Ucampisa, janiw nayajj wayt'caracsmati, mä jach'a jan walt'aña apayaniñamataquejja, jupanacataquisa janiw jach'a t'akhesiñanacsa muncaractti. Jumasti sumwa yattajja cuntejj sisctjja ucjja, juma nayrakataruwa uchjjaractjja.

Daniel (hebreo) 10:16

Acatjamatwa, mä jakejj nayaru lacajjat llamct'itu, jupasti jaken yokapjamänwa. Ucat nayajj saracta qhititejj nayan nayrakatajjan sayt'atäcän ucaru, aqham sasa: ‘Tata, aca unañchäwi uñjatajjajj wali llaquisiyitu, jan ch'amani tucuyaraquitu.

Daniel (hebreo) 2:1

Nabucodonosor reyejj niya pä mara apnakcäna ucapachasti jupajj walja samcanacwa samcasitayna, uqham samcasitapatsti wali llaquisjjaraquïna, janiraquiw iquisa purcjjaraquitaynati.

Daniel (hebreo) 2:3

reyisti jupanacarojj sänwa: —Nayajj mä samca samcasta ucat jichhajj wal llaquista uca samcajj cun sañsa munpacha uc yatiñ munasina —sasa.

Daniel (hebreo) 4:19

Uqhamasti Daniel waynajj, qhitirutejj Beltsasar sas sutichapcäna ucajja wali muspharataw uñjasïna, cuna amtäwinacatejj p'ekeparu jutcän ucanacampisa wali mayjt'ataw uñjasiraquïna. Ucampisa naya, reyejj, juparojj saractwa: ‘Beltsasar, jan jumajj llaquisimti cuna samctejj samcascta ucatjja, uqhamaraqui khanañchäwipatsa’ sasa. Beltsasarasti ucjjarojj saraquituwa: ¡Jach'a rey, cuntejj uca samcajj sañ munqui ucanacasti juman uñisirinacamjjaru purpan!

Daniel (hebreo) 4:5

Ucampisa mä arumawa iquiñancjjasina, mä samca samcasta ucasti walpun warariyitu, cunaymani casta lup'ïwinaca, unañchäwi uñjaracta, take ucanacaw ajjsarañampi phokhantitu.

Daniel (hebreo) 7:1

Mä arumajja, cunapachatejj Belsasar reyejj Babilonia marca niya mä mara apnakcän ucapachajj, Daniel chachajj mä samcanacampi, unañchäwinacampwa uñjäna. Cunapachatejj iquit uñatatän ucapachasti cunanactejj uca samcana, uqhamaraqui uca unañchäwin uñjcatayna take ucanacwa kellksüna, ucanacasti aqhamawa:

Daniel (hebreo) 7:28

“Ucaw uca unañchäwin tucuyäwipajja. Naya, Daniel, wali mayjt'atapuniw jicjjatasta, ajanojjas k'elluw tucuraqui, ucampisa janiw qhitirusa cunsa aca toketjja siscaractti.”

Daniel (hebreo) 8:2

Uca uñjäwinsti nayajj Susa marcanjamac jicjjatasïyätjja, Elam sisqui uca provinciana, Ulai sisqui uca jawira thiyana.

Daniel (hebreo) 8:27

“Naya, Daniel, k'ala ch'ama thayjtataw uñjasïyäta, walja urunacaraquiw usuntata jicjjatasiraquïyäta. Take ucanac pasatasti wasitatwa marca apnacañanacan luräwinacapjja uñjaraquïyäta. Ucampisa cuna unañchäwtejj uñjcta ucanacatjja wali llaquitapuniw jicjjatasïyäta, jan amuyt'añjamätap laycu.”

Habacuc 3:16

Take ucanac ist'asajja ajjsarayastwa: janiw cunas arsuñjamäquiti; cayunacajjas janiw sayt'asiñataquejj ch'amanïcjjeti, take cuerpojjas janiraquiw ch'amanïcjjeti. Uqhamäquipansa, jan ajjsarañampiw suyt'äjja, cuna urutï Diosajj llaquisiñaru uchcani, jiwasanacaru t'akhesiyiri ejercitonacaparu.

2 Pedro 1:14

Jesucristo Tatitusasti yatiyjjaraquituwa janc'aqui jiwjjañajjata.