Daniel (hebreo) 6:25 - Qullan Arunaca

²⁵ Ucjjarusti rey Dariojj mä kellkata apayäna, take marcanacaru, uqhamaraqui cunaymani casta parlanacani jakenacaru aqham sasa: “Jumanacataquejj muntwa sumancañajj utjañapa, uqhamaraqui take phokt'ata sarnakapjjañama.

Aymar Bibliia 1986

²⁵ Ucjjarusti rey Dariojj mä kellkata apayäna, take marcanacaru, uqhamaraqui cunaymani casta parlanacani jakenacaru aqham sasa: “Jumanacataquejj muntwa sumancañajj utjañapa, uqhamaraqui take phokt'ata sarnakapjjañama.

Qullan Arunaka DC

²⁵ 25 (26) Ukapachaw Darío reyix mä qillqat uraqpachan utjir taqi markanakaru, ukhamaraki kunayman arut parlir jaqinakar apayäna, akham sasa: “Jumanak taypin jilarkir sumankañ utjpan.

Daniel (hebreo) 6:25 Jak'a apnaqawi uñst'ayäwi

Esdras 4:17

Ucatsti Artajerjes reyejj aqham yatiyäwiracwa apayaraquïna: “Aruntanipjjsmawa Rehum sat comandanteru, Simsai sat secretarioru, uqhamarac Samarian jacapqui uca masinacaparu, uqhamarac Eufrates sat jawirat inti jalanta tokenquir ucat ucjjar provincianacaruraqui.

Ester (hebreo) 3:12

Mara kallta phajjsina tunca quimsa uru sarakatarusti take reyin secretario kellkerinacapawa jawsayatäna. Jupanacajj kellkapjjänwa Amán chachajj mayqui provincianquir jilïrinacaru, uqhamarac take marcanquir jilïrinacaru ucanaca. Aca arsüwisti kellkatänwa sapa provincianacana, marcanacan lajjranacapata, uqhamaraqui rey Asueron sutiparu firmata, anillopampi sellantataraqui.

Ester (hebreo) 7:10

Uqhamaw Amán chacharojj warccatapjjäna, cawquïr jaychcatañtejj Mardoqueotaqui waquichaycäna ucaru. Uqham lurayasinwa reyejj colerapa apjtayasïna.

Ester (hebreo) 8:9

Reyin kellkerinacaparojj janc'aquiw jawsayanipjjäna, uca urusti quimsïri phajjsina pä tunca quimsani uru sarakatänwa, jan ucasti Siván sat phajjsina. Ucampis take cunanactejj Mardoqueojj arscäna judionacataquejja uqhamarjamaw kellkatäna, take provincianacan marcanacanquiri jilïrinacaru, uqhamaraquiw kellkatäna patac pä tunca pakallkon provincianquir jilïrinacaru, uca provincianacasti India oraketa, Etiopía orakcamänwa, take cartanacasti kellkatänwa lajjranacaparjama, suma kellkata sapa provinciaru. Uqhamaraquiw judionacarusa kellkatänwa lajjranacapata suma kellkäwinacaparjama.

Salmos 7:15

Wali mankha p'iypun allisi, pachpa allisitaparuw jalantani.

Salmos 9:16

Tatitojj chekapar uñjañataquiw uñachayasi: ñankha lurir jakesti pachpa luräwinacapampiw pejjtuntayasi.

Proverbios 11:8

Diosajj asqui jakerojj t'akhesiñatjja khespiyiwa, ucatsti jupa lantejj jucharar jakeruwa t'akhesiñaru uchi.

Daniel (hebreo) 3:4

Cawquïri jaketejj uca luräwinaca kalltayañapäcäna ucasti jach'at art'äna aqham sasa: “Ist'apjjam take marcanacanquiri jakenaca, yakha marcanquiri jakenacasa, cunayman casta parlani jakenacasa.

Daniel (hebreo) 4:1

“Naya, Nabucodonosor reyejj muntwa sumancañajj utjañapa, phokt'atäñasa take marcanacana, uqhamaraqui take jakenac taypina aca oraken jaquirinacana.

Deuteronomio 19:19

pachpa arsüwimpiw juparojj t'akhesiyani, cunjämtejj jupajj maynitaqui muncän uqhama.

1 Pedro 1:2

Take jumanacarusti Dios Awquiw ajllisipjjtam nayratpacha amtataparjama. Kollan Ajayu tokeraquiwa jumanacarojj jupataqui yakhachasipjjtam, jupar jaysapjjañamataqui, Jesucriston wilapampi k'omachatäpjjañamataquiraqui. Jumanacasti Diosan bendicionanacapjja jilarquiri catokapjjam, uqhamarac suman sarnakasiñsa.

2 Pedro 1:2

Jilarquir bendicionanac catokapjjam, uqhamarac suma sarnakasipjjam, Diosaru uqhamarac Jesucristo Tatitusar uñt'apjjatam laycu.

Judas 1:2

Jumanacasti jilarquiri qhuyapayasiña, sumancaña munasiñaraqui catokapjjam.