Daniel (hebreo) 5:7 - Qullan Arunaca

⁷ Ucat warariraqui, take yatiri, uqhamaraqui yatiñani, warawaranaca uñch'uquiri jakenacajj Babilonian utjcänsa take ucanacaruw jawsayäna, ucat jupanacarojj saraquïna: “Qhititejj aca perkan kellkatäqui uca leet'ani ucat uca kellkajj cuntejj saña munqui uca khanañcharaquitani, ucajj púrpura sat suma isinacampi isthapiyatäniwa, cuncaparusti mä kori cadenaw warcuntasiraquini, nayan reinojjansti quimsïri chekaru utt'ayataraquïniwa” sasa.

Aymar Bibliia 1986

⁷ Ucat warariraqui, take yatiri, uqhamaraqui yatiñani, warawaranaca uñch'uquiri jakenacajj Babilonian utjcänsa take ucanacaruw jawsayäna, ucat jupanacarojj saraquïna: “Qhititejj aca perkan kellkatäqui uca leet'ani ucat uca kellkajj cuntejj saña munqui uca khanañcharaquitani, ucajj púrpura sat suma isinacampi isthapiyatäniwa, cuncaparusti mä kori cadenaw warcuntasiraquini, nayan reinojjansti quimsïri chekaru utt'ayataraquïniwa” sasa.

Qullan Arunaka DC

⁷ Ukatsti wararisaw Babilonian utjir taqi yatirinakaru, yatiñan jaqinakaru, warawaranak uñch'ukis yatir jaqinakar jawsäna, ukat jupanakar sarakïna: —Khititix aka pirqan qillqatäki uk ullarkani, ukatsti kuntix ukax sañ munki uksa qhanañchkarakitani, ukax suma isinakamp isthapiyatäniwa, kunkaparusti mä quri wallqamp ajuntayatarakïniwa, markaxan apnaqäwipansti kimsïri jilïri apnaqirit utt'ayatarakïniwa —sasa.

Daniel (hebreo) 5:7 Jak'a apnaqawi uñst'ayäwi

Génesis 41:8

Ucampis khepärmanthi alwasti wali llaquitänwa, ucatsti take yatirinaca, uqhamarac yatiñani jakenacaruw take Egipto marcat irptayani. Cunapachatejj faraonajj take uca samcanac avist'äna ucqhasti janiw qhitisa khanañchañ puedcänti.

Ester (hebreo) 3:1

Ucat mä kawkha urunacatsti rey Asuerojj, Hamedata satan Amán yokaparusti marca taypinjja mä jilïritwa utt'ayäna. Ucampis jupajj Agag sat familiata sarakerïnwa.

Éxodo 7:11

Uca uñjasinsti faraonajj wali amuyt'an jakenacaru, uqhamarac jupanacan wali yatiri jakenacaruw jawsayanïna, ucatsti uca jakenacajj yatiñanacapampejja quipcaracwa lurapjjaraquïna;

Proverbios 1:9

Uca yatichäwinacasti jumataquejj mä suma c'achachäwïniwa, mä suma collarar uñtataraqui.

Cantar de los cantares 1:10

¡Ajanumajj cunja sumasa aretenac taypinjja! ¡Cunja jiwaquisa cuncamajja perlanacat lurata collaranac taypinjja!

Isaías 47:13

Ewjjerinacamajj jumataquejj jilarquirïnwa, kariñamcama. ¡Jichhajj warawara uñch'uquiri jakenacamajj uñstanpanaya, qhitinacatejj warawaranac uñch'uquis yatjjatapqui ucanaca, uqhamaraqui phajjsit phajjsiru cunatejj lurascan ucanac yatiyirinacasa, qhitinacatï jumar khespiyañ munapctam ucanacas jichhajj uñstanipjjpanaya!

Jeremías 50:35

Tatitu Diosajj siwa: “¡Babilonia marcaru ucan jaquir jakenacarusa nuwjatäpan! ¡Jilïrinacaparusa, yatiñani jakenacaparusa!

Ezequiel 16:11

korit lurat yänacampiw c'achacharacsma, amparanacamarus brazaletenac ucharacsma cuncamarus mä collarampiw ajuntayaracsma;

Daniel (hebreo) 1:20

Take cuna luräwinacatejj wali amuyt'ampi luraña waquiscäna, ucanacansti reyejj uca waynanacaruw jisct'äna, ucatsti reyejj jicjjataraquïnwa uca waynanacajj sinti ch'iqhïpjjatapa cawquïri yatiri, layka jakenacatejj palaciopan utjcän ucanacat sipansa.

Daniel (hebreo) 1:4

wali suma uñnakt'ani waynanac irpsuniñapataqui, jan cunansa camacht'ata, ch'iqhi, uqhamaraqui wali suma yatichata, take cunsa yatirinaca, reyin palaciopan sirviñataquisa waquichatäpjjañaparaqui, uca casta waynanaca. Jupanacaruw caldeonacan arunacapajja, yatiñanacapasa yatichatäni.

Daniel (hebreo) 2:2

Uqhamasti jupajj magonacaru, yatirinacaru, laykanacaru, take yatiñani jakenacaruw jawsayanïna uca samcanaca toketa juparu khanañchapjjañapataqui. Uca jakenacasti sarasinjja reyin nayrakataparuw uñstapjjäna,

Daniel (hebreo) 2:27

Daniel waynasti saraquïnwa: —Janiw mayni yatiñani jakesa, yatirisa, magosa, jan ucajj wara waranac uñtasina yatiri jakesa utjquiti jach'a reyejj cuntejj yatiñ munqui uca khanañchirejja.

Daniel (hebreo) 2:48

Ucatsti reyejj Daniel waynarojj mä jach'a jilïrit utt'ayaraquïna, walja suma wajjt'asiñanacapwa churaraquïna; uqhamarus Babilonia provincia apnakañapataquiw utt'ayaraquïna, ucjjarusti take yatiñani jakenacatejj utjcäna uca marcanjja ucanacjjaru munañanïñwa churaraquïna.

Daniel (hebreo) 2:6

Ucampisa jumanacatejj sapjjetäta cuntejj samcascta uca, uqhamaraqui uca samcajj cun sañsa muni uca khanañchapjjetäta ucapachasti nayatjja walja wajjt'äwinaca catokapjjäta, walja asquinacampwa catokapjjäta, jach'aru aptatäpjjaraquïtawa. Uqhamajj jichhajj sapjjeta cuntejj samcascta uca, uca samcajj cun sañsa muni ucsa khanañchapjjaraquita —sasa.

Daniel (hebreo) 4:14

Ucat uca angelajj jach'at art'araquïna aqham sasa: “Uca kokjja liwinucupjjam; layminacapsti qhuchhurapjjam, laphinacapsa apakapjjam, achunacapsa willitatapjjam, cawquïri animalanacatejj ch'iwipancqui ucanacas chhuctawayjjapjjaracpan, uqhamaraqui layminacapanquiri jamach'inacasa.

Daniel (hebreo) 5:11

jupan reinopansti mayni jakew utji kollan Diosan ajayupampi irpata. Cunapachatejj jach'a reyin awquipajj reyïcan ucapachajj uca jakejj wali suma khana amuyunïtapwa uñacht'ayäna, ch'iqhïtapa, yatiñanïtapa diosanacjama yatiñanïcaspas uqhama. Ucatpï juma jach'a reyin Nabucodonosor rey awquimajj uca jakerojj take yatiri, mago, yatiñani, uqhamaraqui warawaranaca uñch'uquiri jakenacan jilïripat utt'ayänjja.

Daniel (hebreo) 5:15

Jichhajj waliquiwa, aca marcan utjquisa take uca yatiñani jakenacaw acancapjjäna aca kellka leet'añataqui ucat ucajj cuna sañsa muni uca khanañchañapataqui, ucampisa janiw maynis uca arunacjja leet'añ puedquiti, janiraquiw khanañchañsa puedipcaraquiti.

Daniel (hebreo) 5:16

Ucampisa nayajj ist'twa jumajj ch'amanïtama, take payachasïwinaca, uqhamaraqui cuna ch'ama yänacatejj utjqui ucsa khanañchirïtama. Jumatejj uca arunaca leet'äta, ucatsti cuntejj sañ munqui uca khanañcharaquïtäta, ucapachasti jumarojj mä suma púrpura sat isimpiw isthapiyäma, cuncamarusti mä kori cadena warcuntayaraquïma, nayan reinojjansti quimsïri chekaruw utt'ayaraquïma —sasa.

Daniel (hebreo) 5:29

Ucspachaw Belsasar reyejj saraquïna, Daniel chacharojj púrpura isinacampi isthapiyapjjañapataqui, cuncaparusa mä kori cadena warcuntapjjañapataqui, ucatsti take jakenacaruwa yatiyaraquïna ucspacha Daniel chachajj uca reinonjja quimsïri chekaru utt'ayatäñapawa, sasinwa yatiyäna.

Números 22:17

Nayaw wali jach'añchäwinac churäma, take cuntejj mayquitäta ucsa nayajj phokhäwa, ucampisa jutaquimay aca marcar ñankhacharejja” —sasa.

Números 22:7

Moab oraketa, Madián oraketjja, jilïrinacajj kollke apt'ataw sarapjjäna ñankhachäwit pagañataqui, cunapachatejj Balaam jac'aru puripjjäna ucqhajj Balac reyin ewjja arunacapwa churapjjäna.

Números 24:11

Jichhasti cutt'jjam utamaru, nayasti arojjampiw arsuyäsma walja churäwinac churañataqui, ucampisa Tatituw jan uqham lurasiñap munquiti.

1 Samuel 17:25

“¿Uñjapjjtati uca chachar mistuniri? ¡Israelar arnakeriw jutaraquiquejja! Qhititejj juparu atipjaspa ucarusti reyejj walja yänacwa churani, phuchapsa warmipat churaraquini, familiapasti janiw impuestonac pagcjjaraquiniti” sasaw jakenacajj parlapjjäna.