Daniel (hebreo) 5:23 - Qullan Arunaca

²³ Jan ucasti alajjpachanquiri Tatitutjja larustawa, uca copanaca, jarronaca, cunatejj templot apanitäcäna, ucanac apayanisajja, jawsayata jakenacamampi chicaraquiw uca copanacata, jarronacatsa vino umtajja; uqhamarusa korita, kollketa, bronceta, hierrota, lawata, kalata lurat diosanacamaruw yupaychapjjaractajja; uca diosanacasti janiw uñjapquiti, janiw ist'apcaraquisa, janiw cunsa yatipcaraquiti. Ucampisa janiw Diosarojj yupaychctati, uca Diosan amparapancaraquiw jacañamajja, take cuntejj lurcta ucasa jupatwa jutaraqui.

Aymar Bibliia 1986

²³ Jan ucasti alajjpachanquiri Tatitutjja larustawa, uca copanaca, jarronaca, cunatejj templot apanitäcäna, ucanac apayanisajja, jawsayata jakenacamampi chicaraquiw uca copanacata, jarronacatsa vino umtajja; uqhamarusa korita, kollketa, bronceta, hierrota, lawata, kalata lurat diosanacamaruw yupaychapjjaractajja; uca diosanacasti janiw uñjapquiti, janiw ist'apcaraquisa, janiw cunsa yatipcaraquiti. Ucampisa janiw Diosarojj yupaychctati, uca Diosan amparapancaraquiw jacañamajja, take cuntejj lurcta ucasa jupatwa jutaraqui.

Qullan Arunaka DC

²³ Jan ukasti, alaxpachankir Tatitut larustawa, jupan utapankir qirunakampi aptayanisax, jawsayat jaqinakamamp chikaw uka qirunakat vino umtaxa; ukhamarusa, qurita, qullqita, bronceta, hierrota, lawata, qalat lurat diosanakaruw yupaychtaxa; uka diosanakasti janiw uñjapkiti, janiw ist'apkisa, janirakiw kuns yatipkiti. Janiw jumax Diosar jach'añchktati, juma reyin jakañamax jupan amparapankiwa, kuntix lurkta ukanakasa jupïpan lurasi.

Daniel (hebreo) 5:23 Jak'a apnaqawi uñst'ayäwi

Génesis 14:19

Abramarusti aca arunacampiw bendiciraquïna: “Alajjpachanquir Diosaw bendicïtam, jupasti alajjpacha, acapacha luririwa.

Génesis 2:7

Ucjjarusti Diosajj jakerojj lak'atwa luräna, nasapat phost'asinwa jacaña churaraquïna. Uqhamatwa jakejj jacjjäna.

2 Reyes 14:10

Nayanjja uñt'añajjawa jumana edomitanacar atipjatama, ucawa jumarojj jach'a jach'a tucuytamjja. Waliquiwa, jumajj jach'a jach'a tucuscaquim ucampis utamancascaquim; ucawa asquïni. ¿Cunatsa jan walt'añaru mantañ muntajja, uqhamata aynacht'añamataqui jumasa, Judá marcamasa?”

Job 12:10

Take jaquirinacan jacañanacapajj jupan amparapancaraquiwa.

Job 31:4

¿Diosajj janicha luräwinacajj uñjqui? ¿Janicha take sarnakäwejjsa uñtanqui?

Salmos 104:29

ajanum imantascta ucapachajj mulljasipjjewa; samanap apakcta ucapachasti jiwjjapjjewa, lak'aruw tucjjapjjaraqui.

Salmos 115:16

Alajjpachajj Tatitunquiwa, jakerusti orak catuyi.

Salmos 139:3

Jumaw sarnakatajjsa, samart'atajjsa yattajja, takpach sarnakäwinacajjajj juman uñt'atawa.

Salmos 146:4

jiwjjapjje ucapachajja, lak'aruw tucjjapjje, ucürpachaw amtatanacapajj tucusjje.

Proverbios 20:24

Tatituwa jaken sarnakäwipa sarayasqui; janiwa qhitis yatisquiti jupa pachpan tucuyäwipjja.

Isaías 13:11

Tatitusti siwa: “Acapacharojj ñankha luratapatjja mutuyäwa, ñankha jakenacarusti, jake jiwayatanacapatwa mutuyaraquï. Jach'a jach'a tucur jakenacarusti uca jach'a jach'a tucuñapjja tucjäwa, ñankha khoru jakenacarusti jisc'achjaraquïwa.

Isaías 14:13

Chuymamansti amtaraquïyätawa: ‘Jichhajj alajjpachcamaw maqhatä; konuñajjsti Diosan warawaranacapjjaruraquiw usct'asï, qhaya jaya alayanwa kont'asiraquï, cawquïri kolluntejj diosanacajj tantachasipqui ucana.

Isaías 2:12

Cunürutejj take ch'amani Tatitojj sartcani, jach'a jach'a, uqhamaraqui ñankha tucur jakenac toke, uca jach'a jach'a tucur jakenacaru alt'ayañataqui;

Isaías 33:10

Tatitusti saraquiwa: “Jichhacuchapï sartäjja luraraquïsa; jichhajj take jach'a cancañajjwa uñacht'ayaraquëjja.

Isaías 37:19

diosanacapsa ninaruw naqhantayapjjaraqui, janiw ucanacajj chekpacha diosäpcänti, jan ucasti lawata, kalata lurat diosanacaquïnwa uca laycu. Ucatpï t'unjasipquejja.

Isaías 37:23

¿Qhitirus arunacamampejj ñankhachtajja? ¿Qhiti tokes ucatak arsustajja, uqhamaraqui wali jach'a jach'a tucusa uñatatastajja? ¡Israelan Kollan Diosapataquiw uc lurtajja!

Isaías 42:5

Dios Tatitu, qhititejj alajjpachsa lurqui, janatatcaraqui, oraksa lurcaraqui, uqhamaraqui ucan achurinacarusa, jacañsa jakenacarus churcaraqui, sirviriparusti saraqui:

Jeremías 10:23

Tata, nayajj yattwa jakejj janiw alasquiti pachpa jacañapjja, janiraquiw tucuyäwipsa munañapar apnakcaspati.

Jeremías 48:26

Moab marcarojj machjayapjjam, Tatitutaqui sayt'asitap laycu. Ucapachaw Moab marcajj pachpa wak'sutapar korumnakani, takeniw jupatjja larusipjjaraquini.

Jeremías 50:28

(Babiloniat jaltanjjeri jakenacaw Sionarojj purinipjje, cunjämsa Dios Tatitojj Babilonia marcarojj lurcatayna uca marcajj yakha marcanacaru uqhamaraqui Tatitun templopampi lurcatayna uqhamarjama, take ucanaca yatiyasisaw purinipjje.)

Jeremías 50:29

“¡Take arco apnakeri jakenacaru jawsapjjam, Babiloniaru nuwantapjjañanacapataqui! ¡Marcaru muyuntata purintapjjaraquim, uqhamat jan maynis jaltañapataqui! ¡Cunjäma lurañatejj jupanacaru waquisqui uqhamarjama lurapjjaraquim uca marcarojja! ¡Cunjämtï jupajj lurqui, uqhamaraqui jumanacajj jupampi lurapjjam! Nayataquisti wali ñankha jakew tucuraquïnjja, naya Israelan Kollana Tatitu Diosapataquejja.

Ezequiel 28:17

Sumätam laycusti wali jach'a jach'aw tuctajja, c'ajquir cancañamasti, yatiñ cancañamjja t'unjaraquiwa, nayasti orakeruw liwinucuracsma, mä p'enka liwinucuracsma take reyinac nayrakatana.

Ezequiel 28:2

“Jumasti, chacha, jichhajj Tiro marcan reyiparu saraquim: ‘Aqham siw Tatitojja: Chuymamajj jach'a jach'a tucuñampi phokhantatawa, mä diosäcasmas uqhamwa amuyasiractajja, diosanacan konuñapana kont'asiractajja, jach'a kotampi muyuntata. Ucampisa janiw diosäctati, jakequïtawa, mä diosan yatiñapat yatiñanïcasmas uqhamwa amuyasiractajja.

Ezequiel 28:5

Alaquipañataquisti wali ch'iqhïtawa, kamir cancañamjja yapjjataractawa, uca kamir cancañamasti wali jach'a jach'a tucuyaractamjja.

Ezequiel 31:10

“Waliquiw jichhajja, Tatitusti aqham saraquiwa: Uca kokajj sinti jach'apuniw tucjjänjja, puntapasti kenayanaccamaw purjjaraquïnjja; ucampisa uqham sinti jach'aru jiltjjasinsti wali jach'a jach'araquiw tucjjänjja.

Daniel (hebreo) 11:12

Uqham atipjatapasti, uñisirinacapan waljani jiwaratapatsa uca reyirojj wali jach'achasiyaraquini, ucampisa jupan munañanïñapajj janiw wiñayataquïcaniti.

Daniel (hebreo) 4:37

“Jichhajj naya Nabucodonosor reyejj alajjpachanquiri reyirojj yupaycharactwa, jach'acharactwa, wakaycharactwa, cuntejj jupajj lurqui ucanacasti chekapapuniwa, uqhamaraqui qhititejj jach'a jach'a tucqui ucarusti jisc'achjaraquispawa.”

Daniel (hebreo) 8:11

alajjpacha ejerciton jilïriparusa “Nuwasiñäni” saraquïnwa; sapa uru sacrificio loktasiñsti t'unjaraquïnwa, yupaychañäqui uca chekanacsa taquisiraquïnwa.

Habacuc 2:4

Cunatejj kellkañamäqui ucajj acawa: ‘Jan wali ñankha jakenacajj jach'a jach'aw tucupjje, ucampis asqui jakenacajj Diosar iyawsäwi laycuwa jacapjjani’ ” sasa.

Hechos 17:25

Janiraquiw uca Diosajj jaken cunanaca jupataqui lurañapsa munquiti. Jupajjay take jiwasanacarojj jacañsa, samañsa, take cunanacsa churchistojja.

1 Corintios 8:4

Uqhamajj uca yakha diosanacar sacrificion churatäquis uca mank'anac mank'añjjata, chekpachansa yattanwa, mä c'ari diosajj janiw cunäquis acapachanjja, mä sapa Diosaquiwa chekpachansa utjejja.

1 Timoteo 3:6

Obispojj janiw mä machak iyawsirïñapäquiti jan jach'a jach'a tucuscañapataqui, jan Supayjama pachpa juchañchäwiru aynacht'ascañapataqui.

Hebreos 4:13

Janiw cunas Diosan luratanacapatjja jupat imantascaspati, take cunaw khanstayata, uqhamarac jist'arata qhitirutejj jaqhuta churcañäni ucan nayrakatapanjja.

Apocalipsis 9:20

Qhitinacatejj jan aca t'akhesïwinacampi jiwarapcän uca jakenacajj janiw arrepientisipcänti jan wali luratanacapatjja, uqhamaraquiw cunayman casta ajayunacarus yupaychasipcaquïna, uqhamarac korit, kollket, broncet, kalat, lawat lurat diosanacarus yupaychasipcaquïnwa. Uca diosanacasti janiw uñjquisa, ist'quisa, ni sarnakcaraquisa.

Jueces 16:23

Ucat filisteonacan jilïrinacapasti tantachasipjjänwa atipjasina fiesta lurañataqui, uqhamarac Dagón sat diosaparu sacrificio loktañataqui. Jupanacasti aqham sasaw k'ochupjjäna: “Jiwasan diosasawa catuyistu Sansón uñisirisarojja” sasa.

1 Samuel 17:26

Ucat Davidajj jupa jac'anquir jakenacaru jisct'araquïna: —¿Qhititejj aca filisteo chacharu jiwaycaspa, uqhamarac israelitanacar jisc'achatapsa apakcaspa uca jakerusti reyejj cunsa churaspa? Uqhamasti, ¿qhitiraqui uca jan Diosar uñt'iri filisteo chachasti, jacquir Diosan ejercitopar arnakaniñapataquisti? —sasa.

1 Samuel 17:36

Uqhamapï mä leonäscpasaya, jan ucajj mä osöscpasaya, aca sirvirimajj jiwt'ayaquipunirïnwa. Aca jan Diosar uñt'iri filisteo chacharusti uca quipcaraquiquiw lurasini jacquir Diosan ejercitopar arnakatap laycu.