Daniel (hebreo) 5:19 - Qullan Arunaca

¹⁹ Take ch'amanïña Diosajj juparu churäna ucatsti take acapachanquiri marcanacajja, cunayman casta parlani jakenacasa, awquimarojj ajjsarapjjänwa, jupa nayrakatansti wali qhathatipjjaraquïnjja. Jupasti qhitirutejj jiwayañ muncän ucarusti jiwayaquiraquïnwa, qhiterutejj jacayaña muncän ucarus jacayaquïnwa, mayninacarojj jach'aruw aptaraquïna, yakhepanacarusti jisc'achjaraquïnwa.

Aymar Bibliia 1986

¹⁹ Take ch'amanïña Diosajj juparu churäna ucatsti take acapachanquiri marcanacajja, cunayman casta parlani jakenacasa, awquimarojj ajjsarapjjänwa, jupa nayrakatansti wali qhathatipjjaraquïnjja. Jupasti qhitirutejj jiwayañ muncän ucarusti jiwayaquiraquïnwa, qhiterutejj jacayaña muncän ucarus jacayaquïnwa, mayninacarojj jach'aruw aptaraquïna, yakhepanacarusti jisc'achjaraquïnwa.

Qullan Arunaka DC

¹⁹ Jupar munañan kankañ churatap laykuw, taqi akapachankir markanakaxa, kunayman parlani jaqinakasa, awkimarux axsarapxänwa, jupa nayraqatan khathatipxarakïnwa. Jupax khitirutix jiwayañ munkäna ukarusti jiwayakïnwa, khitirutix jakayañ munkän ukarus jakayakïnwa, mayninakarux jach'aruw aptäna, yaqhipanakarusti jisk'achjarakïnwa.

Daniel (hebreo) 5:19 Jak'a apnaqawi uñst'ayäwi

2 Reyes 25:28

Ucatjja sumwa juparojj uñjäna, Babilonia marcana mayni reyinacajj utjcäna ucanacat sipansa asquita uñjatänwa.

Proverbios 16:14

Reyin colerasitapajj jiwañ apani, ucampis yatiñan jakejja sumaptayiwa uca colerasiñapjja.

Eclesiastés 8:3

Jupan nayrakatapatjja jan mäqui sarjjamti. Jan walinacarusti jan mantamti, jupasti cuntï muncani ucwa lurani.

Ezequiel 31:11

Ucatpï nayajj juparojj apanuctjja; jichhajj mä yakha marcanquirin jilïripan amparaparuw jalt'ayaraquëjja, jupasti cunjämarutejj ñankha luratanacapatjja waquisqui uqhamaruw purjjaraquini.

Daniel (hebreo) 11:12

Uqham atipjatapasti, uñisirinacapan waljani jiwaratapatsa uca reyirojj wali jach'achasiyaraquini, ucampisa jupan munañanïñapajj janiw wiñayataquïcaniti.

Daniel (hebreo) 11:16

Uca t'unjiri jutiristi, atipjatanacampejj cuntejj jupajj muncani ucwa luraraquini, janiw qhitisa jupampi nuwasirejj utjcaraquiniti, ucasti uca Suma Orakenwa kheparapjjani, cunanactejj jupajj jicjjatcani take ucanaca t'unjasa.

Daniel (hebreo) 11:3

Uca khepatsti yakha reyiraquiw apnakani, jupasti wali nuwasiriraquïniwa, jupan reinopasti jach'aru tucutaraquïniwa, cuntejj muncani ucwa luraraquini.

Daniel (hebreo) 11:36

“Amstanquir reyisti cuntejj jupajj munqui ucwa luraraquini cunjämatejj jupajj sinti jach'a jach'a tucqui uqhamäniwa, take diosanacatsa jilïrïcaspas uqhamwa amuyasiraquini, cheka Diosataquisti cunayman jan wali arunacwa arsuraquini, take cunas jupataquejj asquiruw mistsuni, Diosajj jupataqui mutuyäwipa puriyancani uca horascama, cuntejj Diosajj amtcani ucasti phokhasiniwa.

Daniel (hebreo) 3:29

Jichhasti nayajj arstwa, cawquïri jaketejj aca waynanacan Diosap toke jan wali arunac parlani ucasti qharinokatäpan, utapasa mayjaru t'unthapitaraquïpan, qhitïscpasa, cawqui marcat jutirïscpasa, cuna casta parlanïscpasa, janiraquiw utjquiti yakha diosajj uqham khespiyañataquejj” sasa.

Daniel (hebreo) 3:4

Cawquïri jaketejj uca luräwinaca kalltayañapäcäna ucasti jach'at art'äna aqham sasa: “Ist'apjjam take marcanacanquiri jakenaca, yakha marcanquiri jakenacasa, cunayman casta parlani jakenacasa.

Daniel (hebreo) 3:6

Qhititejj uca diosa nayrakataru jan quillt'ascani, ucasti ucspachaw mä akquir hornoru jakontatäni” sasa.

Daniel (hebreo) 4:17

Uca juchañchäwi arunacwa arsuwayapjje kollana uñjiri angelanacajja, uqhamat take jakenacajj yatipjjañapataqui, alajjpachanquiri Diosajj ch'amanïtapa, take jakenacana apnakañanacapjjarojja, jupaw marca apnakañanacsa churaraqui qhitirutejj churañ munqui ucaru, ucatsti mä marcan jilïripatwa utt'ayaraqui, qhititejj take jakenacat sipansa llamp'u chuymanïqui ucarojja.’

Daniel (hebreo) 4:19

Uqhamasti Daniel waynajj, qhitirutejj Beltsasar sas sutichapcäna ucajja wali muspharataw uñjasïna, cuna amtäwinacatejj p'ekeparu jutcän ucanacampisa wali mayjt'ataw uñjasiraquïna. Ucampisa naya, reyejj, juparojj saractwa: ‘Beltsasar, jan jumajj llaquisimti cuna samctejj samcascta ucatjja, uqhamaraqui khanañchäwipatsa’ sasa. Beltsasarasti ucjjarojj saraquituwa: ¡Jach'a rey, cuntejj uca samcajj sañ munqui ucanacasti juman uñisirinacamjjaru purpan!

Daniel (hebreo) 4:22

uca kokajj, juma, jach'a reyïtawa, jiltasinsti wali munañanipuniw tuctajja. Jach'a reyin munañapasti alajjpachcamawa purt'araqui, munañanïñapasa take aca orakpacharuw puriraqui.

Habacuc 2:5

“Jach'a jach'a tucuri jakenacajj ch'amanïñwa munapjje; jan samart'asaw thakapjje, ucatsti juc'amp munasipcaquiwa, ch'amanïñajj jan walirus puriychi ucasa. Lacapsti sepulturjamaw jist'arapjje, jiwaru uñtataw jan ist'asipquiti, ucatwa sarapjje catuntañataqui marcat, marcaru.

Juan 19:11

Jesusasti sänwa: —Nayataquejj janiw cuna munañanïcasmasa, janitejj Diosajj churquiristam ucajja; ucatpï jichhajj cawquïritejj jumar catuyquitu ucajja, jumat sipansa juc'amp juchanejja —sasa.

Romanos 13:1

Takeniw autoridadanacarojj jaysapjjañama, janiraquiw cuna autoridadas jan Diosïpanjja utjcaspati, autoridadanaca utjquis ucanacasti Diosan uchatawa.

Apocalipsis 5:9

Mä machak k'ochu k'ochupjjaraquïna: “Jumajj asquïtawa uca libro catuñataqui, sellonacap ch'iyarañataquisa; jumarojj jiwayapjjäyätamwa, ucatsti wilamampiw Diosataqui alapjjestajja, take casta jakenacaru, cunayman parlani jakenacaru jisc'a marcaru, jach'a marcaru.