Daniel (hebreo) 4:17 - Qullan Arunaca

¹⁷ Uca juchañchäwi arunacwa arsuwayapjje kollana uñjiri angelanacajja, uqhamat take jakenacajj yatipjjañapataqui, alajjpachanquiri Diosajj ch'amanïtapa, take jakenacana apnakañanacapjjarojja, jupaw marca apnakañanacsa churaraqui qhitirutejj churañ munqui ucaru, ucatsti mä marcan jilïripatwa utt'ayaraqui, qhititejj take jakenacat sipansa llamp'u chuymanïqui ucarojja.’

Aymar Bibliia 1986

¹⁷ Uca juchañchäwi arunacwa arsuwayapjje kollana uñjiri angelanacajja, uqhamat take jakenacajj yatipjjañapataqui, alajjpachanquiri Diosajj ch'amanïtapa, take jakenacana apnakañanacapjjarojja, jupaw marca apnakañanacsa churaraqui qhitirutejj churañ munqui ucaru, ucatsti mä marcan jilïripatwa utt'ayaraqui, qhititejj take jakenacat sipansa llamp'u chuymanïqui ucarojja.’

Qullan Arunaka DC

¹⁷ 17 (14) Tatitun qullan angelanakapaw juchañchäwi arunak arsuwayapxi, ukhamat taqi jaqinakax yatipxani, alaxpachankir Diosax ch'amanïtapa, jaqinakan marka apnaqañanakapxaru, jupaw marka apnaqañanaksa churaraki, khitirutix churañ munki ukaru, ukatsti mä markan jilïripat utt'ayaraki, khititix taqi jaqinakat sipan llamp'u chuymanïki ukaru.’ ”

Daniel (hebreo) 4:17 Jak'a apnaqawi uñst'ayäwi

1 Reyes 21:25

(Acab reyjama jan walinaca Tatitun nayrakatapana lurirejja janiw qhitis utjcänti Jezabel warmipana amtayatap laycu.

2 Crónicas 28:22

Acaz reyejj uqham jan walt'añanccasasa, Tatitutaquejj sayt'asiscaquïnwa. ¡Uqhamänwa Acaz reyejja!

Salmos 103:19

Tatitojj alajjpachan reyi konuñap utt'ayasi, ch'aman cancañapajj alajjpach acapach apnake.

Salmos 12:8

Ñankha lurir jakenacajj take chekan muyupayapjje, take jakew ñankharojj jach'ar apti.

Salmos 9:16

Tatitojj chekapar uñjañataquiw uñachayasi: ñankha lurir jakesti pachpa luräwinacapampiw pejjtuntayasi.

Éxodo 9:16

Ucampis nayajj ch'amajja uñjañamataquiw jacaysma, uqhamata nayan sutejjajja take orakena uñt'atäñapataqui.

Isaías 6:3

Maynit maynicamaraquiwa parlasipjjäna: “Kollana, Kollana, Kollanawa take ch'amani Tatitojja; take aca orakesti jupan jach'a cancañapampi phokhantatawa” sasa.

Isaías 6:8

Ucatsti Tatitun arup ist'aracta aqham siri: —¿Qhitirus qhitäjja? ¿Qhitis nayat arsur sarani? —sasa. Nayasti saractwa: —Acancasctwa nayajj, nayar qhitasita —sasa.

Ezequiel 25:17

Jupanacarusti jan qhuyapt'ayasisaw phoksusiraquëjja; jach'a colerasiñajjampiw mutuyaraquëjja. Cunapachatejj nayajj take ucanaca lurcä, ucapachaw jupanacajj nayan Tatitütajj yatipjjani.”

Ezequiel 7:24

Nayasti wali khoru jakenacwa qhitaneraquëjja, uca jakenacasti marcanquiri utanacwa catuntasipjjani. Jach'a jilïri jakenacan jach'a jach'a tucutapasti tucusiraquiniwa; diosanacaparu yupaychañäqui ucqhanacsti taquisiyaraquïwa.

Daniel (hebreo) 11:21

“Uca khepatsti yakharaquiw apnakani. Uca jakerusti janiraquiw reyïñapas waquiscasapänti, sinti jisc'achcaya jakeraquïniwa, jan wali amtäwinacapa imantasaw sallkjañanacampi reyit utt'asini.

Daniel (hebreo) 2:21

Jupaw urunacsa, maranacsa mayjt'ayaraqui, reyinacsa apakaraqui, uscuraqui. Yatiñaninacarusti juc'ampi yatiñwa churi, ch'iqhinacarusti juc'ampi ch'iqhi chuyma churaraqui.

Daniel (hebreo) 4:2

Munaractwa jumanacan yatipjjañanacama, cunja jach'a muspharcañanacatejj alajjpachanquir Diosajj nayampi lurqui ucanaca.

Daniel (hebreo) 4:25

Juma, jach'a reyisti, jakenacatjja yakhachatäjjätawa, animalanacampi chicaw jacaraquïta, vacanacjamaw koranac mank'araquïta, janchimjjarusa sullaw sullantaraquini. Uqhamaw juma, jach'a reyejj, pakallko mara jacäta, alajjpachanquiri Diosajj take acapachan reinonacjjarusa munañanïtapa yatekañamcama, uqhamaraqui jupajj apnakerit utt'ayaraqui qhitirutejj munqui ucaru.

Daniel (hebreo) 7:25

Alajjpachanquiri Diosarusti jisc'achjaniwa; marcaparus tucjaraquiniwa, Diosan leyinacapsa, fiestanacapsa mayjt'ayañ munaraquini, Diosan marcapasti jupan apnakataraquïniwa, quimsa mara chicatancama.

Romanos 13:1

Takeniw autoridadanacarojj jaysapjjañama, janiraquiw cuna autoridadas jan Diosïpanjja utjcaspati, autoridadanaca utjquis ucanacasti Diosan uchatawa.

1 Corintios 1:28

Diosajj ajllisiw jan yäkatäquis ucanacaru, uqhamarac jisc'achatäquis ucanaca, qhitinacatejj jach'achatäqui ucanacar p'enkachañataqui.

1 Timoteo 5:21

Diosan nayrakatapanwa acanacjja ewjjt'awaysma, uqhamarac Tatit Jesucriston nayrakatapana, ajllit angelanacapan nayrakatapanaraqui. Aca luräwinacjja jan qhitiru arjjatasisina takenirus mayaqui uñjasina phokham.

Apocalipsis 4:8

Uca pusi jacasquirinacasti sapa maynis sojjta chhekhancamänwa, patatsa mankhatsa nayranacamp phoksuta. Arumay ururaquiw jan samaras sapjjäna: “¡Kollana, kollana, kollana, Take ch'amani Dios Tata. Jupajj utjascapunïnwa, utjascaquiwa, jichhas utjascaquiniwa!”

1 Samuel 2:8

Diosajj oraket pobrerojj wayti, limosna mayjasirirusti k'añunac taypit waysuraqui, jilïri jakenac taypiru kont'ayañataqui, mä jach'a jilïrinacan konuñapar kont'ayañataqui; Tatitunquiw take cunasa, aca oraken utt'äwinacapatsa, ucanacjjaruraquiw aca oraksa utt'ayaraqui.