Daniel (hebreo) 4:14 - Qullan Arunaca

¹⁴ Ucat uca angelajj jach'at art'araquïna aqham sasa: “Uca kokjja liwinucupjjam; layminacapsti qhuchhurapjjam, laphinacapsa apakapjjam, achunacapsa willitatapjjam, cawquïri animalanacatejj ch'iwipancqui ucanacas chhuctawayjjapjjaracpan, uqhamaraqui layminacapanquiri jamach'inacasa.

Aymar Bibliia 1986

¹⁴ Ucat uca angelajj jach'at art'araquïna aqham sasa: “Uca kokjja liwinucupjjam; layminacapsti qhuchhurapjjam, laphinacapsa apakapjjam, achunacapsa willitatapjjam, cawquïri animalanacatejj ch'iwipancqui ucanacas chhuctawayjjapjjaracpan, uqhamaraqui layminacapanquiri jamach'inacasa.

Qullan Arunaka DC

¹⁴ 14 (11) uka angelax jach'at art'asisaw sarakïna: “ ‘Uka quqa liwinukupxam; layminakapsti khuchhurapxam, laphinakapsa wikharapxam, achunakapsa willitatapxam. Ch'iwipankki uka pampa laq'unakas jaltxapxpan, layminakapan tapachasir jamach'inakas chhuktawayxapxarakpan.

Daniel (hebreo) 4:14 Jak'a apnaqawi uñst'ayäwi

Job 24:20

Pachpa taycapawa jupatjja armasini; lak'onacaw mank'antjjaraquini, janiw qhitisa jupatjja mayampi amtascjjaniti. Ñankha jakesti qhuchhunucuta kokjamawa liwinuctjjaraquini.

Jeremías 27:5

Nayaw jach'a ch'amajjampi aca orakjja lurta, uqhamaraqui jakenacsa, take animalanacsa, ucatsti qhitirutejj nayajj muncta ucarus churaquiraquiristwa.

Jeremías 51:6

“¡Babilonia marcat jaltjjapjjam! ¡Qhitis khespiyaschini ucajj khesppan! ¡Jan jupan juchap laycu jiwapjjamti! Acaw nayan phoksusiña horasajjajja, cunjämarutejj waquisqui uqhamaruw churaraquëjja.

Jeremías 51:9

Babiloniarojj kollanacampi kolljjatatänwa, ucampisa janiw kollasquiti. ¡Pachparu apanucupjjam! Acat sarjjaraquiñäni, sapa maynis marcaparcama, Babilonian jach'a juchanacapasti alajjpachcamaw purjjaraqui, kenayanaccamaw maqhataraqui.

Ezequiel 31:10

“Waliquiw jichhajja, Tatitusti aqham saraquiwa: Uca kokajj sinti jach'apuniw tucjjänjja, puntapasti kenayanaccamaw purjjaraquïnjja; ucampisa uqham sinti jach'aru jiltjjasinsti wali jach'a jach'araquiw tucjjänjja.

Daniel (hebreo) 2:21

Jupaw urunacsa, maranacsa mayjt'ayaraqui, reyinacsa apakaraqui, uscuraqui. Yatiñaninacarusti juc'ampi yatiñwa churi, ch'iqhinacarusti juc'ampi ch'iqhi chuyma churaraqui.

Daniel (hebreo) 3:4

Cawquïri jaketejj uca luräwinaca kalltayañapäcäna ucasti jach'at art'äna aqham sasa: “Ist'apjjam take marcanacanquiri jakenaca, yakha marcanquiri jakenacasa, cunayman casta parlani jakenacasa.

Daniel (hebreo) 4:12

Laphinacapas wali sumaraquïnwa, achunacapasa waliraqui, take jakenacaru mank'ayañataquisa phokt'ataraqui. Pampanquir animalanacasti uca kokan ch'iwiparuw jutapjjäna; jamach'inacas layminacaparuw tapachasipjjäna, take acapachasti uca kokatwa jacapjjäna.

Daniel (hebreo) 4:23

Juma, jach'a reyisti, uñjaractawa alajjpachatjja mä kollan angelar sarakasinquiri, aqham sasa: ‘Uca kokjja liwinucupjjam, t'unjapjjaraquim, ucampisa pachpa orakeru jilt'ayapjjam troncompi saphinacampjja, hierrot, broncet lurata cadenanacampi ñach'antapjjaraquim, ucatsti pampa koranac taypiru apanucupjjam; jupjjarusti sullajj sullantaracpan, pampanquiri animalanacampi chica uca koranaca mank'aracpan pakallko mara phokhasiñapcama.’

Daniel (hebreo) 4:29

Mä mara pasjjepansti, reyejj palacio patanacapanwa sarnakascäna,

Daniel (hebreo) 5:20

Ucampisa cunapachatejj sinti munañani tucjjäna, uqhamaraqui jach'a jach'a tucuñampi phokhantayasïna, ucapachaw Diosajj apakjjäna, take ch'amapsa uqhamaraqui jach'a cancañapsa reyïtap laycu.

Daniel (hebreo) 5:21

Jakenacatsa yakhachatäjjaraquïnwa, mä animalaruw tucuraquïna; monte asnonacampi chicaw jacaraquïnjja, vacanacjamaw kora mank'araquïnjja, sullaraquiw janchiparus ch'aranjänjja, alajjpach Diosajj take jakenacjjarusa munañanïtapa, juparaqui apnakerinacsa qhitirutejj munqui ucarus utt'ayaraqui uc yatiñapcama.

Mateo 3:10

Ucampis sapjjaracsmawa, niyawa hachajja kokanaca saphitpach phat'arañatakejja uscuta, jan cuna achu churiri kokasti phat'anucutawa, ucatsti ninaru phichantataraquiwa.

Mateo 7:19

Take jan wali achuri kokajja phat'anucutäñapawa, ucatsti ninar phichhantatäñaparaquiwa.

Lucas 3:9

Jichhasti hachajja niyaraquiw kokanaca phat'suñataqui uscuta, take jan suma achur kokajja phat'sutawa ucatsti ninar phichantatawa —sasa.

Apocalipsis 10:3

Ucatsti mä leonar uñtataraquiw wali jach'at art'asïna. Cunapachatï art'ascäna ucqhajj pakallko khejjokhejjonacaw ist'asiraquïna.

Apocalipsis 18:2

Wali jach'ataraqui art'asïna: “¡Aynacht'jjewa, aynacht'jjewa jach'a Babiloniajja! ¡Supayanacan utjäwipawa tucuwayjjaraqui, take casta ñankha ajayunacan putuparaqui, uqhamarac k'añu uñisita jamach'inacan tapaparaqui!