Daniel (hebreo) 3:4 - Qullan Arunaca

⁴ Cawquïri jaketejj uca luräwinaca kalltayañapäcäna ucasti jach'at art'äna aqham sasa: “Ist'apjjam take marcanacanquiri jakenaca, yakha marcanquiri jakenacasa, cunayman casta parlani jakenacasa.

Aymar Bibliia 1986

⁴ Cawquïri jaketejj uca luräwinaca kalltayañapäcäna ucasti jach'at art'äna aqham sasa: “Ist'apjjam take marcanacanquiri jakenaca, yakha marcanquiri jakenacasa, cunayman casta parlani jakenacasa.

Qullan Arunaka DC

⁴ Uka luräwinaka qalltayiristi jach'at art'äna akham sasa: “Ist'apxam, taqi markanakankir jaqinaka, jach'a markankir jaqinaka, kunayman aru parliri jaqinaka:

Daniel (hebreo) 3:4 Jak'a apnaqawi uñst'ayäwi

Ester (hebreo) 8:9

Reyin kellkerinacaparojj janc'aquiw jawsayanipjjäna, uca urusti quimsïri phajjsina pä tunca quimsani uru sarakatänwa, jan ucasti Siván sat phajjsina. Ucampis take cunanactejj Mardoqueojj arscäna judionacataquejja uqhamarjamaw kellkatäna, take provincianacan marcanacanquiri jilïrinacaru, uqhamaraquiw kellkatäna patac pä tunca pakallkon provincianquir jilïrinacaru, uca provincianacasti India oraketa, Etiopía orakcamänwa, take cartanacasti kellkatänwa lajjranacaparjama, suma kellkata sapa provinciaru. Uqhamaraquiw judionacarusa kellkatänwa lajjranacapata suma kellkäwinacaparjama.

Isaías 40:9

Sión, mä kollu patar maqhatam, wali ch'amampirac art'am, mä suma yatiyäwi yatiyañamataqui. Jerusalén marca, jan ajjsarasa art'ascaquim, Judá orakenquir marcanacarusti yatiyaraquim: “¡Acanquiw jumanacan Diosamajja!” sasa.

Isaías 58:1

Tatitojj saraquituwa: “Jan ajjsarasa, wali jach'at art'am, mä trompetäcaspas cuncamajj uqham art'asim; marcajjarusti jan wali luratanacapatjj juchañcharaquim, Jacobon marcaparusti jucha luratanacapat juchañcham.

Daniel (hebreo) 3:10

Juma, jach'a reyejj, arsuractawa, take jakenacajj uca korit lurata c'ari diosa nayrakataru quillt'asiñapa cunapachatejj uca instrumentonacajj toct'ascani ucapachajja,

Daniel (hebreo) 3:3

Take uca jach'a jilïri jakenacasti uca yakha diosa nayrakataruw tantacht'asipjjäna, uqhamat uca diosa catuyañataqui.

Daniel (hebreo) 3:7

Uqhamaw uca chekana tantacht'atäsipcän uca jakenacajj, instrumentonacan toct'asitapa ist'asinsti takeniw uca c'ari diosa nayrakataru quillt'asipjjäna ucat yupaychapjjaraquïna.

Daniel (hebreo) 4:1

“Naya, Nabucodonosor reyejj muntwa sumancañajj utjañapa, phokt'atäñasa take marcanacana, uqhamaraqui take jakenac taypina aca oraken jaquirinacana.

Daniel (hebreo) 4:14

Ucat uca angelajj jach'at art'araquïna aqham sasa: “Uca kokjja liwinucupjjam; layminacapsti qhuchhurapjjam, laphinacapsa apakapjjam, achunacapsa willitatapjjam, cawquïri animalanacatejj ch'iwipancqui ucanacas chhuctawayjjapjjaracpan, uqhamaraqui layminacapanquiri jamach'inacasa.

Daniel (hebreo) 6:25

Ucjjarusti rey Dariojj mä kellkata apayäna, take marcanacaru, uqhamaraqui cunaymani casta parlanacani jakenacaru aqham sasa: “Jumanacataquejj muntwa sumancañajj utjañapa, uqhamaraqui take phokt'ata sarnakapjjañama.

Oseas 5:11

Efrainajj t'akhesiyatawa, jupancqui ucanacas k'ala aparataraquiwa, c'ari diosanacar sirviña wali munatap laycu.

Miqueas 6:16

Jumajj Omri jakena, uqhamarac Acab jaken familianacapan arsutanacapa, uqhamaraqui luräwinacapwa lurtajja uca laycu, ucatsti cunjämtejj jupanacajj sarnakcänjja uqhamracwa sarnaktajja. Ucatwa jichhajj jumatjja, uqhamarac jakenacamatsa mä ajjsarayascaña, laruscañraqui lurapjjämajja, marcajjan p'enkapasti jumjjaruraquiw purini.’ ”

Apocalipsis 5:9

Mä machak k'ochu k'ochupjjaraquïna: “Jumajj asquïtawa uca libro catuñataqui, sellonacap ch'iyarañataquisa; jumarojj jiwayapjjäyätamwa, ucatsti wilamampiw Diosataqui alapjjestajja, take casta jakenacaru, cunayman parlani jakenacaru jisc'a marcaru, jach'a marcaru.