Daniel (hebreo) 3:19 - Qullan Arunaca

¹⁹ Nabucodonosor reyejj uca arunaca ist'asinsti wal colerasïna, ajanupas wilaw tucuraquïna uca quimsa waynanacataquejja. Ucatsti saraquïnwa hornojj cunjämatejj junt'uchañäqui ucatjja pakallko cuti juc'ampi junt'uchapjjam, sasa.

Aymar Bibliia 1986

¹⁹ Nabucodonosor reyejj uca arunaca ist'asinsti wal colerasïna, ajanupas wilaw tucuraquïna uca quimsa waynanacataquejja. Ucatsti saraquïnwa hornojj cunjämatejj junt'uchañäqui ucatjja pakallko cuti juc'ampi junt'uchapjjam, sasa.

Qullan Arunaka DC

¹⁹ Nabucodonosor reyisti uka arunak ist'asax chuymap mayjt'ayasïna, ajanupas wilaw tukurakïna uka kimsa waynanakatak q'apisisaxa. Ukatsti horno junt'uchayäna, junt'uchañäki ukatsa paqallq kutimpi;

Daniel (hebreo) 3:19 Jak'a apnaqawi uñst'ayäwi

Génesis 31:2

Uqhamarus Jacobojj amtasiraquïnwa Labanajj jan nayrjama uñj- jjatapa.

Ester (hebreo) 3:5

Amán chachasti cunapachatejj jupajj pasirïna ucqhajja, Mardoqueojj jan quillt'asirïtapa, ni p'ekepsa alt'irïtapa yatisinjja wali colerataw jicjjatasïna.

Ester (hebreo) 7:7

Rey Asuerojj wali colerataw sartasin mistsuwayjjäna cawqhantejj mank'añ fiesta lurapcäna uca utatjja, palacioncqui uca jardinaru, ucampis Amán chachajj reyejj juparu jiwayañatac amtatapa amuyasinsti, uca pachpa utaruw kheparäna Ester reynaru achict'asiñataqui jacañapa khespiyañapataqui.

Salmos 76:10

Jaken tipusiñapajj jumar jach'añchañaruw tucu, juc'a k'apisiñapas jumaruw jach'añchi.

Proverbios 16:14

Reyin colerasitapajj jiwañ apani, ucampis yatiñan jakejja sumaptayiwa uca colerasiñapjja.

Proverbios 21:24

Jach'a amtañani, jach'a jach'a tucuri, jan amuyt'ani, ucaw sutipajja; qhititejj wali jach'a amtañanacampi lurqui ucajja.

Isaías 51:23

Nayaw uca copjja qhitinacatejj jumar t'akhesiyapcätam ucanacar churä, qhitinacatejj jumarojj sapcäyätam: ‘Oraker liwnoktam, juma patjjwa pasañ munapjjta’ sasa, jumasti liwnokttawa, lak'ar uñtata taquisitäñamataqui.”

Daniel (hebreo) 2:12

Uca arunac ist'asinsti reyejj sintipuniw colerasïna, ucat mä aru mistuyaraquïna Babilonia orakena take yatiñani jakenacajj jan mayani jiwarayatäñapataqui.

Daniel (hebreo) 3:13

Nabucodonosor reyisti ucanac ist'asajj wal colerasïna, ucatsti Sadrac, Mesac, uqhamaraqui Abed-nego sisqui ucanacaruw jupan nayrakataparu irptayanïna. Cunapachatejj uca jawsayatanacajj reyin nayrakataparu uñstapjjäna ucapachasti,

Daniel (hebreo) 3:20

Ucatsti mayiraquïnwa ejercitopatjja mä kawkha wali ch'amani soldadonacajj Sadrac, Mesac, uqhamaraqui Abed-nego sat waynanacaru ñach'antañapataqui, ucat uca nina akquiri hornor jakontapjjañapataqui.

Daniel (hebreo) 5:6

reyejj k'elluw tucuwayi, ajjsarañan mantatasti walpunwa qhathatiraquïna, p'eket cayucama.

Daniel (hebreo) 6:24

Uca khipatsti reyin arsutapatwa, cawquïri jakenacatejj Daniel toke jan wali amtapcatayna ucanac jawsayanitayna, warminacapa, wawanacapamppacha, jupanacasti leonanacan putunacaparu jakontatäpjjänwa; janïraw leonanacan putunacapa mankharu puripcänti ucapachaw jupanacjjaru leonanacajj jaljjatasin jisc'a jisc'a wicanokapjjäna.

Levítico 26:18

“Take acanaca ist'asinsa janipuni nayarojj jaysapquitäta ucapachasti nayajj jumanacarojj pakallko cutimpiw juchanacamatjja t'akhesiyapjjäma.

Levítico 26:21

“Jumanacatejj naya contra sayt'asaquipuni sarnakasipcäta, uqhamarac jan nayar jaysas sarnakapjjäta ucapachasti, nayajj jumanacarojj pakallko cutimpwa mutuyapjjäma, jucha luratanacamarjama.

Levítico 26:24

ucapachasti nayajj jumanac contraw sartaraquï, ucatsti jucha luratanacamatjja pakallko ucqhampwa mutuyapjjaraquïma.

Levítico 26:28

nayajj jumanac contraw sayt'araquëjja, jumanacataquisti colerasiraquïwa, jucha luratanacamatsti pakallko ucqhampwa mutuyapjjaraquïma.

Hechos 5:33

Uc ist'asinjja, jilïrinacajj wal colerasipjjäna. Apostolonacarusti jiwayañwa munapjjaraquïna.

Hechos 7:54

Cunapachatejj jilïrinacajj uca arunac ist'apcän ucqhajja, jupanacajj colerasipjjänwa Esteban contrajja, laca ch'aqhanacapsa t'urusipjjaraquïnwa.