Daniel (hebreo) 3:12 - Qullan Arunaca

¹² —Jichhajj mayni judionacaw utji, cawquïrinacarutejj juma jach'a reyejj utt'ayta aca Babilonia provincia apnakapjjañapataqui, jichhasti jupanacajj janiw juma jach'a reyirojj ajjsarapctamti, janiraquiw ni cawquïri diosanacarus yupaychapcaraquiti, juma jach'a reyis korit luraycta uca diosa nayrakataparus quillt'asipcaraquiti. Ucanacasti acanacawa: Sadrac, Mesac, uqhamaraqui Abed-nego —sasa.

Aymar Bibliia 1986

¹² —Jichhajj mayni judionacaw utji, cawquïrinacarutejj juma jach'a reyejj utt'ayta aca Babilonia provincia apnakapjjañapataqui, jichhasti jupanacajj janiw juma jach'a reyirojj ajjsarapctamti, janiraquiw ni cawquïri diosanacarus yupaychapcaraquiti, juma jach'a reyis korit luraycta uca diosa nayrakataparus quillt'asipcaraquiti. Ucanacasti acanacawa: Sadrac, Mesac, uqhamaraqui Abed-nego —sasa.

Qullan Arunaka DC

¹² Ukampis mayni judionakaw utji, khitinakarutix juma reyix utt'aykta Babilonia suyu apnaqapxañapataki, jupanakax janiw juma munañan reyirux axsarapktamti, janiw diosanakamar yupaychapkiti, juma reyix qurit luraykta uka diosan nayraqataparus killt'asipkiti. Ukanakasti: Sadrac, Mesac, Abed-nego uka waynanakawa —sasa.

Daniel (hebreo) 3:12 Jak'a apnaqawi uñst'ayäwi

Ester (hebreo) 3:8

Ucatsti Amán chachajj, rey Asuerorojj sänwa: —Jach'a rey, reinomana take provincianacana marcanacapana taypinsti, mä marcaw utji yakha jacasiri mayninacat sipansa uqhamarac yakha leyinacanïpjjewa, janiraquiwa juman arsutamarusa Jach'a Rey, phokhañ munapcaraquiti. Uqhamasti janiw walïquiti jumataquejja Jach'a Rey, uqham marcajja, marcam taypina jacañapajja.

Proverbios 27:4

Colerasiñajj jan wali tucjiriwa, ucampis envidiasiñajja ucat sipansa juc'amp jan waliwa.

Eclesiastés 4:4

Uñjaractwa irnakañanacansa, uqhamarac suma lurañanacansa envidiasiñaquiw utji mayninac toke, ucasti inamayawa, thayarusa catthapï siscsna uqhama.

Daniel (hebreo) 1:7

Reyin palaciopan sirvirinacan jilïripajj jupanacarojj yakha sutimpiw sutichäna Danielarojj, Beltsasar sasa; Ananiasarusti, Sadrac sasa, Misaelarusti Mesac sasaraqui; Azariasarusti, Abed-nego sasaraquiw sutichäna.

Daniel (hebreo) 2:48

Ucatsti reyejj Daniel waynarojj mä jach'a jilïrit utt'ayaraquïna, walja suma wajjt'asiñanacapwa churaraquïna; uqhamarus Babilonia provincia apnakañapataquiw utt'ayaraquïna, ucjjarusti take yatiñani jakenacatejj utjcäna uca marcanjja ucanacjjaru munañanïñwa churaraquïna.

Daniel (hebreo) 2:49

Daniel waynan mayitaparjamasti reyejj Sadrac, Mesac, Abed-nego ucanacarojj wali jach'a apnakañanaca churäna uca Babilonia provincia apnakañanjja, Daniel pachpawa reyin utaparu kheparjjaraquïna.

Daniel (hebreo) 3:11

qhititejj jan uca diosa nayrakataru quillt'ascani ucasti mä nacquiri hornoru jakontatäniwa —sasa.

Daniel (hebreo) 3:16

Waynanacasti sapjjaraquïnwa —janiw nanacanjja cuna lurañas aca marcan utjquiti —sasa.

Daniel (hebreo) 3:29

Jichhasti nayajj arstwa, cawquïri jaketejj aca waynanacan Diosap toke jan wali arunac parlani ucasti qharinokatäpan, utapasa mayjaru t'unthapitaraquïpan, qhitïscpasa, cawqui marcat jutirïscpasa, cuna casta parlanïscpasa, janiraquiw utjquiti yakha diosajj uqham khespiyañataquejj” sasa.

Daniel (hebreo) 3:30

Uca khepatsti reyejj aca quimsa waynanacarojj wali jach'a luräwinac churaraquïna Babilonia provincia apnakañanjja.

Daniel (hebreo) 6:13

Jupanacasti ucjjarojj sasipcaquïnwa: —Uqhamasti mayni Daniel satajja, judionacata apanitäqui ucajja, janiw reyirojj ajjsart'quiti, ni cuna arsüwitejj apsutäqui ucarusa yäkcaraquiti, nanacasti utapanjja Diosapat quimsa cuti urunjja mayisirwa uñjapjjta —sasa.

Daniel (hebreo) 6:14

Reyisti uc ist'asajj wali llact'asïna, ucatsti Daniel chacharojj cunjämatsa khespiyañwa thakaraquïna. Jayp'ucama, inti jalantañapcamaraquiw reyejj ch'amachasïna Daniel chacharu cunjämat khespiyañsa,

Hechos 17:7

Ucanacarusti Jasonaw utapar catoke. Jupanacasti Romanquir jach'a reyin leyinacap contraw sayt'apjje: ‘Yakha reyiw utji, Jesús sata!’ sasa.

Hechos 5:28

—Nanacasti jumanacarojj sapjjäyäsmawa: Janipuniw cunäquipansa uca Jesusjjat yatichapjjätati, sasa. Jichhasti, ¿cunrac lurapjjtasti? Jumanacajj yatichäwinacamampejj Jerusalén marcpacharuw phokt'ayapjjtajja. Ucatsti nanacaruquiw uca jaken jiwatapatjja juchañchañ munapjjestajja —sasa.