Daniel (hebreo) 2:47 - Qullan Arunaca

⁴⁷ Daniel waynarusti saraquïnwa: —Chekpachapuniw jumanacan Diosamajj take diosanacat sipansa jilt'atajja; jupajj reyinacjjarus munañaniwa, cunatejj imantatäqui ucanacsa khanañcharaquiwa, jumasti uca imantatjja khanañcharactawa.

Aymar Bibliia 1986

⁴⁷ Daniel waynarusti saraquïnwa: —Chekpachapuniw jumanacan Diosamajj take diosanacat sipansa jilt'atajja; jupajj reyinacjjarus munañaniwa, cunatejj imantatäqui ucanacsa khanañcharaquiwa, jumasti uca imantatjja khanañcharactawa.

Qullan Arunaka DC

⁴⁷ Danielarusti sarakïnwa: —Chiqpachapuniw jumanakan Tatitumax taqi diosanakan Diosapaxa; ¡taqi reyinakansa reyipawa! Jupax taqi kun yati, ukat jumax aka jan amuyt'kay samksa qhanañcharakistaxa —sasa.

Daniel (hebreo) 2:47 Jak'a apnaqawi uñst'ayäwi

Génesis 41:39

Josearusti saraquïnwa: —Janiw jumjam ch'iqhi, yatiñani jakejj utjquiti, Diosaraquiw jumarojj take acanac yatiytam.

2 Reyes 5:15

Ucatsti jupasa, uqhamarac qhitinacatejj jupamp chica jutapcäna ucanacasa Eliseon ucaruw sarapjjäna. Purisinsti Naamán generalajj Eliseorojj sänwa: —¡Jichhajj yatjjtwa, take orakpachanjja janiw Diosajj utjquiti, jan ucasti Israelanacwa utji! Jichhasti achict'ssmawa mä wajjt'äwi catokt'ita aca juman sirvirimata —sasa.

Job 12:19

Sacerdotenacarusa lurañanacapjja apakewa, qhitinacatejj munañanïpqui ucanacarusa jakokaraquiwa.

Salmos 136:2

diosanacan Diosapar yuspagarapjjam: qhuyapayasiñapajj wiñayawa.

Salmos 136:3

Munañaninacan Munañanipar yuspagarapjjam: qhuyapayasiñapajj wiñayawa.

Salmos 72:11

Takpach reyinacajj jupa nayrakatar quillt'asipjjpan, takpach marcanacarac juparojj loktapjjpan.

Salmos 82:1

Diosajj alajjpach tantachasïwin sayt'asïna, angelanacan muyuntataw taripirinacarojj taripäna:

Salmos 96:4

Tatitojj take ch'amaniwa, jach'ar aptatäñapajj waquisipuniwa, c'ari diosanacat sipan wali ajjsarcayawa.

Ezequiel 26:7

“Naya Tatitusti saractwa: Amsta toketjja, Babilonianquiri Nabucodonosor reyiruw jutayaraquëjja, wali ch'amani reyiwa, Tiro marcaruw nuwantaraquini. Caballonacampi, carronacampi, caballeriampi, walja soldadonacampi uqham jutani.

Daniel (hebreo) 11:36

“Amstanquir reyisti cuntejj jupajj munqui ucwa luraraquini cunjämatejj jupajj sinti jach'a jach'a tucqui uqhamäniwa, take diosanacatsa jilïrïcaspas uqhamwa amuyasiraquini, cheka Diosataquisti cunayman jan wali arunacwa arsuraquini, take cunas jupataquejj asquiruw mistsuni, Diosajj jupataqui mutuyäwipa puriyancani uca horascama, cuntejj Diosajj amtcani ucasti phokhasiniwa.

Daniel (hebreo) 2:19

Uca arumawa Daniel waynajj mä unañchäwi toke uñjäna uca jan khanañchañjama samca toketjja, ucatwa Daniel waynajj alajjpachanquiri Diosaru jach'añcharaquïna aqham sasa:

Daniel (hebreo) 2:22

Jupaw khanañchi jamasan imantata yänacsa, cunatejj ch'amacancqui ucsa yatiraquiwa, khanasti jupancaraquiwa.

Daniel (hebreo) 2:28

Ucampisa mayni Diosaw utji alajjpachana, qhititejj take imantata yänac khanañchqui uca, juparaquiw jichhajj juma jach'a reyirojj yatiyätam cunatejj acat kheparu pascani take ucanaca. Jichhasti, reyirojj khanañchäwa cunanactejj iccasina samcascatayna unañchäwinacsa uñjcatayna take ucanac toketa:

Daniel (hebreo) 2:29

Jach'a reyejj iquiñapancascänwa, ucat jupajj lup'iscäna cunatejj acat kheparu utjcani ucanac toketa, ucatsti qhititejj take imantata yänac toket khanañchqui ucasti yatiyaraquïnwa cunatejj lurasiñapäcän ucanacjja.

Daniel (hebreo) 2:30

Nayarusa uca imantata jan amuyt'caya uñjañajj yatiyataraquiwa, ucampisa janiw nayan take jakenacat sipana wali yatiñanïtajja laycuti, jan ucasti nayan jach'a reyiru uca samca toketa khanañchañajjataquiwa cuntejj uca samcajj sañ munqui uca toketa, uqhamat jach'a reyejj yatiñapataqui cunanacatejj p'ekeparu jutcäna uca amtäwinacata.

Daniel (hebreo) 2:37

Juma, jach'a reyiw, take reyinacat sipansa wali jach'a reyïtajja, alajjpachanquiri Diosaw aca marca apnakaña uqhamarac munañanïña, ch'amsa take jach'añchañäwinacsa churaractamjja;

Daniel (hebreo) 3:15

¿Jichhajj jumanacajj quillt'asipjjätati musican toct'asitapa ist'asinjja cuntejj nayajj luraycta uca nayrakatarojja? Jumanacatejj uca diosar jan quillt'asipcäta ucapachasti jichpachaw mä naqhasquiri hornoru jakontata uñjasipjjäta, uqhamasti ¿cawquïri diosas take ucanacatjja khespiyaspa? —sasa.

Daniel (hebreo) 3:28

Ucapachaw Nabucodonosor reyejj jach'at arsüna: “Sadrac, Mesac, uqhamaraqui Abed-nego sisqui uca jakenacan Diosapajj yupaychatäpan, jupaw angelap qhitani aca sirvirinacaparu khespiyañapataqui, jupanacasti janiw reyin arsutapjja phokhapcaraquïnti, jiwañataquisa janc'aquïpjjaraquïnwa, janiraquiw yakha diosanac nayrakatarus quillt'asiñ munapcänti, jan ucasti Diosap nayrakataruquiwa quillt'asipjjänjja.

Daniel (hebreo) 3:29

Jichhasti nayajj arstwa, cawquïri jaketejj aca waynanacan Diosap toke jan wali arunac parlani ucasti qharinokatäpan, utapasa mayjaru t'unthapitaraquïpan, qhitïscpasa, cawqui marcat jutirïscpasa, cuna casta parlanïscpasa, janiraquiw utjquiti yakha diosajj uqham khespiyañataquejj” sasa.

Daniel (hebreo) 4:17

Uca juchañchäwi arunacwa arsuwayapjje kollana uñjiri angelanacajja, uqhamat take jakenacajj yatipjjañapataqui, alajjpachanquiri Diosajj ch'amanïtapa, take jakenacana apnakañanacapjjarojja, jupaw marca apnakañanacsa churaraqui qhitirutejj churañ munqui ucaru, ucatsti mä marcan jilïripatwa utt'ayaraqui, qhititejj take jakenacat sipansa llamp'u chuymanïqui ucarojja.’

Daniel (hebreo) 4:25

Juma, jach'a reyisti, jakenacatjja yakhachatäjjätawa, animalanacampi chicaw jacaraquïta, vacanacjamaw koranac mank'araquïta, janchimjjarusa sullaw sullantaraquini. Uqhamaw juma, jach'a reyejj, pakallko mara jacäta, alajjpachanquiri Diosajj take acapachan reinonacjjarusa munañanïtapa yatekañamcama, uqhamaraqui jupajj apnakerit utt'ayaraqui qhitirutejj munqui ucaru.

Daniel (hebreo) 4:32

jakenacatjja yakhachatäjjätawa, animalanacampiw jacjjäta, vacjamaraquiw koranac mank'äta pakallko mara phukhasiñapcama, alajjpacha Diosajj jach'a ch'amanïtapa, munañanïtapa take aca orakenquiri marcanacjjaru, uqhamaraqui jupajj apnakerinac utt'ayatapa qhitirutï munqui uc yatiñamcama” sasa.

Daniel (hebreo) 5:11

jupan reinopansti mayni jakew utji kollan Diosan ajayupampi irpata. Cunapachatejj jach'a reyin awquipajj reyïcan ucapachajj uca jakejj wali suma khana amuyunïtapwa uñacht'ayäna, ch'iqhïtapa, yatiñanïtapa diosanacjama yatiñanïcaspas uqhama. Ucatpï juma jach'a reyin Nabucodonosor rey awquimajj uca jakerojj take yatiri, mago, yatiñani, uqhamaraqui warawaranaca uñch'uquiri jakenacan jilïripat utt'ayänjja.

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

1 Corintios 14:25

Uqhamatwa cuntejj chuymapar imjjäsqui ucanacajj khanaru mistuni, ucatsti quillt'asisinjja Diosaruw yupaychani, saraquiniwa: “Chekpachawa Diosajj jumanac taypinqui” sasa.

Deuteronomio 10:17

Jumanacan Tatitu Diosamasti diosanacansa Diosapawa, uqhamaraqui munañaninacansa munañanipawa; jupawa wali jach'a Diosajja, wali ch'amani, ajjsarcaña, take jakerus quipcaqui uñjaraqui, janiraquiwa kollkempis alayasquiti.

1 Timoteo 6:15

Cunapachatejj tiempopajj purcani ucqhajja, Diosajj take acanacjja luraniwa, jupa sapaqui take ch'amani Diosajja, reyinacana Reyipa, tatitunacans Tatitupa.

Josué 22:22

—Diosanacansa Diosapa Tatituw nanacar yatipjjetu, aca altar lurapjjta ucajj janiw jupampi mayjt'asiñataquïquiti ni jupata sarakañataquïquisa; Diosaw yati, juparaquiw Israel marcarojj yatiyani, nanacan amtäwinacajjatejj Dios conträchi ucapachajja, jupajj nanacar jichhpach jiwarayapjjetpan.

Apocalipsis 1:5

Diosan cheka testigopa Jesucristotsa catokapjjaraquim bendicionapjja. Uca Jesucristowa jiwatanacat nayrïri jactirejja. Take acapach reyinacjjarus jupajj munañaniraquiwa. Jesucristojj jiwasarojj walwa munistu, juchanacasatsa wilapampiw jarekestu.

Apocalipsis 17:14

Corderompiw nuwasipjjani, ucampis Corderojj jupanacarojj atipjaniwa, jupasti munañaninacans Munañanipa, reyinacansa Reyiparaquiwa. Qhitinacatejj jupampïqui ucanacasti Diosan jawsata ajllitanacapawa, suma arquirinacäpjjaraquiwa” sasa.

Apocalipsis 19:16

Mantopjjarusti, uqhamarac charapjjarusa aca suti kellkt'ataraquïnwa: “reyinacans Reyipa, munañaninacans Munañanipa” sasa.