Daniel (hebreo) 2:4 - Qullan Arunaca

⁴ Uca yatiñani jakenacasti reyirojj sapjjaraquïnwa: —¡Juma, jach'a reyejj, wiñayataquiw jactajja! Jichhasti, jach'a rey, nanaca sirvirimaru uca samcamjja sapjjetaya, ucat nanacajj yatiyapjjäma cun sañtejj uca samcajj munqui ucjja —sasa.

Aymar Bibliia 1986

⁴ Uca yatiñani jakenacasti reyirojj sapjjaraquïnwa: —¡Juma, jach'a reyejj, wiñayataquiw jactajja! Jichhasti, jach'a rey, nanaca sirvirimaru uca samcamjja sapjjetaya, ucat nanacajj yatiyapjjäma cun sañtejj uca samcajj munqui ucjja —sasa.

Qullan Arunaka DC

⁴ Uka yatiñani jaqinakasti reyirux arameo arun sapxarakïna: —¡Jach'añchatäman rey! Munañan rey, nanaka luqtirimaru samkam yatiyapxita, nanakasti samkam qhanañchapxämawa —sasa.

Daniel (hebreo) 2:4 Jak'a apnaqawi uñst'ayäwi

Génesis 31:47

Laban chachasti uca chekarojj jupan parlapanjja “Jegar Sahaduta” sasaw sutichäna, Jacobosti parlapanjja “Galaad” sasaraquiw sutichäna.

Génesis 41:8

Ucampis khepärmanthi alwasti wali llaquitänwa, ucatsti take yatirinaca, uqhamarac yatiñani jakenacaruw take Egipto marcat irptayani. Cunapachatejj faraonajj take uca samcanac avist'äna ucqhasti janiw qhitisa khanañchañ puedcänti.

1 Reyes 1:25

Jupasti sarasinjja qhaririwa orko vacanaca, vaca kallunaca, uqhamarac walja ovejanacaraqui, ucatsti juma jach'a reyin yokanacamarusa jawsayaraqui, uqhamarac ejerciton jilïrinacaparu, ucatsti Abiatar sacerdoterusa. Ucatjja ucanwa mank'asipqui, umasipqui jupampi, ucatsti arnakasipjjaraquiwa: ‘¡Jach'achatäpan Adonías reyejja!’ sasa.

1 Reyes 1:31

Ucatsti Betsabé warmejja reyin nayrakatapanjja parapa orakeru puriñcamawa alt'asïna, ucatsti art'asiraquïnwa: —¡David reyejjajja wiñayataqui jach'achatäpan! —sasa.

2 Reyes 18:26

Ucjjarusti Asirianquiri oficialarojj arsupjjänwa Eliaquim, Sebna, uqhamarac Joa chachanacajja, aqham sasa: —Achict'asipjjsmawa, arameo aruta parlapjjeta, nanacasti yatipjjtwa. Jan jumajj hebreo aruta parlapjjestati, perka patancapqui uca jakenacajj isch'uquipjjatap laycu —sasa.

Esdras 4:7

Ucatsti Persia marcanquir Artajerjes reyin apnakäwipansti mä cartwa jupar kellkapjjäna Bislam, Mitrídates, Tabeel sat chachanaca, uqhamarac mayni masinacapampiraqui. Uca cartasti arameo aruna kellkatänwa, ucata yakha aruru jakoquipatapampiraqui.

Nehemías 2:3

reyirojj ucat sistwa: —¡Wiñayataqui reyejj jacpan! ¿Camisarac jan llaquitäyästi cawqhantejja awquinacajjana janchinacapajja imantatäqui uca marcan tucjatätapata, uqhamaraqui puncunacapasa ninampi naqhantayatätapatsti? —sasa.

Isaías 36:11

Eliaquim, Sebna uqhamaraqui Joa asirio oficialarojj sapjjaraquïnwa: —Achict'asipjjsmawa, arameo arut parljjayapjjeta, nanacajj uca arjja yatipjjtwa. Hebreo arutjja jan parljjayapjjestati, take qhitinacatejj perka patancasipqui uca jakenacajj parlatasjja ist'apjjewa —sasa.

Isaías 44:25

Janiraquiw cuntejj uca c'ari profetanacajj parlapqui ucanacsa phokhasiycti; nayaw uca yatiri jakenacan amuyt'anacapsa chhaktaytjja. Nayaw amuyt'ani jakenacarojj jupanaccam ch'ajjwaytjja, jupanacan yatiñanacapas mä lokhe cancañar tucuyaractjja.

Daniel (hebreo) 1:4

wali suma uñnakt'ani waynanac irpsuniñapataqui, jan cunansa camacht'ata, ch'iqhi, uqhamaraqui wali suma yatichata, take cunsa yatirinaca, reyin palaciopan sirviñataquisa waquichatäpjjañaparaqui, uca casta waynanaca. Jupanacaruw caldeonacan arunacapajja, yatiñanacapasa yatichatäni.

Daniel (hebreo) 2:7

Ucjjarusti uca yatiñani jakenacajj wasitatwa reyirojj sapjjaraquïna: —Jach'a rey, jumajj nanacarojj sapjjeta cuntejj samcascta uca, ucjjaruw nanacajj uca samcjja khanañchapjjäma cuntejj sañ munqui ucsa —sasa.

Daniel (hebreo) 3:9

ucat sapjjäna: —Jach'a reyejj wiñayataqui jacpan, sutipasti wiñayataqui amtataraquïpan.

Daniel (hebreo) 4:19

Uqhamasti Daniel waynajj, qhitirutejj Beltsasar sas sutichapcäna ucajja wali muspharataw uñjasïna, cuna amtäwinacatejj p'ekeparu jutcän ucanacampisa wali mayjt'ataw uñjasiraquïna. Ucampisa naya, reyejj, juparojj saractwa: ‘Beltsasar, jan jumajj llaquisimti cuna samctejj samcascta ucatjja, uqhamaraqui khanañchäwipatsa’ sasa. Beltsasarasti ucjjarojj saraquituwa: ¡Jach'a rey, cuntejj uca samcajj sañ munqui ucanacasti juman uñisirinacamjjaru purpan!

Daniel (hebreo) 4:7

Ucatsti jutapjjänwa take mago jakenaca, yatirinaca, yatiñaninaca, warawaranaca uñch'uquirinaca, qhitinacatejj Babilonia oraken utjapcän take ucanaca, ucat nayajj jupanacaru samcajja yatiyta, ucampis jupanacajj janiw khanañchañataquejj ch'amanïpcänti.

Daniel (hebreo) 4:9

‘Beltsasar, take yatiri jakenacan jilïripa, nayajj yattwa kollan Diosan ajayupajj jumaru irpascatapa, uqhamaraqui take cunanacatejj imantatäqui ucanacsa yatiractawa. Jichhajj sum ist'am cuntejj samcana uñjcta ucanaca, khanañcharaquita cuntejj uca samcajj saña munqui ucanacsa.

Daniel (hebreo) 5:10

Ucampisa reyin taycapajja, uqhama wawapan arnakasitapat ist'asajja uqhamaraqui uca jach'a jilïri jakenacana arnakasitapa ist'asasa, uca mank'äwi jach'a utaruw jalantawayäna, ucat saraquïna: —Jach'a reyejj wiñayataqui jacpan. Janiraqui reyejj llaquispati, ni k'ellus tucuracpati,

Daniel (hebreo) 5:8

Take yatiñani jakenacasti, qhitinacatejj reyir sirviñataqui uscutäpcän ucanacasti reyin utaparuw mantapjjäna, ucampisa janiw maynis uca kellka leet'asin khanañchañjja puedcänti.

Daniel (hebreo) 6:21

Daniel chachasti ucjjarojj saraquïnwa: —¡Juma, jach'a reyejj, wiñayataqui jacam!

Daniel (hebreo) 6:6

Uqhamaw uca uñjirinacajja, marca apnakerinacasa jupanaccama arust'asisinjja Darío reyin ucaruw sarapjjäna, jupampi parlañataqui ucatsti rey Dariorojj sapjjänwa: —Juma, jach'a reyejj, wiñayataquiw jacta —sasa.

Daniel (hebreo) 6:7

Take jilïrinacasti, qhitinacatejj uca marca apnakapcän ucanacasti mä tantachasïwi lurapjjäna, uca tantachasïwinsti amtapjjänwa reyin mä arsüwi apsuñapataqui, uca arsüwisti aqhamäñapänwa: Quimsa tunca urunjja janipuni qhitis cuna casta diosatsa mayispati, ni cuna jakerusa, jan ucasti jach'a rey saparuqui mayispan. Qhititejj jani uca arsutaru phokcani ucajj, leonanacan putuparu jakontatäpan.

Mateo 21:9

Nayrakat sarapcän uca jakenacasti, uqhamarac khepat arcasipcän ucanacasa art'añ kalltapjjäna: “¡Jach'achatäpan rey Davidan Yokapajja! ¡Bendicitäpan Tatitun sutipar jutirejja! ¡Diosajj Jach'achatäpan!” sasa.

1 Samuel 10:24

Samuelosti take jakenacaruw jisct'araqui: —¿Jichhajj cawquïrirutejj Tatitojj reyit ajllqui ucarojj uñcatjjapjjtati? ¡Janiw mayni israelitas jupjamajj utjquiti! —sasa. Ucjjarusti jakenacajj: —¡Jallalla rey! —sasaw art'apjjaraquïna.