Daniel (hebreo) 2:34 - Qullan Arunaca

³⁴ Jach'a reyisti uca jach'a jake uñch'uquiscaraquïna, ucat ucañcamajj mä kollut mä kalajj sarakani, ucat uca jach'a jaken cayuparuw puri uqhamat uca jach'a jakerojj k'ala t'unji.

Aymar Bibliia 1986

³⁴ Jach'a reyisti uca jach'a jake uñch'uquiscaraquïna, ucat ucañcamajj mä kollut mä kalajj sarakani, ucat uca jach'a jaken cayuparuw puri uqhamat uca jach'a jakerojj k'ala t'unji.

Qullan Arunaka DC

³⁴ Juma reyix uka jach'a jaqi uñch'ukiskäyätaxa, ukchañkamaw qullut mä qalax jan khitin nukt'atak qurumt'anïna, ukatsti uka jach'a jaqin kayunakapar jaqkattasaw t'unjäna.

Daniel (hebreo) 2:34 Jak'a apnaqawi uñst'ayäwi

Salmos 118:22

Utachirinacan jakonucut kalajja, esquina kalaruw tucjje.

Isaías 28:16

Ucatwa Tatitojj saraqui: “Sionarojj mä kala uscü, mä suma ajllit kala, wali jila alaniraqui, jach'a jilïr kalaraquïniwa, uta cimienton esquin kalaparaquïniwa. Uca kalar iyawsiristi sumaquiw jacasini.

Isaías 60:12

Cawquïri marcatejj jan sirvcätamjja, ucajj tucusiniwa; marcanacasti uqhampacharaquiwa tucjatäpjjani.

Isaías 8:9

“Marcanaca, tantacht'asipjjam, ucatsti wal sustjasipjjaraquim. Ist'apjjam aca arunaca take jayanquir marcanaca: Wal armantasisipcät ucasa, sustjataquipunïpjjätawa; jïsa, wali armantatäpcäta ucasa, sustjataquipunïpjjätawa.

Ezequiel 32:28

“Ucancaraquïtaw jumas Egipto marca, Diosar jan uñt'iri jakenac taypina, k'ala t'unjataw uñjasïta, guerran jiwariri jakenac taypin jicjjatasiraquïta.

Ezequiel 47:5

Yakha pheska pataca metronacampwa tupt'araquïna, ucasti mä jach'a jan pascaya jawiraw tucuwayjjaraqui; uca jawirasti wali jach'a jawiraw tucjjäna, umanacapasti waljapunïnwa tawumpi pascatañjamaquïnwa.

Daniel (hebreo) 2:33

cayunacapasti hierrot lurataraqui; mä chicat cayunacapasti hierrompita, mä chicat ñek'empita lurataraquïnwa.

Daniel (hebreo) 7:27

Apnakañasa, munañanïñasa, jach'a cancañasa, take acapachanquiri reinonacasa, alajjpachanquir Diosan marcaparu catuyatäjjaniwa. Diosan reinopasti wiñayataquipunïniwa, take acapachanquiri marcanacaw juparojj sirvipjjani, jaysapjjaraquini.’

Daniel (hebreo) 8:25

Jupan sallka cancañapampisti, sallka luratanacapajj atipt'aquipuniniwa. Jach'a jach'araquiw tucuraquini, walja jakenacaruwa, qhitinacatejj jupar alcatata sarnakapcäna ucanacarojj ch'ojjña lurasaw jiwarayaraquini. Jilïrinacan jilïripampisa jiquintasiscaquiniwa, ucampisa uca jilïrin atipjataw uñjasiraquini.

Zacarías 12:3

Qhä urunwa Jerusalenarojj mä jathi kalaru tucuyäjja take marcanacataqui. Tucjaraquiniwa cawquïritejj jupanacat sayt'aschini ucarojja. Take marcanacaraquiw Jerusalenataquejj tantacht'asipjjaraquinejja.

Zacarías 4:6

Jupasti sascaquiwa: “Acasti Tatitun yatiyäwipawa Zorobabelataqui. ‘Janiw ejercitompisa ni ch'amampisa, jan ucasti ajayojjampiquiwa siwa take ch'amani Tatitojja.

Mateo 16:18

Nayasti saracsmawa, jumajj Pedrötawa, nayasti aca kaljjaruw iglesiajj sayt'ayasï, ucarusti janiraquiw jiwañan munañapas atipcaniti.

Juan 1:13

Ucanacasti janiw janchit nacit wawanacjamäquiti, ni jaken munañapat nacit wawanacjamäquisa, jan ucasti Diosat nacit wawanacäpjjewa.

Hechos 4:11

Uca Jesusapï uca kalajja, qhitirutejj jumanac utachirïcasin jakonucupjjta ucajja, ucampis jupajj mä jach'a esquina kalaw tucu.

2 Corintios 5:1

Jiwasanacajj acapachan tucusir utjamätanwa, apnakañ carpjama ucajj janiw wiñayataquïquiti; ucampis yattanwa take acanacatejj tucusjjanejja, Diosajj waquicharapistuwa alajjpachana wiñay uta, ucasti janiw jakenacan amparapamp luratäquiti.

Hebreos 9:24

Jaken lurat santuariojj mä uñacht'äwiquïnwa chekpach santuariotjja. Cristosti janiw uca jakenacan lurat santuariorojj mantquiti, jan ucasti alajjpach quicparuw manti, jichhasti ucan Diosan nayrakatapan jiwasat arjjatasquistu.

1 Pedro 2:7

Jumanaca, qhitinacatejj iyawsapcta ucanacataquejj uca kalajj wali jila alaniwa; ucampis jan iyawsirinacataquejj, cunatejj Diosan arupajj sisqui ucaw phokhasiscaraqui: “Uta luririnacan apanucut kalajj, mä suma esquin kalaw tucuwayjje” sasa.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Apocalipsis 17:14

Corderompiw nuwasipjjani, ucampis Corderojj jupanacarojj atipjaniwa, jupasti munañaninacans Munañanipa, reyinacansa Reyiparaquiwa. Qhitinacatejj jupampïqui ucanacasti Diosan jawsata ajllitanacapawa, suma arquirinacäpjjaraquiwa” sasa.