Daniel (hebreo) 2:19 - Qullan Arunaca

¹⁹ Uca arumawa Daniel waynajj mä unañchäwi toke uñjäna uca jan khanañchañjama samca toketjja, ucatwa Daniel waynajj alajjpachanquiri Diosaru jach'añcharaquïna aqham sasa:

Aymar Bibliia 1986

¹⁹ Uca arumawa Daniel waynajj mä unañchäwi toke uñjäna uca jan khanañchañjama samca toketjja, ucatwa Daniel waynajj alajjpachanquiri Diosaru jach'añcharaquïna aqham sasa:

Qullan Arunaka DC

¹⁹ Uka arumpachaw Danielax uka jan qhanañchañjam samkat mä unañchäwi tuqi uñjäna, ukat jupax alaxpachankir Tatitur

Daniel (hebreo) 2:19 Jak'a apnaqawi uñst'ayäwi

Job 4:13

Arumajj cunapachatejj jakejj iquirasqui, ucapachasti nayarojj mayaw jan iquiyquituti.

Salmos 25:14

Tatitojj arquirinacapampejj sum parlasi; jupanacarusti arusjäwir mantatap uñt'ayi.

Daniel (hebreo) 1:17

Aca pusi waynanacarusti Diosajj ch'iqhi chuyma, amuyt'a churaraquïna, take casta libronacsa jupanacajj amuyt'apjjañapataqui, take casta yatiñanacsa yatipjjañapataqui. Uqhamarusa Daniel waynajj yatiraquïnwa take casta samcanaca, uqhamaraqui unañchanacan cun saña munatapsa.

Daniel (hebreo) 2:22

Jupaw khanañchi jamasan imantata yänacsa, cunatejj ch'amacancqui ucsa yatiraquiwa, khanasti jupancaraquiwa.

Daniel (hebreo) 4:26

Cuna arutejj utjcäna uca troncompi saphinacapjja pachpa orakeru jaytañataquejja, ucajj sañ muni Diosajj mä urojj juma jach'a reyirojj cuttayjjätamwa reinomjja, cunapachatejj jumajj amuyjjäta alajjpachanquiri jach'a Diosajj munañanïtapa take cunjjarusa ucapacha.

Daniel (hebreo) 4:9

‘Beltsasar, take yatiri jakenacan jilïripa, nayajj yattwa kollan Diosan ajayupajj jumaru irpascatapa, uqhamaraqui take cunanacatejj imantatäqui ucanacsa yatiractawa. Jichhajj sum ist'am cuntejj samcana uñjcta ucanaca, khanañcharaquita cuntejj uca samcajj saña munqui ucanacsa.

Daniel (hebreo) 7:2

“Nayajj samcajjanjja uñjäyätwa, pusi toket thayajj thayt'asinquiri ucatsti jach'a kotjjaru wali mathapinaca sartayasquiri.

Daniel (hebreo) 7:7

“Unañchäwejjan pusïri animal uñjcta ucasti sinti ajjsarcañapunïnwa, sustjascaña, uqhamarusa wali ch'amaniraqui. Laca ch'aqhanacapasti hierrocamaquïnwa, wali jach'anacaraqui; take cunwa mank'antäna, tucjaraquïna, jilt'anacsti taquisiraquïnwa. Take uca mayni animalanac uñjcta ucanacat sipansa mayjapunïnwa, p'ekepansti tunca wajjranacaniraquïnwa.

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

Números 12:6

Tatitusti jupanacarojj sänwa: “Ist'apjjam cuntejj sapcäma uca arunaca. Jumanac taypintejj mä profetajj nayat parliri utjani ucqhajj nayaw jupampi parlasï; visionanac toke, uqhamarac samcanac toke jupampejj parlasiraquï.

Josué 22:33

uca arunac ist'asajj Israel jakenacajj: “Waliquiw” sapjjänwa, ucatsti Diosaruw yupaychapjjäna, janiw cunsa parlcjjapjjänti uca Rubén, uqhamaraqui Gad tribunacatjja, marcanacapa ni orakenacapsa t'unjañ toketsa.