Daniel (hebreo) 2:12 - Qullan Arunaca

¹² Uca arunac ist'asinsti reyejj sintipuniw colerasïna, ucat mä aru mistuyaraquïna Babilonia orakena take yatiñani jakenacajj jan mayani jiwarayatäñapataqui.

Aymar Bibliia 1986

¹² Uca arunac ist'asinsti reyejj sintipuniw colerasïna, ucat mä aru mistuyaraquïna Babilonia orakena take yatiñani jakenacajj jan mayani jiwarayatäñapataqui.

Qullan Arunaka DC

¹² Uk ist'asasti reyix walpun phiñasïna, ukat Babilonia uraqin utjir taqi yatiñani jaqinakar jan mayani jiwarayatäñapatak arsüna.

Daniel (hebreo) 2:12 Jak'a apnaqawi uñst'ayäwi

Job 5:2

Chuyma usuyasiñasa, uqhamaraqui uñisisiñasa jakerojj jiwañaruquiw apjje.

Salmos 76:10

Jaken tipusiñapajj jumar jach'añchañaruw tucu, juc'a k'apisiñapas jumaruw jach'añchi.

Proverbios 16:14

Reyin colerasitapajj jiwañ apani, ucampis yatiñan jakejja sumaptayiwa uca colerasiñapjja.

Proverbios 19:12

Reyin colerasitapajj leonan wararitapjamawa; qhuyapayasiñapasti alinacaru sullajj sulljjatquisa uqhamawa.

Proverbios 20:2

Mä colerata reyejj warariri leonar uñtatawa; qhititejj jupar colerayqui ucajja, jacañapjja jan walt'añaruw puriyasqui.

Proverbios 29:22

Qhititejj mäqui cunatsa colerasqui ucajja, nuwasiñanacwa utjayi, waljanacan pantjasiraqui.

Daniel (hebreo) 2:24

Uca khepatsti Daniel waynajj Arioc jakempi jiquisiriw saräna, qhitirutejj reyejj siscatayna Babilonianquiri take yatiñani jakenacaru jiwarayañapataqui, ucat saraqui: —Jan jiwarayamti yatiñani jakenacarojja. Nayaru reyin ucar irpita ucat nayaw juparu take samcasitapa khanañchä —sasa.

Daniel (hebreo) 2:5

Reyisti ucjjarojj saraquïnwa: —Jichhasti nayan amtäwejjajj aqhamawa. Janitejj jumanacajj sapquitäta cuntejj samcascta uca uqhamaraqui janitejj uca samca khanañchapquitäta, ucapachasti jumanacajj jisc'a jisc'a tucjatäpjjätawa, utanacamasa mayjaru t'unthapitaraquïniwa.

Daniel (hebreo) 3:13

Nabucodonosor reyisti ucanac ist'asajj wal colerasïna, ucatsti Sadrac, Mesac, uqhamaraqui Abed-nego sisqui ucanacaruw jupan nayrakataparu irptayanïna. Cunapachatejj uca jawsayatanacajj reyin nayrakataparu uñstapjjäna ucapachasti,

Daniel (hebreo) 3:19

Nabucodonosor reyejj uca arunaca ist'asinsti wal colerasïna, ajanupas wilaw tucuraquïna uca quimsa waynanacataquejja. Ucatsti saraquïnwa hornojj cunjämatejj junt'uchañäqui ucatjja pakallko cuti juc'ampi junt'uchapjjam, sasa.

Daniel (hebreo) 5:19

Take ch'amanïña Diosajj juparu churäna ucatsti take acapachanquiri marcanacajja, cunayman casta parlani jakenacasa, awquimarojj ajjsarapjjänwa, jupa nayrakatansti wali qhathatipjjaraquïnjja. Jupasti qhitirutejj jiwayañ muncän ucarusti jiwayaquiraquïnwa, qhiterutejj jacayaña muncän ucarus jacayaquïnwa, mayninacarojj jach'aruw aptaraquïna, yakhepanacarusti jisc'achjaraquïnwa.

Mateo 2:16

Cunapachatï Herodesajj magonacan juparu sallkjatapa amuyasïna ucapachajja walpun colerasïna, ucatsti mä arsüwi mistuyaraquïna take yokall wawanacaru jiwarayañapataqui pä maranit aynacharu, take Belenanquirinacaru, uqhamarac uca jac'anquirinacarusa, cunapachatï magonacajj juparu siscatayna uca urunacarjama.

Mateo 5:22

Ucampis nayajj sapjjsmawa, qhititejj jilapampi colerasinejja, jilïrinacan tantachasïwipanjja juchañchatäniwa, uqhamarac qhititejj jilapar tokjjani ucasti jach'a jilïrinacan tantachasïwipan juchañchatäniwa. Uca quicparaqui ñankha arunacampi ñankhachani, jilapar jan walinac sirejja infierno ninataquïñapawa.