Daniel (hebreo) 11:7 - Qullan Arunaca

⁷ Ucampisa familiapatjja mayniw amstanquiri ejercitorojj nuwantani, ucatsti reyin utapwa catuntasini, soldadonacapaw atipjasin take apnakapjjaraquini.

Aymar Bibliia 1986

⁷ Ucampisa familiapatjja mayniw amstanquiri ejercitorojj nuwantani, ucatsti reyin utapwa catuntasini, soldadonacapaw atipjasin take apnakapjjaraquini.

Qullan Arunaka DC

⁷ Ukampis aynach tuqinkir reyin mayni wila masipaw, amsta tuqinkir reyin ejercitopar nuwantasin atipjarakini; ukatsti reyin jach'a utap katuntasini, ukatsti soldadonakapaw atipjasin taqi apnaqapxarakini.

Daniel (hebreo) 11:7 Jak'a apnaqawi uñst'ayäwi

Job 14:7

“Cunapachatejj mä kokaru qhuchhunoktan ucapachajj ch'ichtaniñapaw suyt'atäsqui, ch'ich'ekeripasti janipuni chhaktpati sataraquiwa.

Salmos 109:8

Jacañ urunacapajj juc'aquïpan, yänacapsti yakha jak catuntaspan.

Salmos 55:23

Diosajjay, jumaw jupanacarojj jakontäta, jan uñantcay mic'ay mankharu. C'ari jakenacampi, jiwayir jakenacampejj janiw jacañapat chicats phokhapcaniti. Nayasti jumaruquiw take chuymamp alcatsma.

Isaías 11:1

Uca troncojj Isaí chachawa, jisc'a aliw ch'ichsu, mä aliw saphinacapatjja ch'ichtaniraquini.

Isaías 9:14

Ucatwa Tatitojj Israel marcarojj jach'a arumpi saraqui; camisatejj mä uywarojj p'ekepa, wich'inqhapa apake, uqhama, cunjämatejj maynejj palmeranaca, sokosanaca mayaqui qhuchhurejja uqhama. ¡Take ucanacsti mä urunacwa lurjani!

Jeremías 12:2

Jumaw jupanacarojj ayrunttajja, jupanacasti saphintapjjaraquiwa, jiltapjjaraqui, achupjjaraqui. Lacampiquiw jupanacajj juma jac'ancasipqui, chuymanacapanjja jumatjja wali jayancapjjewa.

Ezequiel 17:18

Jupajj juramento luratapata sawcasïnwa, cuna arust'äwtejj lurcäna ucsa janiw phokcänti; jupasti phokhañataquiw arsuraquitayna, ucampisa janiw uca arsutanacaparojj phokcjjeti, ucatwa jichhajj jiwayatäni.

Daniel (hebreo) 11:40

“Cunapachatejj tucuyan horasapajj purinjjani ucapachasti, aynachanquir reyejj amstanquir reyirojj nuwantaraquiniwa; ucampisa uca amstanquir reyejj mistunisinjja, mä jach'a thayäcaspas uqhamaw aynachanquir reyi tokejj sartaraquini, uca marcsti guerran nuwasiñ carronacampi, caballeriampi, walja soldadonacampi, walja barconacampiw chhaktayaraquini.

Daniel (hebreo) 11:6

Mä kawkha maranac pasjjepansti uca paninejj mä suma arust'äwiruw mantapjjani; aynach tokenquiri reyisti phuchapwa churaraquini amstanquir reyin warmipäñapataqui, uqhamat uca pä marcanac taypinjja sumancañajj utjañapataquipuni. Ucampisa uca amtäwejj janiw phokhascaniti, uca warmejja, uqhamaraqui wawapasa, chachapasa, uywatanacapasa jiwarayataw uñjasipjjani.

Malaquías 4:1

Take ch'aman Diosasti siwa: “Cunürutejj hornjama naccani uca urojj jac'achasinquiwa, uca urusti take jach'a jach'a tucuri jakenacajja, uqhamaraqui ñankha luriri jakenacasa jichhu t'unaru uñtataw naqhantapjjani. Uca uru purincani ucapachasti take jupanacaw saphitpacha nacsutäpjjani, janiraquiw cunas jupanacatjja jilt'caniti.

Lucas 12:20

Diosasti juparojj siwa: ‘Pisi amuyt'an jake, jichha arumpachaw jiwjjäta; cuntejj imasiscta ucasti ¿qhititaquiraquïni?’ sasa.