Daniel (hebreo) 11:6 - Qullan Arunaca

⁶ Mä kawkha maranac pasjjepansti uca paninejj mä suma arust'äwiruw mantapjjani; aynach tokenquiri reyisti phuchapwa churaraquini amstanquir reyin warmipäñapataqui, uqhamat uca pä marcanac taypinjja sumancañajj utjañapataquipuni. Ucampisa uca amtäwejj janiw phokhascaniti, uca warmejja, uqhamaraqui wawapasa, chachapasa, uywatanacapasa jiwarayataw uñjasipjjani.

Aymar Bibliia 1986

⁶ Mä kawkha maranac pasjjepansti uca paninejj mä suma arust'äwiruw mantapjjani; aynach tokenquiri reyisti phuchapwa churaraquini amstanquir reyin warmipäñapataqui, uqhamat uca pä marcanac taypinjja sumancañajj utjañapataquipuni. Ucampisa uca amtäwejj janiw phokhascaniti, uca warmejja, uqhamaraqui wawapasa, chachapasa, uywatanacapasa jiwarayataw uñjasipjjani.

Qullan Arunaka DC

⁶ Mä qawqha maranakatsti, amsta tuqinkir reyimpi, aynach tuqinkir reyimpix mä arust'äwiruw mantapxani; aynach tuqinkir reyix phuchhap churani amsta tuqinkir reyin warmipäñapataki, ukhamat uka pä markanakan sumankañax wiñay utjañapataki. Ukampis uka amtäwix aynacht'aniwa, uka warmisa, wawapasa, chachapasa, uywatanakapasa jiwarayataw uñjasipxani.

Daniel (hebreo) 11:6 Jak'a apnaqawi uñst'ayäwi

Job 38:15

ñankha jakenacatjja khanajj jarc'atawa; ajjsarañ churiri arunacaparusa amuct'ayataraquiwa.

Salmos 10:5

Sarnakäwipajj ñankha amtañamp jichuntatawa, juman amuyunacamajj jupataquejj jayanquiwa, timanacapatsti sawcasiwa.

Ezequiel 30:21

“Egipto marcan Faraón reyiparojj nayaw amparapa p'acjta, ucatsti janiraquiw c'umarachasiñapataquejj qhitisa kolljjatquiti ni ch'okäñanacampisa ch'okt'caraquiti, uqhamat wasitata espada aytjjañapataqui.

Daniel (hebreo) 11:13

Amstanquir reyisti wasitatwa yakha ch'amani ejército sartayaraquini, nayrïri ejercitot sipansa juc'ampi ch'amani, mä cawkha maranacatsti wasitatwa aynach tokerojj nuwantaraquini mä ch'amani, suma waquicht'ata ejercitompi.

Daniel (hebreo) 11:15

Amstanquiri reyisti jutasinjja, uca marca muytatjja mä jach'a perkanac waquicharaquini uca marcar catuntañataqui. Janiw aynach tokenquiri ejerciton wali ch'amani soldadonacas uca uñisirin soldadonacapan jutatapjja suyt'ayapcaniti.

Daniel (hebreo) 11:40

“Cunapachatejj tucuyan horasapajj purinjjani ucapachasti, aynachanquir reyejj amstanquir reyirojj nuwantaraquiniwa; ucampisa uca amstanquir reyejj mistunisinjja, mä jach'a thayäcaspas uqhamaw aynachanquir reyi tokejj sartaraquini, uca marcsti guerran nuwasiñ carronacampi, caballeriampi, walja soldadonacampi, walja barconacampiw chhaktayaraquini.

Daniel (hebreo) 11:7

Ucampisa familiapatjja mayniw amstanquiri ejercitorojj nuwantani, ucatsti reyin utapwa catuntasini, soldadonacapaw atipjasin take apnakapjjaraquini.

Zacarías 11:16

Nayasti aca marcataquejj mä awatiri uchäjja, ucatsti jalanucut ovejanacat jan yäkasirïniwa, chhakatanacsti jan thakeriraqui, chhojjrintatsti jan kollt'iriraqui, t'uqhanacarus jan mank'ayiriraqui, jan ucasti suma liq'inacatwa aycha mank'anejja, ucanacan chhuchhullinacapsa janiw jilt'aycaniti.