Daniel (hebreo) 11:40 - Qullan Arunaca

⁴⁰ “Cunapachatejj tucuyan horasapajj purinjjani ucapachasti, aynachanquir reyejj amstanquir reyirojj nuwantaraquiniwa; ucampisa uca amstanquir reyejj mistunisinjja, mä jach'a thayäcaspas uqhamaw aynachanquir reyi tokejj sartaraquini, uca marcsti guerran nuwasiñ carronacampi, caballeriampi, walja soldadonacampi, walja barconacampiw chhaktayaraquini.

Aymar Bibliia 1986

⁴⁰ “Cunapachatejj tucuyan horasapajj purinjjani ucapachasti, aynachanquir reyejj amstanquir reyirojj nuwantaraquiniwa; ucampisa uca amstanquir reyejj mistunisinjja, mä jach'a thayäcaspas uqhamaw aynachanquir reyi tokejj sartaraquini, uca marcsti guerran nuwasiñ carronacampi, caballeriampi, walja soldadonacampi, walja barconacampiw chhaktayaraquini.

Qullan Arunaka DC

⁴⁰ “ ‘Tukuy pacha purinkani ukkhasti, aynach tuqinkir reyix amsta tuqinkir reyiruw nuwantani; ukampis amsta tuqinkir reyix jupamp nuwantasiñatakiw mistuni, ukatsti mä jach'a thayäkaspa ukhamaw aynach tuqitak sartani, nuwasiñ carronakampi, caballeriampi, walja soldadonakampi, walja barconakampi mantantasa.

Daniel (hebreo) 11:40 Jak'a apnaqawi uñst'ayäwi

Isaías 21:1

Wasarata profecía arunaca: Tutuca thayjamaw aynachat jutantapjje, wasaratwa jutapjje, ajjsarcañ chekata.

Isaías 5:28

Flechanacapasti wali arinacawa, arconacapasti suma jiyt'ataraquiwa. Caballonacapan casconacapasti kaljam ch'ullkhewa, carronacapan ruedanacapasti tutuca thayar uñtatawa.

Isaías 66:15

Tatitusti nina taypinjam purini, carronacapasti mä tutuca thayar uñtataraquiwa; colerasiñapasti ninjamaw purinini, mutuyäwipasti akquir ninjamaraquiw naqhani.

Jeremías 4:13

“Uñtapjjam, uñisirinacajj mä kenayjamaw jutanti, nuwasiñ carronacapasti mä jach'a thayjamaw jutantapjje, caballonacapasti jach'a jamach'inacat sipansa juc'ampi jalapjje. ¡Cunaquïcan jiwasataquejja, jichhajj k'ala tucusitätanwa!

Ezequiel 38:4

Jichhajj nayajj jumarojj cuttayanïmawa, lacamarusti ganchonacampiw uscuntäma, jumarusa, uqhamaraqui suma isthapita caballeriamarusa, takpach jakenacamampi chica apsuniraquïma, uca jach'a ejército cawquïritejj espadanacampi, cunayman casta escudonacampi suma armantatäqui uca ejercitjja apsunïwa.

Ezequiel 38:9

Jumasti mä ch'amaca kenayjamaw jupanacjjarojj purïta, uca marcarusti k'alwa chhaktayaraquïta, mä jach'a thayäcasmas uqhamaw uca marcarojj ejercitonacamampi nuwantaraquïta, uqhamaraqui walja yakha marcanacamampisa.

Daniel (hebreo) 11:10

“Ucampisa amstanquiri reyin yokanacapasti guerrasiñataquejj mä jach'a ch'amani ejército sartayapjjaraquini. Uca yokanacapatjja mayniw aynach toker jutantani, uca marcaru catuntañataqui t'unjayañataqui, cunjämatejj jawir umajj walja mantejj uqhamaw soldadonacapajj mantanipjjaraquini, ucatsti wasitatwa aynach tokenquiri reyin utaparojj nuwantapjjaraquini.

Daniel (hebreo) 11:11

Uca amstanquir ejerciton nuwasiñapasti, aynach tokenquiri reyirojj walpun colerayani, uca aynacha tokenquir reyejj colerataw uca amstat jutir ejercitompi nuwasiri misturaquini, ucatsti k'alwa atipjaraquini.

Daniel (hebreo) 11:13

Amstanquir reyisti wasitatwa yakha ch'amani ejército sartayaraquini, nayrïri ejercitot sipansa juc'ampi ch'amani, mä cawkha maranacatsti wasitatwa aynach tokerojj nuwantaraquini mä ch'amani, suma waquicht'ata ejercitompi.

Daniel (hebreo) 11:22

Qhitinacatejj jupataqui sayt'apcani ucanacarusti k'alwa t'unjaraquini, arust'äwiru mantatäcän ucan jilïriparusa jiwayaraquiniwa.

Daniel (hebreo) 11:25

“Ch'amaparu, uqhamaraqui jan ajjsariri chuymaparu alcatasisajja aynach tokenquiri reyiruw nuwantaraquini wali jach'a ejercitopampi yanapt'ayasisa. Aynachanquiri reyisti jan ajjsarasaraquiw guerrarojj sarantani, mä jach'a ch'amani ejercitompi, uqhamaraqui walja soldadonacampi; ucampisa jupajj sallkjataw uñjasini, janiraquiw uñisiripan ejercitop contrajj sayt'asiñ puedcaniti.

Daniel (hebreo) 11:35

Qhitinacatejj marcaru yatichapcän ucanacasa, uñisitaw uñjasipjjaraquini, jupanacasti yant'ataw uñjasipjjaraquini, k'omachataraqui, chekaparu tucuyataraqui, cuna tucuy horasatejj puriniñapäcäna ucacama.

Daniel (hebreo) 11:39

Uca sayt'asiña chekanac arjjatañataquisti, yakha diosaru yupaychiri jakenacwa jawsayaraquini; take qhitinacatejj uca reyiru yupaychapqui ucanacarusti wal jach'añcharaquini, wali suma jach'a luräwinacaruw ucharaquini, oraksti mä wajjt'asiñäcaspas uqhamwa ucanacarojj churaraquini.

Daniel (hebreo) 11:7

Ucampisa familiapatjja mayniw amstanquiri ejercitorojj nuwantani, ucatsti reyin utapwa catuntasini, soldadonacapaw atipjasin take apnakapjjaraquini.

Daniel (hebreo) 12:4

“Ucampisa jumajj, Daniel, take acanacjja jamasaruqui imam, jan qhitirus arsumti; uca librsti suma sellantaraquim tucuya horasajj purincani ucqhacama. Walja jakenacaw ucsa acsa sarapjjani, yatiñanacapjjaru juc'ampi yapjjatasiñ munasa’ sasa.

Daniel (hebreo) 12:9

Jupasti nayarojj saraquituwa: ‘Daniel, jumajj sarañamjja sarascaquim, take acanacasti jan qhitiru yatiyasa imatäñapawa, tucuya horasajj purincani ucqhacama.

Daniel (hebreo) 8:17

“Ucatwa uca jakejj nayaru jac'achasinitu. Nayasti sustjasiractwa, orakcamawa ajanojjsa alt'asiracta, ucat jupajj nayarojj aqham situ: ‘Jaken yokapa, amuyam, aca unañchäwi uñjcta ucajj aca urunacan tucusiñapwa yatiyasqui’ sasa.

Habacuc 3:14

Jilïriparus jiwayaractawa quipca flechanacapampi, cunapachatejj caballjjat jalirinacapajj tutuquipjje mä jach'a thayjama, ch'amampi tucjayañataqui jan nuwasirinacaru, ucatsti jamasan tucjañataqui.

Zacarías 9:14

Tatituw marcapjjaru uñacht'ayasinejja; flechanacapsti rayonacjam antutt'araquini. Dios Tatituw trompeta toct'anejja, aynach jach'a thayamp chicaw sarantaraquinejja.

Apocalipsis 16:12

Sojjtïri angelasti Eufrates sata jach'a jawirjjaruraquiw copapjja warjjatäna, ucatsti uca jawiran umanacapajja k'al wañsuwayäna, mä thaquiraquiw tucjjäna inti jalsu toket jutiri reyinacataqui.

Apocalipsis 9:16

Ucatsti caballjjat sarapcäna uca soldadonacjjatwa ist'ta, ucanacasti pä patac millonänwa.