Daniel (hebreo) 11:34 - Qullan Arunaca

³⁴ Cunapachatejj uñisitäña horasajj purincani ucapachasti mä juc'a yanapwa catokapjjaraquini, ucampisa waljaniraquiw jupanacarojj jakcattapjjani jan uñisitäña laycuqui.

Aymar Bibliia 1986

³⁴ Cunapachatejj uñisitäña horasajj purincani ucapachasti mä juc'a yanapwa catokapjjaraquini, ucampisa waljaniraquiw jupanacarojj jakcattapjjani jan uñisitäña laycuqui.

Qullan Arunaka DC

³⁴ Kunapachatix arknaqat uñjasiñ urunakax purinkani ukapachasti, mä juk'a yanap katuqapxani, waljanirakiw jan uñisiyasiñ laykux jupanakar jaqkattapxani.

Daniel (hebreo) 11:34 Jak'a apnaqawi uñst'ayäwi

Daniel (hebreo) 11:21

“Uca khepatsti yakharaquiw apnakani. Uca jakerusti janiraquiw reyïñapas waquiscasapänti, sinti jisc'achcaya jakeraquïniwa, jan wali amtäwinacapa imantasaw sallkjañanacampi reyit utt'asini.

Daniel (hebreo) 11:32

Reyisti, suma koña arunacapampiw qhitinacatejj uca arust'äwi toke sayt'apcän ucanacarojj juparu jakcattayasiñ munani, ucampisa Diosar munir marcajj sumwa sayt'asini, uqhamaraqui uca jan walt'añanaca jutipanjja sayt'asipjjaraquiniwa.

Mateo 7:15

“Amuyasipjjam qhitinacatejj: ‘Diosatwa parlta’ sasa c'arisisa sarnakapqui ucanacatjja. Jupanacasti ovejanacar uñtataw jumanacan ucarojj jutapjje, ucampis chuymapanjja ñankha lunthat kamakenacawa.

Romanos 16:18

Jupanacasti janiw Cristoru sirvipquiti, jan ucasti jupanacan munañanacaparuquiw sirvisipqui. Juc'a amuyt'asirinacarusti sallkjapjjaraquiwa uqham suma arunacapampi.

Gálatas 2:4

Ucampisa mayni c'ari jilatanacaw nanac taypiru mantanitayna, Jesucristo toke khespiyatäpctsa uc uñakeri, uqhamat wasitampi leyin luräwinacaparu jaysapjjañanacajjataqui.

2 Timoteo 4:3

Niya purininiwa cunapachatejj jakenacajj jan asqui yatichäwinac catokañ munapcani uca urunacajja; ucampis jupanacan munañanacaparjamaquiw walja yatichirinac thakapjjani, cunjämtejj jupanacajj yatichayasiñ munapjje uc ist'añataquiqui.

Tito 1:11

Ucanacarojj amuct'ayañaw waquisi. Familiapachanacwa mayjt'ayapjje, cunatejj jan walïqui ucanac yatichasina, jan wali chuymampi kollke jicjjatasiñ laycuqui.

1 Juan 4:1

Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.

1 Juan 4:5

Jupanacajj acapachanquiriwa, ucatpï jupanacajj acapach yänacapatjja parlapjjejja, acapachanquir jakenacasti jupanacarojj ist'apjjaraquiwa.

2 Juan 1:7

Aca orakenjja walja sallkjirinacawa sarnake. Jupanacajj janiw Tatit Jesucriston mä jakeru tucusa jutatapjja iyawsapquiti. Qhititejj uca yatichäwinïqui ucajj sallkjiriwa, Tatit Jesucriston uñisiriparaquiwa.

Judas 1:4

Yakhepanacajj sallkjañanac toke mantanipjje, ucanacarusti Kellkatanacajj nayra pachanacatpachwa uñacht'ayäna cuna juchañchäwtejj catokañanacapäqui ucjja, jan wali jakenacäpjjatap laycu. Uca ñankha lurir jakenacajj Diosan qhuyapayasiñapjja maysaruw uñtayapjje jan wali luräwinacapan jacañataqui, ucatsti apanucupjjewa jiwasan mä sapa Uywirisaru Tatit Jesucristorusti jan uñt'ir tucupjje.

Apocalipsis 12:13

Uca dragonasti orakeru jakonucuta uñjasjjasinjja, wawachascänsa uca warmiruwa arcnakäna.

Apocalipsis 2:20

Ucampis mayan juma toke sañajj utjitu. Jumajj amuquiw catoktajj uca Jezabel sata warmirojja. Uca warmejj —Dios toket parlta —siwa, ucampis janiw uqhamäquiti, jan ucasti yatichäwinacapampejj sirvirinacajjaruw pantjayasqui wachoka juchan jacayasa, uqhamarac yakha diosanacar loktatäquis ucanac mank'ayasa.