Daniel (hebreo) 11:26 - Qullan Arunaca

²⁶ Qhitinacarutejj jupajj pachpa mesapan mank'añataqui jawsaycäna, ucanacaw juparojj aynacht'ayapjjani, ejercitopasti t'unjataw uñjasiraquini, soldadonacapatsti waljaniraquiw jiwarapjjani.

Aymar Bibliia 1986

²⁶ Qhitinacarutejj jupajj pachpa mesapan mank'añataqui jawsaycäna, ucanacaw juparojj aynacht'ayapjjani, ejercitopasti t'unjataw uñjasiraquini, soldadonacapatsti waljaniraquiw jiwarapjjani.

Qullan Arunaka DC

²⁶ Jupax manq'añatak utapar jawsirïkän uka pachpa masinakapaw jupan aynacht'añapatak wakichapxani, ejercitopax atipjataw uñjasini, soldadonakapat waljaniw jiwarapxani.

Daniel (hebreo) 11:26 Jak'a apnaqawi uñst'ayäwi

2 Reyes 8:14

Hazael chachajj Eliseon ucatjja sarawayjjänwa, ucatsti reyipan ucaruw purjjäna. Reyisti juparojj jisct'änwa: —¿Camstamsa Eliseojja? —sasa. Hazael chachasti juparojj sänwa: —Nayarojj yatiyituwa jumajj usumatjja waliptjjätawa —sasa.

Salmos 41:9

Alcatañ uñt'at masejjamppacha, mank'añajjat mank'er jakemppachaw nayarojj ch'ojjñ luritu.

Daniel (hebreo) 11:10

“Ucampisa amstanquiri reyin yokanacapasti guerrasiñataquejj mä jach'a ch'amani ejército sartayapjjaraquini. Uca yokanacapatjja mayniw aynach toker jutantani, uca marcaru catuntañataqui t'unjayañataqui, cunjämatejj jawir umajj walja mantejj uqhamaw soldadonacapajj mantanipjjaraquini, ucatsti wasitatwa aynach tokenquiri reyin utaparojj nuwantapjjaraquini.

Daniel (hebreo) 11:22

Qhitinacatejj jupataqui sayt'apcani ucanacarusti k'alwa t'unjaraquini, arust'äwiru mantatäcän ucan jilïriparusa jiwayaraquiniwa.

Daniel (hebreo) 11:40

“Cunapachatejj tucuyan horasapajj purinjjani ucapachasti, aynachanquir reyejj amstanquir reyirojj nuwantaraquiniwa; ucampisa uca amstanquir reyejj mistunisinjja, mä jach'a thayäcaspas uqhamaw aynachanquir reyi tokejj sartaraquini, uca marcsti guerran nuwasiñ carronacampi, caballeriampi, walja soldadonacampi, walja barconacampiw chhaktayaraquini.

Mateo 26:23

Jesusasti ucjjarojj saraquïnwa: —Qhititejj nayampi chica mä platot mank'asqui ucawa, juparaquiw nayarojj catuntayitani.

Marcos 14:20

Jesusasti jupanacarojj sänwa: — Tunca payanit maynïriwa, qhititejj nayamp chica t'ant'a mä platot chilltasquejj ucawa.

Juan 13:18

“Janiw nayajj parlcti take jumanacata, nayajj yattwa qhitinacarutejj ajlliscta ucjja. Cuntejj Kellkatanjj sisqui ucajj phokhasiñapawa: ‘Cawquïritejj nayamp chica mank'qui ucajja nayataquiw sayt'i’ sasa.