Daniel (hebreo) 11:24 - Qullan Arunaca

²⁴ Jan amtat horasaruraquiwa, ucsa provincianacan suma orakenacaparojj mantani, ucatsti cuntejj nayra awquinacapajj jan lurapcänsa ucanacwa luraraquini, cuntejj jupanacajj guerran jicjjatanipcatayna uca kamir cancañanacapsti soldadonacaparuw laquintaraquini cawquïri marcanacatejj wali suma perkantatäpqui uca marcanacar nuwantañataquiw wali amtaraquini, ucampisa ucajj juc'a urunacataquiquïniwa.

Aymar Bibliia 1986

²⁴ Jan amtat horasaruraquiwa, ucsa provincianacan suma orakenacaparojj mantani, ucatsti cuntejj nayra awquinacapajj jan lurapcänsa ucanacwa luraraquini, cuntejj jupanacajj guerran jicjjatanipcatayna uca kamir cancañanacapsti soldadonacaparuw laquintaraquini cawquïri marcanacatejj wali suma perkantatäpqui uca marcanacar nuwantañataquiw wali amtaraquini, ucampisa ucajj juc'a urunacataquiquïniwa.

Qullan Arunaka DC

²⁴ Jan khitin amuykataw suyunakan utjir suma uraqinakap katuntasini, ukatsti kuntix nayra awkinakapax jan lurapkäna ukanak lurarakini: nuwasïwin jikxatat qamir yänak soldadonakaparuw lakintani. Suma uyuchrantat markanakar nuwantañatakiw amtarakini, ukampis ukax mä juk'a urunakatakikïniwa.

Daniel (hebreo) 11:24 Jak'a apnaqawi uñst'ayäwi

Nehemías 9:25

Uqhamaraquiw catuntasipjjäna nuwasiñataqui perkampi muyuntata marcanacsa suma yapuchaña orakenacsa, suma yänacan phokt'ata utanacsa, phujunacsa, uva yapunacsa, olivo yapunacsa, uqhamarac yakha achuri alinacsa. Ucatjja mank'apjjänwa sist'asiñcama, liq'intapjjaraquïnwa, uqhamarac wal cusisipjjaraquïna juman jach'a munasiñamata.

Proverbios 17:8

Qhititejj cun lurañataquis kollke chilltasa sarnakqui ucajja, take cunataquis ch'amanïcaspa uqhamwa amuyasi; cuna lurañanacansa walt'ascaquiwa amuyatapatjja.

Proverbios 19:6

Cunsa wajjt'asir jakerojja, take jakenacaw thakapjje, amigoparus tucupjjaraqui.

Proverbios 23:7

Jupajj jumataquejj mallk'amanjja mä t'awrar uñtatäniwa. Jupasti sätamwa: “Mank'asim, umasim” sasa, ucampis chuymapanjja jan walwa juma tokejj lup'iscani.

Ezequiel 34:14

Wali suma pastonac mank'ayirwa anacjjäjja, uca pastonacasti Israel kollunacan jicjjatasi. Ucanwa samart'apjjaraquini wali suma pastonaca mank'asipjjaraquini.

Ezequiel 38:10

“Naya Tatitusti aqham sistwa: Uca urunacansti ñankha amtäwinacaw p'ekemarojj jutani.

Daniel (hebreo) 11:23

Cawquïrinacatejj jupampi mä suma arust'äwi lurapcän ucanacarusa sallkjaraquiniwa, juc'a jakenïcchini ucasa jupajj atipjaraquiniwa.

Daniel (hebreo) 7:25

Alajjpachanquiri Diosarusti jisc'achjaniwa; marcaparus tucjaraquiniwa, Diosan leyinacapsa, fiestanacapsa mayjt'ayañ munaraquini, Diosan marcapasti jupan apnakataraquïniwa, quimsa mara chicatancama.

Números 13:20

Uqhamaraqui orakejj suma achuriti janich suma achurïqui take ucanaca, kokanacajj utjiti jan ucajj janich kokanïqui ucsa. Jan ajjsarapjjamti, apanipjjam uca oraken achunacapa —sasa. Acasti lurasïnwa cunapachatejj nayrïri uvanacajj apthapiscäna ucapachana.

Mateo 9:4

Jesusasti yatiraquïnwa cuntejj jupanacajj lup'ipcän ucjja, ucatwa jupanacarojj saraquïna: —¿Cunatsa uqham jan wali amtañanïpjjta?

Jueces 9:4

Ucampis Abimelec chacharojja pakallk tunca moneda kollke churapjjäna Baal-berit sat diosan templopat apsusina. Ucat uca kollkempisti Abimelec chachajja wali khoru jakenacwa minc'äna jupampi chica sarañapataqui, ucampis uca jakenacajj iyawsasaw jupampi chica sarapjjäna.