Daniel (hebreo) 11:23 - Qullan Arunaca

²³ Cawquïrinacatejj jupampi mä suma arust'äwi lurapcän ucanacarusa sallkjaraquiniwa, juc'a jakenïcchini ucasa jupajj atipjaraquiniwa.

Aymar Bibliia 1986

²³ Cawquïrinacatejj jupampi mä suma arust'äwi lurapcän ucanacarusa sallkjaraquiniwa, juc'a jakenïcchini ucasa jupajj atipjaraquiniwa.

Qullan Arunaka DC

²³ Jupampi suma arust'äwi lurapkani uka masinakaparus sallqjarakiniwa, ejercitopax juk'a jaqinïkchini ukasa, atipjaniwa.

Daniel (hebreo) 11:23 Jak'a apnaqawi uñst'ayäwi

Génesis 34:13

Ucampisa, Siquemajj cunjämatï Dinaru deshonrataynajja, Jacobon yokanacapajja, Siquemampiru Hamor awquipampirojj sallkjañampiw sapjjatayna,

Salmos 52:2

Ñankha lurañac sapürus lup'isctajja, lajjramajj ari cuchillor uñtatawa.

Proverbios 11:18

Jucharar jakejj luratapatjamwa catoke; cheka cancañampi luriristi luratapatjamwa catokaraqui.

Daniel (hebreo) 11:22

Qhitinacatejj jupataqui sayt'apcani ucanacarusti k'alwa t'unjaraquini, arust'äwiru mantatäcän ucan jilïriparusa jiwayaraquiniwa.

Daniel (hebreo) 11:24

Jan amtat horasaruraquiwa, ucsa provincianacan suma orakenacaparojj mantani, ucatsti cuntejj nayra awquinacapajj jan lurapcänsa ucanacwa luraraquini, cuntejj jupanacajj guerran jicjjatanipcatayna uca kamir cancañanacapsti soldadonacaparuw laquintaraquini cawquïri marcanacatejj wali suma perkantatäpqui uca marcanacar nuwantañataquiw wali amtaraquini, ucampisa ucajj juc'a urunacataquiquïniwa.

Daniel (hebreo) 8:24

Wali munañanipuniw tucuraquini, ucampisa janiw jupan pachpa ch'amapampiti; take cunsa jan amuycañjamwa t'unjani, take cuntejj lurcani ucansti atipjapuniniwa. Jach'a munañani jakenacarus t'unjaraquiniwa, Diosan marcapanquirinacatsti waljaniruw t'unjaraquini.

Daniel (hebreo) 8:25

Jupan sallka cancañapampisti, sallka luratanacapajj atipt'aquipuniniwa. Jach'a jach'araquiw tucuraquini, walja jakenacaruwa, qhitinacatejj jupar alcatata sarnakapcäna ucanacarojj ch'ojjña lurasaw jiwarayaraquini. Jilïrinacan jilïripampisa jiquintasiscaquiniwa, ucampisa uca jilïrin atipjataw uñjasiraquini.

Romanos 1:29

Cunayman jan chekap lurañanacampi phokhantatäpjjaraquiwa [k'añu lurañanacampi,] ñankha amtañampi, mich'asiñampi, jan wali amtañampi, envidiasiñampi, jak jiwayañampi, uñisisiñampi, sallkjasiñampi, maynit mayni contra parlañanacampi phokhantatäpjjewa.

2 Corintios 11:3

Cunjämatejj catarejj Eva warmirojj wali c'arinacapampi sallkjänjja, uqhamaraquiw nayajj jumanacatjja llaquista: “Acanacajj amtäwinacapan sallkjayasipcanicha” sasa, uqhamäspa ucajj jumanacajj saraktasjjapjjasmawa, Cristor k'oma chuymampi sirviñatjja.

2 Tesalonicenses 2:9

Uca ñankha jaken puriñapajja Supayan luräwipawa, ch'amani muspharcañ luräwinacampi, uqhamarac c'ari milagronacampiw purinini.