Daniel (hebreo) 11:18 - Qullan Arunaca

¹⁸ Uca khepatsti kota tokenquiri marcanacaruwa nuwantaraquini, uca marcanacatsti waljaniw amparaparu jalt'apjjaraquini; ucampisa mä generalaw uca p'enkachäwirojj tucjani, amstanquir reyirusti mä p'enkwa tucjaraquini.

Aymar Bibliia 1986

¹⁸ Uca khepatsti kota tokenquiri marcanacaruwa nuwantaraquini, uca marcanacatsti waljaniw amparaparu jalt'apjjaraquini; ucampisa mä generalaw uca p'enkachäwirojj tucjani, amstanquir reyirusti mä p'enkwa tucjaraquini.

Qullan Arunaka DC

¹⁸ Uka qhipatsti quta thiyankir markanakaruw nuwantani, uka markanakatsti waljaniw amparapar jalt'apxani; ukampis ejerciton mä jilïripaw taqi ukanakan jan utjañapatak sayt'ani, amsta tuqinkir reyirusti mä p'inqa tukjani.

Daniel (hebreo) 11:18 Jak'a apnaqawi uñst'ayäwi

Ester (hebreo) 10:1

Rey Asuerosti apthapïnwa impuestonacjja uca orakenacan jaquirinacata, uqhamarac kota taypi islanacan jaquirinacatsa.

Isaías 66:19

Nayajj mä chimpu churä: yakhepanacarusti jaltayaraquïwa, marcanacaruw qhitaraquï, Tarsis, Libia, Lidia, ucanacaru cawqhantejj flecha sum apnakañ yatipqui uca marcaru, Tubal, uqhamaraqui Grecia, kota tokenquir jaya marcanacar cuna, uca marcanacasti janipuniw nayjjat parlirjja ist'apjjerïcänti, janiraquiw nayan jach'a cancañajjsa uñjapjjerïcänti; jupanacaraquiw nayan jach'a cancañajjat marcanacar yatiyapjjani.

Jeremías 2:10

Inti jalanta tokenquir islanacaru sarapjjam, ucatsti amuyapjjaraquim, Cedar chekarusti mayni qhitapjjaraquim sum uñjaniñapataqui, inach uñjanipjjäta,

Jeremías 31:10

“Marcanaca, Diosan arunacapa ist'apjjam, jaya tokenacana jach'a kota thiyanacan yatiyapjjam. Sapjjaraquim: ‘Tatitojj Israel marcarojj ananucünwa, ucampisa jichhajj tantachthapjjaraquiniwa, ucatsti juparaquiw uñjani, cunjämatejj awatirejj tamaparojj uñjejja uqhama.’

Ezequiel 27:6

barconacaman remonacapsa Basán chekata apanit roblenacatwa lurarapipjjaractam. Patjja maderanacamsa Chipre tokenquiri ciprés sat maderanacatwa lurarapipjjaractam, marfilanacampisa q'iñaquipataraqui.

Oseas 12:14

Efrainanquir jakenacajj Tatiturojj colerayapjjänwa, chuymapsti walirac ust'ayaraquïnjja. Ucatwa Tatitojj jake jiwayatanacapatjja t'akhesiyani; jupanacjjarusti pachpa ñankha luratanacapawa tincuyaraquini.

Sofonías 2:11

Diosasti jupanacampejj wali ajjsarcañäniwa. Take marcanacan diosanacaparusa t'unjaraquiniwa, jupaquiraquiw take chekansa yupaychatäni, uqhamaraqui islanacan jaquir jakenacansa.

Mateo 7:2

Cunjämtï jumanacajj jake masimarojj juchañchapctas uqhamaracwa Diosajj jumanacarojj juchañchapjjätam; cunjämtejj jumanacajj jakenacar lurapcäta uqhamaracwa jumanacarojj Diosajj lurapjjätam.

Jueces 1:7

Ucatsti Adonisedec chachajj saraquïnwa: “Nayrasti nayajja pakallko tunca reyinacaruwa amparanacatsa, cayunacatsa tayca luc'ananaca qhuchhurta, ucatsti mesajja manqhatwa jilt'a t'ant'a t'unanaca pallasiyta. Jichhasti Diosajj nayarojj cunjämtejj jupanacaru lurcäyäta uqhamaracwa lurayaraquitu” sasa. Ucatsti Jerusalén marcaruw apjjapjjäna, ucanwa jiwjjänjja.