Daniel (hebreo) 11:17 - Qullan Arunaca

¹⁷ Uqhamarusa waquichasiraquiniwa, cunanacatejj aynach toke orakenacan utjqui take ucanaca catuntasiñataqui; ucataquisti aynach tokenquir reyimpejj mä arust'äwiruw mantaraquini, uqhamarus uca reyirojj phuchapwa warmipäñapataqui churaraquini, uqhamat uca reino t'unjañataqui, ucampisa amtatanacapajj janiw phokhascaniti.

Aymar Bibliia 1986

¹⁷ Uqhamarusa waquichasiraquiniwa, cunanacatejj aynach toke orakenacan utjqui take ucanaca catuntasiñataqui; ucataquisti aynach tokenquir reyimpejj mä arust'äwiruw mantaraquini, uqhamarus uca reyirojj phuchapwa warmipäñapataqui churaraquini, uqhamat uca reino t'unjañataqui, ucampisa amtatanacapajj janiw phokhascaniti.

Qullan Arunaka DC

¹⁷ Ukat juk'ampsti, aynach tuqinkir taqpach uraqinak katuntasiñatakiw wakichasirakini; ukatakisti aynach tuqinkir reyimpix mä arust'äwi lurani, uka reyirux phuchhap warmipäñapatak churani, ukampis amtäwinakapax aynacht'aniwa.

Daniel (hebreo) 11:17 Jak'a apnaqawi uñst'ayäwi

2 Reyes 12:17

Qhaya tiemponjja Siria marcanquiri Hazael reyejja Gat marcar nuwir jutasinjja catuntasïnwa, ucatsti Jerusalén tokeruraquiw sararaquïna.

2 Crónicas 20:3

Josafat reyisti walwa ajjsarayasïna, ucatsti Tatitur maqhatjjawa amtasïna. Ucatjja ayunañataquiw take Judá orakpacharu yatiyäna,

Salmos 56:9

Jumat yanap maycäm ucapachajja, nayamp timasirinacajj jayar jaltjjapjjpan, uqhämat nayan Diosajjätam yatï.

Proverbios 19:21

Jakejj waljanacwa amti, ucampis Tatitun munañapaquiwa phokhasi.

Ezequiel 17:17

Cunapachatejj Babilonianquir reyejja, marcaru nuwantani, ucatsti nuwantañataqui suma sayt'asiñ chekanac waquichasiraquini, marcaru muytata jach'a perkanacsa perkantaraquini, uqhamaraqui walja jakenacarusa jiwarayaraquini ucapachajj faraón reyejj janiw ch'aman ejercitopjja qhitancaniti, janiraquiw walja jakenacsa qhitancaraquiniti.

Ezequiel 25:2

“Jumasti chacha, jichhajj amonita jakenac tokeru uñtam, jupanacarusti nayan sutejjaru parlaraquim.

Ezequiel 4:3

Ucatsti hierrot lurat mä jach'a thuru lata aptam; ucsti jumampi, uqhamaraqui marcampi taypiru uscum mä perkäcaspas uqhama, ucat marca uñcatasiru sayt'asim nuwantañatacjama. Ucasti israelitanacataquejj mä unañchäwïnina.

Ezequiel 4:7

Ucatsti Jerusalén marca tokeruw jithiquipstjjaraquïta, uca marcasti uñisirinacapan muyuntatäjjaniwa, amparanacamajj k'alalaraquïniwa, ucatsti nayan sutejj-jjaruw parläta uca marcataque.

Daniel (hebreo) 11:19

Ucqhatwa reyejj marcapan utanacaparu sarjjaraquini, ucampisa mä jan walt'añampiw jiquintasini, ucansti jiwayataw uñjasiraquini, ucatsti uca reyitjja janiw mayampsa ist'ascjjaniti.

Daniel (hebreo) 9:26

Sojjta tunca payani semananaca pasatatsti, Tatitur catuyata jach'a jilïriruw jiwayapjjani. Jerusalén marcampi templompisti t'unjataw uñjasiraquini, cawquïri reyitejj jutcani ucanacan jakenacapaw t'unjaraquini. Tucuyäwisti janc'aquiw purinini, walja umanacjama, tucuycamawa nuwasiñanacasa, t'unjatäñasa utjaraquini, cawquïrinacatejj uqhamäñapatac arsutäqui ucanaca.

Habacuc 1:9

Sarcasasti take tucjawayapjje; sarquipan uñjasinsti takeniw wali ajjsarayasipjjaraqui, uqhamarac kota ch'allanacar uñtatwa prisioneronacsa caturawayapjje.

Mateo 12:30

“Qhititejj jan nayampïqui ucajj naya contrawa. Jan nayampi apthapiristi willirpayaraquiwa.

Lucas 11:23

“Qhititejj jan nayampïqui ucajj naya contrawa; jan nayamp chic apthapiristi, willitatiwa.

Lucas 9:51

Cunapachatï Jesusan alajjpachar maqhatjjañapajj jac'ancjjäna ucqhajja, Jerusalenarojj jan ajjsarasaw sarjjäna.

Romanos 8:31

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?