Daniel (hebreo) 10:21 - Qullan Arunaca

²¹ Jichhasti saraquïmawa cunanacatejj chekapa libron kellkatäqui uca arunacjjata; uca angelanacampi nuwasiñajjanjja, Israel marcar arjjatiri Miguel sat angelaquiw nayarojj yanapt'itu.’

Aymar Bibliia 1986

²¹ Jichhasti saraquïmawa cunanacatejj chekapa libron kellkatäqui uca arunacjjata; uca angelanacampi nuwasiñajjanjja, Israel marcar arjjatiri Miguel sat angelaquiw nayarojj yanapt'itu.”

Qullan Arunaka DC

²¹ Jichhasti sarakïmawa kunatix chiqa qillqatan qillqantatäki ukanakxata: uka angelanakampi nuwasiñaxanxa, Israel markar arxatiri Miguel angelakiw nayar yanapt'itu.’

Daniel (hebreo) 10:21 Jak'a apnaqawi uñst'ayäwi

Daniel (hebreo) 10:13

Persia marcaru arjjatiri angelasti pä tunca mayani uruw naya tokejj sayt'asi; ucampisa Miguel sat mayni angelaw nayar yanapt'irejj jutaraquitu, nayasti Persianquiri reyinacampi chicaraquiw sapaqui uñjasïyätjja.

Daniel (hebreo) 12:1

“Ucapachaw Miguel angelajj uñstaniraquini, cawquïri jach'a arjjatasiri angelatejj marcamarojj arjjatqui uca: “Ucasti mä llaquisiña horasäniwa, uca horasjamasti janipuniw cunapachas utjcänti, cunapachattejj marcanacajj uñsti ucat acsarojja. Cunapachatejj uca horasajj purinini ucapachasti, marcamanquirinacajja takeniw khespipjjani, cawquïrinacantejj sutinacapajj libron kellkatäqui ucanacajja.

Daniel (hebreo) 12:4

“Ucampisa jumajj, Daniel, take acanacjja jamasaruqui imam, jan qhitirus arsumti; uca librsti suma sellantaraquim tucuya horasajj purincani ucqhacama. Walja jakenacaw ucsa acsa sarapjjani, yatiñanacapjjaru juc'ampi yapjjatasiñ munasa’ sasa.

Daniel (hebreo) 8:26

“Jayp'u, uqhamaraqui alwa unañchäwi uñjatamasti niya khanañchatäjjtamwa, ucasti chekawa; ucampisa jumajj ucanacjja chuymamaruqui imaraquim, ucasti walja urunaca pasatatwa phokhasjjaraquini” sasa.

Daniel (hebreo) 9:22

Ucatsti nayarojj saraquituwa: ‘Daniel, nayajj juttwa jumar acanac toketa amuyt'ayiri.

Daniel (hebreo) 9:25

Jichhajj acwa yatiñama, amuyt'añamaraqui: Cunapachattejj Jerusalén marcajj wasitata uñstayañataqui sayt'ayañataqui arsutäni, Tatitur loktatäqui uca jach'a jilïrin puriniñapcama, pakallko semananacaw pasascañapa, Jerusalén marcan wasitata sayt'ayatäñataqui callenacapasa, perkanacapasa, sojjta tunca payani semananacanwa lurasini, ucampisa uca urunacajj wali t'akhesiña urunacäniwa.

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

Hechos 15:15

Acasti profetanacan arsutaparjamaw phokhasisqui, cunjämtï Kellkatan sejja:

Hechos 15:18

“Uqham siw Tatitojja. Jupasti nayratpachaw take ucanacjja jakenacar yatiyi.”

Judas 1:9

Miguel arcángel pachpa, Moisesan janchipat ch'ajjwcäna Supayamp nuwasisa ucapachajja, janiw cuna jisc'achañ arunacampis juchañchcänti, jan ucasti acac säna: “Tatituw jumarojj juchañchascätam” sasa.

Apocalipsis 12:7

Ucatsti mä jach'a nuwasiñaw alajjpachanjja utjäna. Arcángel Miguelasti angelanacapampi sayt'asisinjja uca dragonampiw nuwasïna. Dragonampi angelanacapampisti sayt'asipjjaraquïnwa,