Daniel (hebreo) 10:19 - Qullan Arunaca

¹⁹ ucatsti saraquituwa: ‘Jan ajjsaramti, janirac llaquisimsa. Diosajj jumarojj walwa munastam. Uca laycu sayt'asim, ch'amañcht'asiraquim’ sasa. “Jupajj uqhamaw nayaru parlasquitäna, uqham parlañapcamajja nayajj ch'amaniw amuyasjjäyäta, ucatsti saractwa: ‘Tata, parljjayt'aquita, parlatam ist'asasti nayajj ch'amaniw uñjasjjta’ sasa.

Aymar Bibliia 1986

¹⁹ ucatsti saraquituwa: —Jan ajjsaramti, janirac llaquisimsa. Diosajj jumarojj walwa munastam. Uca laycu sayt'asim, ch'amañcht'asiraquim —sasa. “Jupajj uqhamaw nayaru parlasquitäna, uqham parlañapcamajja nayajj ch'amaniw amuyasjjäyäta, ucatsti saractwa: —Tata, parljjayt'aquita, parlatam ist'asasti nayajj ch'amaniw uñjasjjta —sasa.

Qullan Arunaka DC

¹⁹ sarakituwa: ‘Jan axsaramti, janirak llakisimsa. Tatitux jumar munastamwa; ¡kusisim, ch'amañcht'asirakim!’ sasa. Jupax ukhamaw nayar parlxayaskitäna, ukchañkamasti nayax ch'amaniw amuyasxäyäta, ukat sarakta: ‘Tatay, parlxayt'akita, parlatam ist'asin nayax ch'amaniw uñjasxta’ sasa.

Daniel (hebreo) 10:19 Jak'a apnaqawi uñst'ayäwi

Salmos 138:3

Art'asinsma ucapachajj ist'istawa, almajjarusti ch'am yapjjatarapista.

Isaías 35:4

ajjsaririnacarusti sapjjaraquim: “Ch'amacht'asim, jan ajjsaramti” sasa. “¡Acanquiw Diosamajj jumanacar khespiyañataqui, uñisirinacamarusti juchanacapatjamwa mutuyaraquini!”

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 41:14

Tatitusti saraquiwa: “Israel, Jacobon marcapa, jisc'äscamsa, pisi ch'amäscaraquimsa, jan ajjsaramti, nayaw yanapascäma. Naya, Israelan Kollan Diosapa, nayaw khespiyirimätjja.

Daniel (hebreo) 10:18

“Uca jaken yokapjamäcän ucasti wasitatwa nayarojj llamct'itu ucatsti wasitat machak ch'amani tucuyjjaraquitu,

Daniel (hebreo) 9:23

Cunapachatejj jumajj Diosar mayisiñ kalltta, ucapachaw Diosajj jumar ist'tam. Nayasti jumaru uca Diosan ist'atapa yatiyiriw jutsma, Diosasti jumarojj walpun munaractam. Jichhasti sum suma ist'am cuntejj siscäma uca arunacaru, uqhamat uca unañchäwi toket suma amuyt'añamataqui:

Hageo 2:4

¡Ucampis ch'amacht'asim Zorobabel! ¡Ch'amacht'asiraquim jumas Josué sacerdotenacan jilïripa! Ch'amacht'asipjjaraquim jumanaca aca marcanquir take jakenaca trabajapjjam, nayaw jumanacampïscta. Naya ch'amani Tatituw arsta.

Zacarías 8:13

Jumanacasa, Judá marcasa, Israel marcasa maldecitäpjjänwa yakha marcanac taypinjja. Jichhajj uqhamaracwa nayajj khespiyäjja, bendecitaracwa tucuyaraquëjja. ¡Jan ajjsarapjjamti! ¡Ch'amañchasipjjam!”

Zacarías 8:9

Acsti take ch'amani Tatituw, sejja: “Ch'amañchasipjjam, jumanacajja aca urunacanwa ist'apjjtajja profetanacajj arsuwaycän uca arunaca, take ch'amani Tatitun templopa wasitat sayt'ayjjañataqui cimiento uchantapcäna uca uruta.

Juan 11:3

Aca pani cullacawa Jesusaru yatiyäna. —Tata, amigomaw usuta —sasa.

Juan 11:36

Judionacasti sapjjaraquïnwa: —Uñtapjjam cunjsa munasitayna —sasa.

Juan 11:5

Jesusajj Martarusa cullacaparusa, uqhamarac Lazarorusa, wal munascchïna ucasa,

Juan 14:27

“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Juan 16:33

Acjj sapjjsmawa jumanacajj samarañ jicjjatapjjañamataqui nayaru iyawsatanacam laycu. Acapachanjja jumanacajj t'akhesipjjätawa, ucampis ch'am catjjatapjjam, nayajj acapacharojj atipjtwa —sasa.

Juan 19:26

Jesusasti taycaparu, uqhamarac wali munat discipuloparu ucqhan uñjasinjja sänwa: —Warmi, ucajjay yokamajja —sasa.

Juan 21:20

Khepäjj uñaquipasisinjja, Pedrojj uñjänwa Jesusan wali munata discipulopar khepap arcasincatapa. Mank'apcäna ucqhajja aca pachpa discipulojj Jesusan thiyapancänwa, juparaquiw Jesusarojj jisct'äna: “Tata, ¿qhitis aljantätamjja?” sasa.

1 Corintios 16:13

Suyapjjapunim, iyawsañanacamansti ch'aman sayt'apjjam, chachjama sarnakapjjam, ch'amañchasipjjaraquim.

2 Corintios 12:9

ucampis Tatitojj situwa: “Munasiñajjaquiw jumataquejj waquichatajja, nayan ch'amajjasti juc'ampi sumaw uñsti cunapachatï jakejj t'uqha jicjjatasqui ucqha” sasa. Uqhamajj nayajj cusistwa, Criston ch'amapajj nayan t'uqhasiñajjan uñstañapataqui.

Efesios 6:10

Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa.

2 Timoteo 2:1

Jumasti wawajja, Cristo Jesusampi mayaru tucutas laycu bendicionas utjquistu ucampi ch'amañchasim.

Josué 1:9

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Apocalipsis 1:17

Uqham uñjasinsti, jiwatjamaw cayunacaparu liwnoktta. Jupasti cupi amparapampi lokjjatasinjja situwa: “Jan ajjsaramti; nayätwa kalltasa tucuyasa.

Jueces 6:23

Diosasti saraquïnwa: —Jan ajjsaramti, janiw jiwcätati. Nayana samarañajja catokam —sasa.