Daniel (hebreo) 10:17 - Qullan Arunaca

¹⁷ ¿Cunjämaraqui aca juman sirvirimasti jumampi parlaspasti, jan ch'amani, niya samanas pist'ata jicjjatasisasti?’ sasa.

Aymar Bibliia 1986

¹⁷ ¿Cunjämaraqui aca juman sirvirimasti jumampi parlaspasti, jan ch'amani, niya samanas pist'ata jicjjatasisasti? —sasa.

Qullan Arunaka DC

¹⁷ ¿Kunjämarak jumamp parlästi, jan ch'amani, niya samanas pist'atjam jikxatasisasti?’ sasa.

Daniel (hebreo) 10:17 Jak'a apnaqawi uñst'ayäwi

Génesis 32:20

uca quipcaraqui sapjjam: ‘Jacob sirvirimajj khepat jutasqui’ —sasa. Jacobosti chuymapanjja sascaraquïnwa: “Cuna wajjt'äwinactejj nayrakata apaycta ucanacampiw colerapjja apakä. Jupa pachparaquiw ucanacjja uñjani. Uqhamat inach waliqui catokasquitaspa” sasa.

Éxodo 33:20

Ucampis sismawa: ‘Janiwa ajanojj uñcatquitasmati, qhiti jakesa uñcatquitaspati, uqhamata jacasipcaquiñapataqui.’

Daniel (hebreo) 10:8

Cunapachatejj nayajj uca jach'a unañchäwi uñjcäyät ucapachasti sapaquiw jicjjatasïyäta. Nayan ajanojjas k'ellupuniw tucuraqui, jan ch'amaniw uñjasiracta.

Daniel (hebreo) 4:19

Uqhamasti Daniel waynajj, qhitirutejj Beltsasar sas sutichapcäna ucajja wali muspharataw uñjasïna, cuna amtäwinacatejj p'ekeparu jutcän ucanacampisa wali mayjt'ataw uñjasiraquïna. Ucampisa naya, reyejj, juparojj saractwa: ‘Beltsasar, jan jumajj llaquisimti cuna samctejj samcascta ucatjja, uqhamaraqui khanañchäwipatsa’ sasa. Beltsasarasti ucjjarojj saraquituwa: ¡Jach'a rey, cuntejj uca samcajj sañ munqui ucanacasti juman uñisirinacamjjaru purpan!

Marcos 12:36

David quipcaraquiwa, Kollan Ajayun khant'atäsinjja sï: “Tatitojj Tatitojjarojj siwa: ‘Cupëjjajjar kont'asim, Uñisirinacamaru jumampi tacjjatayañajjcama’ sasa.

Juan 1:18

Janiw cunapachas Diosarojj qhitis uñjquiti, ucampis mä sapa Yokapa, cawquïritejj Awquipa jac'ana kont'atäquis ucawa uñt'ayistu cunjamäquitejj Diosajj ucjja.

Jueces 6:22

Gedeonajj Diosan angelapätapa amuyasinsti sänwa: —¡Dios Tata! ¡Nayasti Diosan angelaparojj ajanuy ajanuw uñcatjja! —sasa.