Daniel (hebreo) 10:12 - Qullan Arunaca

¹² Ucat jupajj nayaru saraquitu: ‘Daniel, jan jumajj ajjsaramti, kallta urutpachwa jumajj ch'amachasta take ucanac amuyt'añataqui, uqhamaraqui Diosam nayrakatapansa alt'ata chuymani tucuracta ucspachaw Tatitojj mayisitanacamjja ist'tam. Ucatwa nayajj jichhajj juttjja.

Aymar Bibliia 1986

¹² Ucat jupajj nayaru saraquitu: “Daniel, jan jumajj ajjsaramti, kallta urutpachwa jumajj ch'amachasta take ucanac amuyt'añataqui, uqhamaraqui Diosam nayrakatapansa alt'ata chuymani tucuracta ucspachaw Tatitojj mayisitanacamjja ist'tam. Ucatwa nayajj jichhajj juttjja.

Qullan Arunaka DC

¹² Ukat jupax sarakitu: ‘Daniel, jan axsaramti, Tatitux nayrïr urutpach mayisitanakam ist'tam, uka jan amuyt'kay samkanakxat yatiñatak ch'amachasitamata, nayraqatapansa alt'at chuymam uñacht'ayatamata. Ukat nayax jutawayta.

Daniel (hebreo) 10:12 Jak'a apnaqawi uñst'ayäwi

Salmos 69:10

Llaquisiñat jan mank'cta ucapachajja, nayat larusipjjetu;

Isaías 35:4

ajjsaririnacarusti sapjjaraquim: “Ch'amacht'asim, jan ajjsaramti” sasa. “¡Acanquiw Diosamajj jumanacar khespiyañataqui, uñisirinacamarusti juchanacapatjamwa mutuyaraquini!”

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 41:14

Tatitusti saraquiwa: “Israel, Jacobon marcapa, jisc'äscamsa, pisi ch'amäscaraquimsa, jan ajjsaramti, nayaw yanapascäma. Naya, Israelan Kollan Diosapa, nayaw khespiyirimätjja.

Isaías 58:9

Ucapachajj jawsität ucqhajj nayajj ist'ämawa, yanapa mayisisatejj arnakasïtajja, nayasti: ‘Acancasctwa’ saraquïmawa. Take t'akhesiyañanac tucusiyjjätajja, mayninacarus janiraqui jisc'achcätajja, janiraqui cuna c'ari arunacsa aptätajja,

Isaías 65:24

Janïraw jupanacajj jawsapquitaniti, ucapachaw nayajj jupanacar jaysä; janïraw parlañsa tucuyapcaniti ucapachaw nayajj jupanacar ist'ä.

Daniel (hebreo) 10:11

Ucatsti saraquituwa: ‘Daniel, Diosan munatapa, wal ist'am cuntejj nayajj siscäma uca arunaca. Sayt'asim, nayasti juman ucaru qhitanitätwa’ sasa. “Uqham satapa ist'asinsti nayajj qhathatt'asisaw sayt'asta.

Daniel (hebreo) 10:19

ucatsti saraquituwa: ‘Jan ajjsaramti, janirac llaquisimsa. Diosajj jumarojj walwa munastam. Uca laycu sayt'asim, ch'amañcht'asiraquim’ sasa. “Jupajj uqhamaw nayaru parlasquitäna, uqham parlañapcamajja nayajj ch'amaniw amuyasjjäyäta, ucatsti saractwa: ‘Tata, parljjayt'aquita, parlatam ist'asasti nayajj ch'amaniw uñjasjjta’ sasa.

Levítico 16:29

“Aca leyinacasti jumanacataquejj wiñayataquïniwa: tunca uru sarakataru pakallköri phajjsina jumanacajj ayunapjjäta, take luräwinacamwa suyt'apjjäta, take israelita jakenaca uqhamarac jaya marcat jutasina jumanaca taypina jaquiri jakenacasa.

Levítico 16:31

Aca leyisti wiñayataquiraquiwa: uca urusti jumanacataquejj wali jach'a urüniwa, samaraña ururaqui, uqhamaraqui Tatitutaqui yakhachata ayuno lurañ ururaqui.

Números 29:7

“Pakallko phajjsit tunca uru sarakquipanjja uqhamaraquiw jumanacajj k'oma tantachasïwi lurasipjjäta. Uca urusti ayuno lurapjjäta, janiraquiw cuna casta irnakañanacsa lurapjjätati.

Mateo 28:10

Jupasti sänwa: —Jan ajjsarapjjamti, yatiyanipjjam jilanacajjaru, sapjjaraquim: ‘Galilean jumanacampejj jiquisï’ sasa.

Mateo 28:5

Angelasti warminacarojj saraquïnwa: “Jan ajjsarapjjamti, nayajj yattwa ch'accatatäcäns uca Jesusar thakasipcatama.

Marcos 16:6

Waynasti jupanacarojj sänwa: —Jan sustjasipjjamti, ch'accatatäcäns uca Nazaretanquir Jesusaruw thakasipctajja. Jupajj jactawayjjewa; janiw acancjjeti. Uñjapjjam cawqharutejj uchatäcäns ucjja.

Lucas 1:13

Angelasti juparojj sänwa: —Zacarías, jan ajjsaramti, juman mayisitamarojj Diosajj ist'tamwa, Elisabet warmimasti mä yokall wawa wawachasini. Ucarusti “Juan” sasaw sutichäta.

Lucas 1:30

Ucat angelajj juparojj säna: —María, jan ajjsaramti, jumajj Diosan nayrakatapanjja asqui qhuyapayasiñapwa jicjjattajja.

Lucas 2:10

Angelasti jupanacarojj sänwa: —Jan ajjsarapjjamti, suma yatiyäwinac apanta, acasti take marcpachataqui wali cusisiñäniwa.

Lucas 24:38

Jesusasti jupanacarojj sänwa: —¿Cunatsa sustjatäpjjta? ¿Cunatsa chuymanacamanjj uca pächasiñanacamajj utjapjjtamjja?

Hechos 27:24

Uca angelasti saraquituwa: ‘Jan ajjsaramti. Jumajj Romanquir emperadoran nayrakatapar uñstañamawa. Jumïpanracwa Diosajj jiwañat khespiyani take jumamp chic aca barcon saririnacarojja’ sasa.

Apocalipsis 1:17

Uqham uñjasinsti, jiwatjamaw cayunacaparu liwnoktta. Jupasti cupi amparapampi lokjjatasinjja situwa: “Jan ajjsaramti; nayätwa kalltasa tucuyasa.