Daniel (hebreo) 1:20 - Qullan Arunaca

²⁰ Take cuna luräwinacatejj wali amuyt'ampi luraña waquiscäna, ucanacansti reyejj uca waynanacaruw jisct'äna, ucatsti reyejj jicjjataraquïnwa uca waynanacajj sinti ch'iqhïpjjatapa cawquïri yatiri, layka jakenacatejj palaciopan utjcän ucanacat sipansa.

Aymar Bibliia 1986

²⁰ Take cuna luräwinacatejj wali amuyt'ampi luraña waquiscäna, ucanacansti reyejj uca waynanacaruw jisct'äna, ucatsti reyejj jicjjataraquïnwa uca waynanacajj sinti ch'iqhïpjjatapa cawquïri yatiri, layka jakenacatejj palaciopan utjcän ucanacat sipansa.

Qullan Arunaka DC

²⁰ Kuna luräwinakatix wali amuyt'ampi lurañ wakiskäna ukanakatakisti, reyix uka waynanakaruw jiskt'äna, reyitakisti uka waynanakaw wali ch'ikhïpxänxa, markapan utjir tunka yatiñani jaqinakat sipansa.

Daniel (hebreo) 1:20 Jak'a apnaqawi uñst'ayäwi

Génesis 31:7

uqhamarac sapa cutiw sallkjitu, pagojjsa janiw phokhat pagquitutejja. Ucampisa Diosajj janiw nayar cuna casta ñankha lurañapsa munquiti,

Génesis 41:8

Ucampis khepärmanthi alwasti wali llaquitänwa, ucatsti take yatirinaca, uqhamarac yatiñani jakenacaruw take Egipto marcat irptayani. Cunapachatejj faraonajj take uca samcanac avist'äna ucqhasti janiw qhitisa khanañchañ puedcänti.

Nehemías 4:12

Ucampis jupanac jac'ana jacapcäna uca judionacajja jutasinjja yatiyapjjetuwa mä kawkha cuti: “Uca jakenacajj take toketwa ñankha lurañ amtapjjtam” sasa.

Job 19:3

Mayampi mayampwa nayarojj jisc'achjapjjestajja. ¿Janit uqham nayaru lurapjjatamatsti p'enkasipcta?

Salmos 119:99

Takpach yatichirinacajjat sipan juc'amp amuyta, arunacam lup'itajj laycu.

Éxodo 7:22

Ucampis Egiptonquir yatiri jakenacajja uca quipcaraquiw lurapjjaraquïna, ucatsti faraonajj chuymapa colerañampi kalarayasisajj janiw ist'añ muncänti cuntejj Tatitojj siscäna ucjja.

Éxodo 8:19

Ucatsti jach'a yatiri jakenacajj faraonarojj sapjjänwa: —¡Acasti Diosan luräwipawa! —sasa. Ucampis faraonajj chuymapa kalarayasisajj janiw ist'añ muncänti cuntejj Tatitojj siscän ucjja.

Éxodo 8:7

Ucampis jach'a yatiri jakenacajja yatiñanacapampejj quipcacracwa lurapjjaraquïna, jupanacasti c'ayranacapjja Egipto orakerojj jutayapjjaraquïnwa.

Isaías 19:3

P'eksa jupanacarojj mayjt'ayäwa, amtatanacapsti t'unjaraquïwa. Ucapachawa yakha diosanacaparu, laykanacaparu jisct'asir sarapjjani, jiwatan ajayunacaparu, yatiri jakenacaparuw jisct'asipjjani.

Ezequiel 28:3

¿Danielat sipansa juc'ampi amuyt'anïtati? ¿Jumasti take cunsa yatektati?

Daniel (hebreo) 1:17

Aca pusi waynanacarusti Diosajj ch'iqhi chuyma, amuyt'a churaraquïna, take casta libronacsa jupanacajj amuyt'apjjañapataqui, take casta yatiñanacsa yatipjjañapataqui. Uqhamarusa Daniel waynajj yatiraquïnwa take casta samcanaca, uqhamaraqui unañchanacan cun saña munatapsa.

Daniel (hebreo) 2:13

Reyin arsutanacap kellksutatsti, Daniel waynampi chicäpcän ucanacampirojj jiwarayañataquiw thakapjjäna.

Daniel (hebreo) 2:21

Jupaw urunacsa, maranacsa mayjt'ayaraqui, reyinacsa apakaraqui, uscuraqui. Yatiñaninacarusti juc'ampi yatiñwa churi, ch'iqhinacarusti juc'ampi ch'iqhi chuyma churaraqui.

Daniel (hebreo) 5:17

Ucjjarusti Daniel chachajj saraquïnwa: —Jumajj uca wajjt'asiñanacamjja imasiscam, uqhamaraqui palaciomancaña uca jach'a jach'añchäwsa yakharu churascam. Ucampisa nayajj khanañchascaquïmawa cun sañtejj munqui uca perkan kellkatajj uca.

Números 14:22

Cawquïrinacatejj jach'a cancañajj uñjapqui, uqhamarac Egiptonsa, wasaransa milagronac lurcta ucanac uñjapqui, ucatsti mayampi mayampwa yant'anacarojj wasaranjja uscupjjetu, janiraquiw arunacajjarus ist'añ munapquiti,