Daniel (hebreo) 1:17 - Qullan Arunaca

¹⁷ Aca pusi waynanacarusti Diosajj ch'iqhi chuyma, amuyt'a churaraquïna, take casta libronacsa jupanacajj amuyt'apjjañapataqui, take casta yatiñanacsa yatipjjañapataqui. Uqhamarusa Daniel waynajj yatiraquïnwa take casta samcanaca, uqhamaraqui unañchanacan cun saña munatapsa.

Aymar Bibliia 1986

¹⁷ Aca pusi waynanacarusti Diosajj ch'iqhi chuyma, amuyt'a churaraquïna, take casta libronacsa jupanacajj amuyt'apjjañapataqui, take casta yatiñanacsa yatipjjañapataqui. Uqhamarusa Daniel waynajj yatiraquïnwa take casta samcanaca, uqhamaraqui unañchanacan cun saña munatapsa.

Qullan Arunaka DC

¹⁷ Tatitusti aka pusi waynanakarux ch'ikhi chuyma, amuyt'a chuyma churäna, kunayman qillqatanak amuyt'apxañapataki, ukhamarak taqi yatiñanaksa. Ukhamarusa, Danielax samkanaka, unañchäwinak qhanañchañ yatirakïna.

Daniel (hebreo) 1:17 Jak'a apnaqawi uñst'ayäwi

1 Reyes 3:12

Nayajj phokhäwa cuntï mayquista ucjja. Nayajj chursmawa yatiñ cancaña, ch'iqhi cancaña, uqhamjja jumat nayrjja janiw qhitis yatiñanïcänti, ni jumjjarusa yatiñanïcaniti.

1 Reyes 3:28

Reyina uqham chekaparu uñjäwipjja take Israel marcpachawa yatipjjäna, ucatsti juparojj asquimpiwa uñjapjjäna, jupanacajj ajjsarapjjänwa Diosajj uca yatiñ cancaña churatapata chekaparu apnakañataqui uca laycu.

2 Crónicas 1:10

Jichhasti yatiñ cancañampi, uqhamarac ch'iqhi chuymampi churita aca marcar apnakañajjataqui; ¿qhitis aca jach'a marcamarojj apnakaspajja? —sasa.

2 Crónicas 1:12

Nayasti churämawa yatiñ cancañampi, uqhamarac ch'iqhi chuymampi, ucjjarusti nayajj churaraquïmawa kamir cancañampi, yänacampi, uqhamarac jach'aru aptatäñampi, ucsti janiw catokapcänti jumat nayra reyinacajja, ni jumat khepa reyinacasa catokapcaraquiniti —sasa.

2 Crónicas 26:5

Jupasti Diosarojj thaktänwa Zacariasajj jaccäna ucqha, jupajj Diosar ajjsartawa yatichäna. Cunapachatï jupajj Tatitur thaktcäna ucqhajja, Tatitojj juparojj asquiruwa sartayäna.

Job 32:8

Mä toketsti take jakew amuyt'anejja, take ch'amani Diosasti takeniruw amuyt'a churaraquejja.

Proverbios 2:6

Tatituwa yatiña churirejja; lacapataracwa yatiña, uñt'aña arunacapajj misturaqui.

Eclesiastés 2:26

Chekpachansa Diosaw churi yatiña, uñt'aña, uqhamarac cusisiña qhititejj jupatacjamäqui ucaru; ucampis jucharar jakerojja lurañwa churi apthapiñataqui, uqhamarac imasitanaca montonañapataqui, ucatsti qhititejj jupatacjamäqui ucar churjjañataqui. ¡Acasti inamayaquiraquiwa, thayarus catthapï siscsna uqhamaquiwa!

Isaías 28:26

Diosaw juparojj yatichi cunjäma lurañapäquitejj ucjja.

Ezequiel 28:3

¿Danielat sipansa juc'ampi amuyt'anïtati? ¿Jumasti take cunsa yatektati?

Daniel (hebreo) 1:18

Cunapachatejj uca waynanacaru reyin nayrakataparu uñstayañ urojj phokhasjjäna ucapachasti, palacion sirvirinacan jilïripasti uca waynanacarojj reyin nayrakataparuw uñstayäna.

Daniel (hebreo) 1:20

Take cuna luräwinacatejj wali amuyt'ampi luraña waquiscäna, ucanacansti reyejj uca waynanacaruw jisct'äna, ucatsti reyejj jicjjataraquïnwa uca waynanacajj sinti ch'iqhïpjjatapa cawquïri yatiri, layka jakenacatejj palaciopan utjcän ucanacat sipansa.

Daniel (hebreo) 1:4

wali suma uñnakt'ani waynanac irpsuniñapataqui, jan cunansa camacht'ata, ch'iqhi, uqhamaraqui wali suma yatichata, take cunsa yatirinaca, reyin palaciopan sirviñataquisa waquichatäpjjañaparaqui, uca casta waynanaca. Jupanacaruw caldeonacan arunacapajja, yatiñanacapasa yatichatäni.

Daniel (hebreo) 10:1

Cunapachatejj Ciro reyejj Persia marca niya quimsa mara apnakcän ucapachasti, Daniel, cawquïritejj Beltsasar satäcaraqui ucajj mä chekpacha uñjäwi uñjäna, uca uñjäwejj janiw amuyt'añjamäcänti. Ucampisa Daniel chachajj wali amuyumpiw ucanacjja uñjäna, ucatsti amuyaraquïnwa cuntejj uca uñjäwejj sañ muncän ucjja.

Daniel (hebreo) 2:19

Uca arumawa Daniel waynajj mä unañchäwi toke uñjäna uca jan khanañchañjama samca toketjja, ucatwa Daniel waynajj alajjpachanquiri Diosaru jach'añcharaquïna aqham sasa:

Daniel (hebreo) 2:21

Jupaw urunacsa, maranacsa mayjt'ayaraqui, reyinacsa apakaraqui, uscuraqui. Yatiñaninacarusti juc'ampi yatiñwa churi, ch'iqhinacarusti juc'ampi ch'iqhi chuyma churaraqui.

Daniel (hebreo) 2:23

Nayra awquinacajjan Diosapa, jumaruw nayajj yuspagarsma, yupaycharacsma, nayaru ch'amani, yatiñani tucuyista ucata; jichhasti khanañcharaquista cuntejj jumaru mayipcsma ucsa; cunatejj reyiru llaquisiycän ucsa yatiyapjjaraquistawa,” sasa.

Daniel (hebreo) 2:30

Nayarusa uca imantata jan amuyt'caya uñjañajj yatiyataraquiwa, ucampisa janiw nayan take jakenacat sipana wali yatiñanïtajja laycuti, jan ucasti nayan jach'a reyiru uca samca toketa khanañchañajjataquiwa cuntejj uca samcajj sañ munqui uca toketa, uqhamat jach'a reyejj yatiñapataqui cunanacatejj p'ekeparu jutcäna uca amtäwinacata.

Daniel (hebreo) 4:6

Ucatwa mayiraquïyätjja take yatiñani jakenacajj aca Babilonia oraken utjapquisa ucanacajj nayar uñjiri jutapjjañapataqui, uca samcajj cuntejj saña munqui uca khanañchapjjañapataqui.

Daniel (hebreo) 5:14

Nayarusti yatiyapjjaraquituwa jumanjja Diosan ajayupajj utjatapa, amuyumasa suma khanätapa, uqhamaraqui jumajj wali ch'iqhi, suma amuyt'ani jakëtama.

Daniel (hebreo) 7:1

Mä arumajja, cunapachatejj Belsasar reyejj Babilonia marca niya mä mara apnakcän ucapachajj, Daniel chachajj mä samcanacampi, unañchäwinacampwa uñjäna. Cunapachatejj iquit uñatatän ucapachasti cunanactejj uca samcana, uqhamaraqui uca unañchäwin uñjcatayna take ucanacwa kellksüna, ucanacasti aqhamawa:

Daniel (hebreo) 8:1

“Cunapachatejj Belsasar reyejj quimsa mara reyïcän ucapachaw naya, Daniel, yakha unañchäwi uñjaracta, nayra yakha unañchäwinacat sipansa yakhapuni.

Números 12:6

Tatitusti jupanacarojj sänwa: “Ist'apjjam cuntejj sapcäma uca arunaca. Jumanac taypintejj mä profetajj nayat parliri utjani ucqhajj nayaw jupampi parlasï; visionanac toke, uqhamarac samcanac toke jupampejj parlasiraquï.

Lucas 21:15

Nayaw jumanacarojj yatiñ cancañan phokt'at arunacsa, churapjjäma, ucarusti janiraquiw qhiti uñisirinacamasa camsañataquis ch'amanïpcaniti.

Hechos 6:10

Ucampis jupanacajj janiw atipañatac ch'amanïpcänti Esteban chachan parlataparojja, jupasti Kollan Ajayun ch'amapampejj wali yatiñampiw parläna.

Hechos 7:10

Take t'akhesiñanacapatsa imaraquïnwa, amuyt'sa churaraquïnwa. Ucatsti Egiptonquir rey Faraonampiw yanapt'ayaraqui. Uca reyisti Josearojj Egipto marca apnakeritwa utt'ayäna, uqhamarac quicpa reyin utap apnakerita.

Hechos 7:22

Uqhamatwa Moisesajj wali suma yatichatäna, cawqhacamatejj egipcionacajj yatipcäna ucacama. Moisesasti wali ch'amanïnwa arsüwipana, luräwipansa.

Colosenses 1:9

Ucat nanacajj cunürutï ucanac yatipcta ucürutpachaw jumanacataquejj jan karjasisa orapjjta, Diosatjja mayipjjtwa jumanacajj jupan munañapa amuyt'apjjañamataqui, uqhamarac take casta yatiñanacsa ajay token amuyt'añanacsa jumanacar churaniñapataqui.

Santiago 1:17

Take cunatejj asquïqui uqhamarac chekäqui ucajj alajjpachatwa juti, qhititejj alajjpach khananac lurqui uca Diosawa churistu. Diosajj pachpaquipunïsquiwa, janiraquiw jupanjja sarir ch'iwir uñtatas utjquiti.

Santiago 1:5

Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui.