Amós 9:8 - Qullan Arunaca

⁸ Tatitojj aca jucharar marcarojj uñch'uquisquiwa, ucatsti saraquiwa: “Aca oraketsti jupanacarojj k'ala chhaktayäjja. Ucampisa Jacobon utapacwa jilt'ayäjja. Ucsti naya Tatituw arsta.

Aymar Bibliia 1986

⁸ Tatitojj aca jucharar marcarojj uñch'uquisquiwa, ucatsti saraquiwa: “Aca oraketsti jupanacarojj k'ala chhaktayäjja. Ucampisa Jacobon utapacwa jilt'ayäjja. Ucsti naya Tatituw arsta.

Qullan Arunaka DC

⁸ Tatitux aka jucharar markarux wal uñch'ukiski, ukatsti sarakiwa: “Aka uraqit jupanakarux q'al chhaqtayä, ukampis Jacobun utapankirinakak jilt'ayä. Uksti, naya, Tatituw arsta.

Amós 9:8 Jak'a apnaqawi uñst'ayäwi

Génesis 6:7

saraquïnwa: “Aca oraketjja jake uscutajj-jja k'al chhaktayä, uqhamarac uywañ animalanacarusa, orakenjam katatnaktirinacarusa, jamach'inacarusa. ¡Walpun amtta ucanac uscutajj-jja!” sasa.

Génesis 7:4

Acat pakallko ururusti nayajj mä jach'a jallu puriyanï, ucasti pusi tunca urumpi, pusi tunca arumampiw jalluraquini. ¡Aca oraketsti take cunatejj jacqui, uqhamarac take cuntejj nayajj usccta take ucanacwa k'al tucjä!” sasa.

1 Reyes 13:34

Uqham luratapatwa Jeroboam reyin sarakerinacapajj jucha lurapjjäna, uqhamarac uca laycuraquiwa take tucjata uñjasiraquïna.

Proverbios 15:3

Tatitojj take chekanquiwa; jupajj uñch'uquisquiwa asqui jakenacaru, uqhamarac ñankha jakenacarusa.

Proverbios 5:21

Jaken sarnakäwipasti Tatitun suma uñjatawa, jupasti take luräwinacapwa uñji.

Jeremías 30:11

Naya Tatituw ucjja arsta, nayaw jumampïscta, jumar khespiyañataquejja. Cawquïr marcanacarutejj ananuccayäsma uca marcanacsti t'unjaraquïwa, ucampis jumarojj janiw t'unjcämati, jan ucasti juchamatjamacwa mutuyäma, juchamatsti mutuyapuniraquïmawa.”

Jeremías 44:27

Nayasti jumanacjjarojj t'akhesiñanacacwa apayanipjjäma, janiw asquinacti apayanipcämajja. Take qhitinacatejj Judá marcat jutasin aca Egipto marcan jacasipcta ucanacasti guerrampi, mach'ampi jan mayani tucjatäpjjätawa.

Jeremías 46:28

Naya Tatituw ucjja arsta. Jacobon marcapa, nayan uywatajja, jan ajjsaramti, nayaw jumampïscta. Cawqui marcanacarutejj ananucsma uca marcanacsti nayaw k'ala t'unjaraquï; ucampisa jumarojj janiw t'unjcämati, jan ucasti mayisitamjamaruraquiw chekacharaquïma, mutuyäwimsti churapuniraquïmawa.”

Jeremías 5:10

¡Jichhajj uñisirinacapajj mantanpan ucatsti uva yapunacjja tucjpan, janisa takpach tucjapcchini ucasa! ¡Layminacapsa khakharapjjpan, janiw jichhajj uva yapöjjäcjjeti!

Oseas 1:4

Ucatsti Tatitojj Oseasarojj sänwa: “Uca yokall wawarojj Jezreel sas suticham, nayasti acat mä juc'a urunacarojj Jehú reyin wawanacaparojj mutuyäwa, Jezreel chekana jakenacar jiwarayapjjatapata, Israel marcansti janiw juc'ampi reyinacajj utjcjjaniti.

Oseas 1:6

Gomer warmisti wasitatwa usur jakeptaraquiqui, ucatsti mä imill wawa wawachasiraqui. Tatitojj Oseasarojj sänwa: “Jichhajj uca imill wawarojj Lo-ruhama sas suticham, nayasti janiw juc'amp qhuyapt'aycjjäti Israel marcarojja uca laycu. Janiraquiw perdoncäsa.

Joel 2:32

Ucampis take qhitinacatï Tatitun sutipar art'ascani ucanacajja, jiwañatjja khespipjjaniwa, Sión kollunwa, uqhamaraqui Jerusalenanwa khespiyasiñajj utjani, cunjämtejj Tatitojj arscatayna uqhama. ‘Cawquïrinacarutejj jupajj ajllcatayna ucanacajj jacasipcaniwa’ ”

Amós 3:12

Aqham siw Tatitojja: “Cunjämatejj awatirejja leonan lacapat pä chhuchhulliqui khespiyejja, jan ucajj mä jinchu puntacsa, uqhamaraquiw Samaria marcan jacapqui uca israelitanacatjja juc'aniqui khespipjjani, qhitinacatï Damasco marcat apanita suma konuñanacan jipipqui ucanacajja.”

Amós 7:17

Ucatwa, Tatitojj aqham sejja: ‘Warmimasti yakha chachanacampiw sarnakani marcan uñjcata, yokanacamas phuchanacamas espadampi jiwarayatäpjjaraquiniwa; orakenacamas suerteta jalanokataraquïniwa, jumasti jiwaraquïtawa jan Dios uñt'ir jakenacan orakepana, israelitanacasti preso catuntata, orakepata jayaru apatäpjjaraquiniwa’ sasa.

Amós 9:10

Take jucharar jakenacaw marcajjatjja ari espadampi jiwarayatäpjjanejja; take qhitinacatejj sapqui: ‘Janiw cunas ucajj pasquistaniti, janiraquiw cuna jan walis catjquistaniti’ sasa, ucanacajja.

Amós 9:4

Wasararus uñisirinacapan apata sarasipcpan, espadaruw qhitaraquëjja jiwarayaniñapataqui. Janiw sumäquis ucataquejja, jan ucasti jan walitaquipuniw uñjäjja.”

Deuteronomio 4:31

Diosasti suma chuymanïtap laycojj janiw jaytanucupcätamti ni t'unjapcätamsa, janiraquiw armascaniti cawquïri arust'äwirutï awquinacamampi mantawayqui ucanacsa, ni arupampi arsuwayqui ucanac phokhañsa.

Deuteronomio 6:15

Jumanacampïqui uca Tatitu Diosasti janiw munquiti yakhampïpjjañama, ucatsti jumanac tokwa colerasispa, take jumanacaru t'unjañataqui.