Amós 9:11 - Qullan Arunaca

¹¹ “Davidan tincuta utapa wasitat sayt'ayañ urojj jutasquiwa. Perka p'iysutanacsa phokantaraquïwa, perka t'unjatanacs wasitatwa sayt'ayaraquï, nayrapachajj cunjämacäntï uqhamwa lurt'araquëjja.

Aymar Bibliia 1986

¹¹ “Davidan tincuta utapa wasitat sayt'ayañ urojj jutasquiwa. Perka p'iysutanacsa phokantaraquïwa, perka t'unjatanacs wasitatwa sayt'ayaraquï, nayrapachajj cunjämacäntï uqhamwa lurt'araquëjja.

Qullan Arunaka DC

¹¹ “Davidan tinkut utap wasitat sayt'ayañ urux jutaskiwa. Pirqa p'iysutanaksa phuqhantäwa, pirqa tinkutanaksa wasitat sayt'ayä, kunjamäkäntix nayrapachax ukham lurt'arakï,

Amós 9:11 Jak'a apnaqawi uñst'ayäwi

Job 1:10

Jumajj janiw qhitina juparu llamct'añapsa munctati, janiraquiw familiaparusa, cuna yänacapatejj utjqui ucanacarusa. Jumasti take luratanacaparojj bendiciractawa, ucatwa jupajj orakenjja walja uywanacani kamir jakejja.

Salmos 143:5

Nayra pachanacat amtasta, takpach luräwinacamat lup'ta, amparamamp luratanacamat amuyquipta.

Salmos 80:12

¿Cunatarac muyuntat perkanacap tincunucuytasti? ¿Cunatarac thac saririnacamp uva alinac jiq'iraytasti?

Salmos 89:40

Takpach perkanacap p'iyanoktajja; ¡marcanacap t'unjaractajja!

Isaías 16:5

Davidan wawanacapat mayniw apnakani, jupan apnakañapasti qhuyapayasiñampi suma utt'ayataraquïniwa. Jupajj chekaparu uñjirïniwa, taketaquiw asquin sarnakañ uscuraquini, janc'aquiraquiw chekar uñjäwis puriniraquini.

Isaías 5:5

Waliquiwa, jichhasti sapjjämawa cuntejj uva yapojjampi lurañ amtcta uca: Cunampi muyuntatäcäntejj ucjja aptjjäwa uqhamat tucjapjjañapataqui, perkapsti aptjjaraquïwa uqhamat taquisipjjañapataqui,

Isaías 58:12

Marcamasti nayra t'unjat perkanacwa wasitat sayt'ayani, nayrapacha cimiento uscuntatanacwa wasitat sayt'ayaraquini. Marcamarusti ‘Liwisit perkanac sayt'ayiri, t'unjat utanac wasitat utachiri’ sasaw sutichapjjaraquini.

Isaías 63:11

Jupanacasti nayrapachanacatwa amtasipjje, qhititejj marcapar khespiyqui uca Moisesatsa amtasipjjaraquiwa, jisct'asipjjaraquïnwa: “¿Cawquincaraqui Nilo jawiran Moisesar khespiyiri Diosasti? Uca Moisesajj tamapa awatirïnwa. ¿Cawquincaraqui qhititejj Moisesar Kollan Ajayupa uchqui ucasti,

Isaías 65:9

Jacobosti wawanacanïscaraquiniwa, Judá, orakensti jakejj utjascaraquiniwa kollunacajjan jacañataqui. Ajllitanacajjasti orake catupjjaraquini, sirvirinacajjasti ucanwa jacapjjaraquini.

Jeremías 18:9

Yakha horasanwa mä marca jan ucajj mä reino sayt'ayañjja amtaracta, uqhamaraqui jilt'ayañsa amtaracta.

Jeremías 30:9

Jupanacasti naya Tatitu Diosaparuw sirvipjjetani, uqhamaraqui Davidaru, qhitirutejj nayajj reyit utt'aycäjja ucaru.

Jeremías 46:26

Jupanacarusti ajjsarcaña uñisiripan amparaparuw puriyaraquëjja, Babilonianquiri Nabucodonosor reyin amparaparu, uqhamaraqui jakenacaparusa. Ucampisa mä kawkha pacha pasjjepanjja Egiptojj wasitata jakenacanëjjaraquiniwa, cunjämäcäntejj nayrajj uqhama. Naya Tatituw ucjja arsta.

Lamentaciones 5:21

¡Tatay, juman ucaru cuttayanjjapjjeta, nanacasti cuttanjjapjjäwa! ¡Cunjämtejj nayrajj jacapcäyätjja uqhamac jacayjjapjjeta!

Ezequiel 17:24

Take pampanquiri kokanacasti yatipjjaraquiniwa nayan Tatitütajja. Nayajj jach'a jach'a tucuri kokanacarojj liwinuctwa, jisc'a kokanacaruw jiltayaractjja. Ch'ojjña kokanacarojj wañsuytwa, waña kokanacarusti ch'ojjñatatayaractwa. Naya Tatituw ucjja arsta, arsutajjarusti phokharactwa.’ ”

Ezequiel 36:11

Jumanacan jakenacamarusa uqhamaraqui uywanacamarusa waljaptayapunïwa. Nayra urunacanjja cunjämatejj jakenacajj waljaptcänjja uqhamaraquiw waljani tucjjapjjäta, nayra urunacat sipansa juc'ampi asquinwa sarnakjjapjjaraquïta. Ucapachaw yatipjjäta nayajj Tatitütajja.

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Abdías 1:17

Ucampis Sión kollojj mä kollana chekawjapunïniwa, ucanwa yakhepanacajj khespiyasipjjaraquini. Jacobon wawanacapasti orakenacapjja wasitatwa aptasjjapjjani.

Miqueas 5:2

Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Miqueas 7:11

“Jerusalén marca, perkanacam wasitat sayt'ayañ urojj niyaw purinjjani, korpanacamas jithitatayataraquïniwa.

Miqueas 7:14

“¡Tatitu, marcamarojj uñjamaya, juman ovejanacamaru, jupanacasti sapaquiw ch'umi mankhancasipqui, suma orakenacana! Anaquimaya nayrapachanacanjama, Basán, uqhamaraqui Galaad uca chekanquir pastonacaru.

Miqueas 7:8

“Jumasti, nayan uñisirejja marca, aynacht'atajjatjja jan cusisimti, aynacht'atatsa sartascaquïwa. Lajja ch'amacas muyuntitpan ucasa, Tatituw khanajjajja.

Zacarías 12:7

“Ucampisa nayrakatjja naya Tatitojja, khespiyäwa Judá familianacaru, Davidan familiapat jutirinacan jach'añchäwipajj jan jiltañapataqui, Jerusalenan jaquirinacasti Judá familiat jutirinacjjancañapataqui.

Zacarías 14:10

Take marcpachaw mä pamparu uñtata tucjjapjjaraquinejja Geba marcat Rimón orakcama Jerusalenat aynach tokena. Jerusalenasti altoncaniwa, ucanracwa jacasipjjani. Benjaminan puncupata ángulo Puncucama (cawqhatejj Nayrajj Puncücäna), Hananeelan torrepata reyin prensampi aceite ch'irwañapcama.

Zacarías 6:12

Saraquïtawa: ‘Take ch'amani Tatitojja arsuwa Machak Cülli sutini chachatjja, ucasti quipca saphinacapat alsusina Tatitun templopa sayt'ayanejja.

Números 24:18

Edomarus catuntaraquiniwa, Seir sat uñisiriparusa catuntaraquiniwa. Israelasti jach'a luräwinacwa lurani.