Amós 9:10 - Qullan Arunaca

¹⁰ Take jucharar jakenacaw marcajjatjja ari espadampi jiwarayatäpjjanejja; take qhitinacatejj sapqui: ‘Janiw cunas ucajj pasquistaniti, janiraquiw cuna jan walis catjquistaniti’ sasa, ucanacajja.

Aymar Bibliia 1986

¹⁰ Take jucharar jakenacaw marcajjatjja ari espadampi jiwarayatäpjjanejja; take qhitinacatejj sapqui: “Janiw cunas ucajj pasquistaniti, janiraquiw cuna jan walis catjquistaniti” sasa, ucanacajja.

Qullan Arunaka DC

¹⁰ Markaxan taqi jucharar jaqinakax espadampi jiwarayatäpxaniwa; khitinakatix sapki: ‘Janiw ukanakax ukham luraskaniti, janirakiw kuna jan walis katjkistaniti’ sasa.

Amós 9:10 Jak'a apnaqawi uñst'ayäwi

Salmos 10:11

Ñankha chuyman jakejj lup'isiwa: “Diosajj aca jaket armasiwa, jupar jan uñjañataquejj ajanupsa imantasiwa” sasa.

Eclesiastés 8:11

Jan wali luratanacapata jan jucha uñt'ayatajja, jakenacarojj jan walinaca luraña juc'amp yatichi.

Isaías 33:14

Sionanjja juchararanacajj qhathatipjjewa, nankha juchani jakenacasti ajjsarañampi phokhantatäjjewa, sapjjaraquiwa: “¿Qhitirac jiwasatsti jacaspa, tucjiri ninansti, wiñayatac naqhir ninansti?” sasa.

Isaías 5:19

Jumanacasti sapjjaractawa: “Diosajj janc'aquiy lurañanacapjja lurpan uñjañasataqui. Israelan Kollan Diosapasti janc'aquiraqui amtäwinacapjja phokpan, uqhamat uca amtäwinacap yatiñasataqui” sasa.

Isaías 56:12

Sapjjaraquiwa: “Vinomp, wali umjayasir umañanacamp thakhasir sarapjjañäni ucat machapjjaraquiñäni, kharürusa, jichhürjamaraqui lurapjjañäni, ucat sipansa juc'ampi lurapjjañäni” sasa.

Jeremías 18:18

Jakenacasti sapjjaraquïnwa: “Jichhajj mä amtäwi lurañäni Jeremiasajj jan jiwasampëjjañapataqui. Jiwasaru yatichiri sacerdotenacajj utjascaniwa, amuyt'ani jakenacasa ewjjanacapa churañataquejj utjascapuniniwa, Diosan arunacapa yatiyiri profetanacas utjascapuniniwa. Jichhajj c'ari arunaca jupa toke arsuñäni uqhamat jiwayapjjañapataqui. Cuntejj jupajj sisqui uca arunacarusti janiraqui yäkañäniti” sasa.

Jeremías 23:17

Arunacajjaru jisc'achirinacarusti sapjjaraquiwa: ‘Take cunas waliquïscaniwa’ sasa. Qhitinacatejj chuymanacapan jan wali amtatanacaparuqui arcapjje ucanacarusti sapjjaraquiwa: ‘Janiw cuna jan walis jutcätamti’ ” sasa.

Jeremías 29:32

Naya, Tatituw, arsta, Semaiasaru wawanacaparusa mutuyaraquïwa. Aca marcanjja jan wawaniw sarnakapjjani. Cuna asquinactejj marcajjaru apayancä ucanacjja janiw jupanacajj catokapcaniti, parlatanacapampi jakenacaru naya toke sayt'asiyatap laycu. Naya Tatituw ucjja arsta.”

Ezequiel 20:38

Jumanac taypisti cawquïrinacatejj nayatac sayt'asipjje jan walt'añanacsa apanipjje ucanacarusti yakhacharaquïwa. Cawquïri yakha marcantejj jichhajj jacasipqui ucatsti jupanacarojj apsuniraquïwa, ucampis janiw Israel orakerojj mantapcaniti. Ucapachaw jumanacajj yatipjjäta nayan Tatitu Diosätajja.

Amós 6:1

¡Ay, cunjaquïcani Sión marcan samarata jaquirinacataquejja! ¡Cunaquïcani Samaria kolluru confiata jaquirinacataquejja, marcanacan jach'a jilïrinacaparu qhitinacarutejj israelitanacajj sart'apqui ucanacaru!

Amós 6:3

Jumanacajj uca jan wali urutjja janiw amuyt'añ munapctati, ucampisa jumanacpachaw mä jach'a t'akhesiñanaca mayisipctajja.

Amós 9:8

Tatitojj aca jucharar marcarojj uñch'uquisquiwa, ucatsti saraquiwa: “Aca oraketsti jupanacarojj k'ala chhaktayäjja. Ucampisa Jacobon utapacwa jilt'ayäjja. Ucsti naya Tatituw arsta.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Zacarías 1:6

Ucampisa, arunacajjas, camachi arunacajjsa, cuntejj jaytawayta nayar yupaychiri profetanacaru parlañapataqui, ucasti purt'awayiwa nayra awquinacamarojja. Jupanacasti cutt'anjjapjjewa, wasitat amuyt'asa, naya take ch'amani Tatitojja sarnakäwinacaparjama, luräwinacaparjama uñjañajjajj waquisitap yatisina.’ ”

Malaquías 3:15

Jiwasasti uñjtanwa, jach'a jach'a tucurinacasti cusisitäpjjewa, jan walinac lurcasas take cunas sumaquipuniw misturapi, Diosarusa yant'apjjaraquiwa, ucampis janiraquiwa cuna mutuyäwinacsa Diosatjja catokapquiti’ ”

Malaquías 4:1

Take ch'aman Diosasti siwa: “Cunürutejj hornjama naccani uca urojj jac'achasinquiwa, uca urusti take jach'a jach'a tucuri jakenacajja, uqhamaraqui ñankha luriri jakenacasa jichhu t'unaru uñtataw naqhantapjjani. Uca uru purincani ucapachasti take jupanacaw saphitpacha nacsutäpjjani, janiraquiw cunas jupanacatjja jilt'caniti.