Amós 8:8 - Qullan Arunaca

⁸ Uqhamïpanjja, ¿janit orakesti qhatatcanejja? ¿Janit take jakenacasti jachapcanejja? Cunjämatï Nilo jawiranjj umajj jiljjataraqui wañakaraqui, uqhamaraquiw orakejj uñstani, chhaktaraquini.

Aymar Bibliia 1986

⁸ Uqhamïpanjja, ¿janit orakesti qhatatcanejja? ¿Janit take jakenacasti jachapcanejja? Cunjämatï Nilo jawiranjj umajj jiljjataraqui wañakaraqui, uqhamaraquiw orakejj uñstani, chhaktaraquini.

Qullan Arunaka DC

⁸ Ukhamïpansti, ¿janit uraqisti khathatkanisti? ¿Janit jaqinakasti jachapkanisti? ¡Kunjämtix Nilo jawiran umax jilxataraki wañaqaraki, ukhamaw uraqix uñstani, chhaqtarakini!

Amós 8:8 Jak'a apnaqawi uñst'ayäwi

Salmos 18:7

Ucapachaw orakejj ch'amamp qhathatïna, kollunacajj saphitpach onjjtäna, Tatitun k'apisiñapamp qhathatiyatäpjjänwa;

Isaías 5:25

Ucatwa Tatitojj marcapataquejj k'apisïnjja, amparapsa aytaraquïnjja mutuyañataqui. Kollunacasti qhathatipjjänwa, jake jiwatanacasti callenacan t'unar uñtat jaktatäpjjaraquïnwa. Uqhamäquipansa, Tatitun colerasiñapajj janiw t'akt'quiti; jichhas jupajj arusiscaquiwa.

Jeremías 12:4

¿Cunapachcamas orakejj wañäni, pampanacan koranacas wañsuscaraquini? Animalanacasa, jamach'inacasa jiwarasipquiwa, aca marcan jaquir jakenacan ñankha luratanacap laycu, jupanacasti janiw luratanacapjja jumajj uñjcasmas uqham amuyapquiti.

Jeremías 46:7

¿Qhitis uqham Nilo jawirjam jilasqui, walja umanacani jawiräcaspas uqhama?

Jeremías 46:8

Egiptow Nilo jawirjam jilasqui, walja umanacani jawiräcaspas uqhama. Egiptosti saraquiwa: ‘Nayajj wal jiläjja ucapachasti take aca orakpachwa umanacajjampejj chhaktayaraquëjja, marcanacsa, jakenacsa k'al t'unjaraquëjja’ sasa.

Jeremías 51:29

Aca orakejj qhathatiwa, ajjsarthapiraquiwa, Tatitun amtatanacapa phokhascatap laycu, Babiloniarojj mä ajjtascaña wasararuw tucuyaraqui.

Daniel (hebreo) 9:26

Sojjta tunca payani semananaca pasatatsti, Tatitur catuyata jach'a jilïriruw jiwayapjjani. Jerusalén marcampi templompisti t'unjataw uñjasiraquini, cawquïri reyitejj jutcani ucanacan jakenacapaw t'unjaraquini. Tucuyäwisti janc'aquiw purinini, walja umanacjama, tucuycamawa nuwasiñanacasa, t'unjatäñasa utjaraquini, cawquïrinacatejj uqhamäñapatac arsutäqui ucanaca.

Oseas 10:5

Samarianquir jakenacajj qhathatipjjewa; Bet-avén chekanquir vaca kallu chhakayasisas jachapjjaraquiwa. Uca vaca kallutjamaw wararisipqui jakenacajja, sacerdotenacasa, jach'a cancañapajj chhaktatätap laycu.

Oseas 4:3

Ucatwa aca marcajj lutt'at sarnakasqui; aca marcan jaquirinacasti jan ch'amaniquëjjapjjewa; pampanquir animalanacasa, jamach'inacasa, jach'a kotanquir chawllanacasa jiwarjjapjjaquiwa.

Amós 8:10

Fiestanacamjja jiwatanacat jachañaruw tucuyäjja, k'ochutanacamasti, imäwi llaquinacaruraquiw tucuyäjja; llaqui isimpiraquiw ist'ayäjja, ñic'utanacapsti llaquisiñatsa mururasipjjaraquiniwa. Jachapjjaraquiniwa mä sapa yokall wawapas jiwatäcaspa uqhama, take cunaw c'allc'u tucunejja.

Amós 9:5

Tatitu take ch'amani Diosajja, orakeruw tact'i, ucatsti orakejj umatatiwa, jakenacapasti takeniw jachapjje. Cunjämatï Nilo sat jawiranjj umajj jiljjataraqui wañakaraqui, uqhamaraquiw uñstani chhactaraquini.

Nahúm 1:8

Ucampis Tatitojj jupa contra sayt'asipqui ucanacarojj walja umjamaw k'al tucjasa aparaqui; ch'amacasti uñisirinacaparojj muyuntaraquiniwa.

Mateo 24:30

Ucapachaw alajjpachan mä chimpojj uñstanini Jaken Yokapata. Take marcan jaquir jakenacasti ucapachaw jachapjjani, Jaken Yokaparusti uñjapjjaraquiniw kenayjjan jutasquiri jach'a ch'amapampi, uqhamarac jach'a c'ajquir cancañapampi.