Amós 8:12 - Qullan Arunaca

¹² Jakenacajj inaquiw sarnakapjjani Tatitun arup thakasa, sarapjjaraquiniwa mä kotat mä kotaru, uqhamaraqui amstatsti inti jalsu tokecama, ucampis janiw jicjjatapcaniti.

Aymar Bibliia 1986

¹² Jakenacajj inaquiw sarnakapjjani Tatitun arup thakasa, sarapjjaraquiniwa mä kotat mä kotaru, uqhamaraqui amstatsti inti jalsu tokecama, ucampis janiw jicjjatapcaniti.

Qullan Arunaka DC

¹² Tatitun arup thaqhasaw jaqinakax, inaki maysat maysa sarnaqani, mä qutat mä qutakamaw sarapxani, inti jalsu tuqit qalltasa, inti jalanta tuqikama, amstat aynachkamaw thaqhapxani, ukampis janiw jikxatapkaniti.

Amós 8:12 Jak'a apnaqawi uñst'ayäwi

Proverbios 1:28

“Uca urusti jumanacajj jawsapjjetätawa, ucampis nayajj janiw ist'apcämati; thakapjjetätawa, ucampis janiw jicjjatapquitätati,

Proverbios 14:6

Ñankha lurir jakejj yatiñ thakasinjja janiw jicjjatquiti, ucampis ch'iqhi jakejja janc'aquiwa yatiñ cancaña jicjjati.

Proverbios 29:18

Cawqhantejj Diosan arunacapajj jan yatichasqui ucqhanjja, jakenacajja munañaparuwa sarnake; ¡cusisiñaniwa Diosan leyipa phokher marcajja!

Ezequiel 20:3

“Jumajj chacha, Israel marcanquir jilïri jakenacarojj parlam: ‘Aqham siw Tatitojja: ¿Jumanacajj nayar jisct'asiriti jutapjjta? Jichhasti nayaw jumanacaru sapjjsma, janiw jumanacajj cunsa nayarojj jisct'asipquitätati.’

Ezequiel 20:31

Jumanacan wawanacama sacrificiot loktasa ninampi naqhantayasinjja, uqhamarac ofrendanac churasinsa jumanacajj uca yakha diosanacampejj k'añuchasisipcactawa. ¿Jichhasti israelitanaca, uqhamäcasinti nayar jisct'asiri jutapjjaracta? Naya Tatituw jacañajj laycu juramentompi arsta, janipuniw jumanacampejj jisct'ayascäti.

Daniel (hebreo) 12:4

“Ucampisa jumajj, Daniel, take acanacjja jamasaruqui imam, jan qhitirus arsumti; uca librsti suma sellantaraquim tucuya horasajj purincani ucqhacama. Walja jakenacaw ucsa acsa sarapjjani, yatiñanacapjjaru juc'ampi yapjjatasiñ munasa’ sasa.

Oseas 5:6

Ovejanacapampi, vacanacapampi cunaw Tatitur thakerejj sarapjjani, ucampis janiw jicjjatapcaniti, jupanacat jayarst'awayjjatap laycu.

Mateo 12:30

“Qhititejj jan nayampïqui ucajj naya contrawa. Jan nayampi apthapiristi willirpayaraquiwa.

1 Samuel 3:1

Samuel waynasti Tatiturojj sirviscaquïnwa Elí sacerdoten arsutanacap phokhasa. Uca urunacansti janiraquiw Tatitojj cuna arunacsa alekaqui yatiyirïcänti, janiraquiw qhitis alekaqui cuna uñjañsa uñjirïcänti.