Amós 8:10 - Qullan Arunaca

¹⁰ Fiestanacamjja jiwatanacat jachañaruw tucuyäjja, k'ochutanacamasti, imäwi llaquinacaruraquiw tucuyäjja; llaqui isimpiraquiw ist'ayäjja, ñic'utanacapsti llaquisiñatsa mururasipjjaraquiniwa. Jachapjjaraquiniwa mä sapa yokall wawapas jiwatäcaspa uqhama, take cunaw c'allc'u tucunejja.

Aymar Bibliia 1986

¹⁰ Fiestanacamjja jiwatanacat jachañaruw tucuyäjja, k'ochutanacamasti, imäwi llaquinacaruraquiw tucuyäjja; llaqui isimpiraquiw ist'ayäjja, ñic'utanacapsti llaquisiñatsa mururasipjjaraquiniwa. Jachapjjaraquiniwa mä sapa yokall wawapas jiwatäcaspa uqhama, take cunaw c'allc'u tucunejja.

Qullan Arunaka DC

¹⁰ Phunchhäwi urunakamxa jiwatanakat jachañaruw kipstayä, q'uchutanakamasti, amaya imäwi llakinakaruw tukuyarakï; llaki isimpirakiw isthapisiyapxäma, llakisiñat p'iqinakam q'ararasipxäta. Sapa yuqall wawap jiwayasir jaqir uñtataw jachapxäta, taqi kunaw jachañar tukuni.

Amós 8:10 Jak'a apnaqawi uñst'ayäwi

Génesis 21:16

ucatsti ucat jaya chekaru kont'asiriw sarjjäna, jan wawapar jiwir uñjañ munasa. Cunapachatejj jupajj kont'ascän ucqhasti wawajj jachatatänwa.

Job 20:23

Cunapachatejj puracapa phokt'asiñ munani ucapachasti, Diosajj colerasiñapwa jupjjaru puriyanini.

Job 3:5

¡Walïsapänwa uca urjjaru mä ch'iyar kenayan chhaktayañapajja. Mä ch'iyar ch'amaca chhaktayasapäna, jan ucajj intin ch'amact'atapasa ajjsarañampi phokhantasapäna!

Job 30:31

Arpanacana, pinquillonacana phust'asitapasti, nayataquejj jachañaru, t'akhesiñaruquiw tucuwayjje.

Isaías 3:24

Uca perfumenac lantisti utjaraquiniwa cunayman usunaca; cinturón lantisti utjaraquiniwa wisqhanaca, uca suma asquicht'ata p'eke lantisti utjaraquiniwa, p'eke k'ara sarnakañanaca, uca suma isinacap lantisti, utjaniwa chhanqha isinaca, uca suma ajanupan uñnakatap lantisti, parintat hierrompi chimpt'atäniwa.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jeremías 48:37

P'eke ñic'utanacapasa mururatcamaquiwa, sunqhanacas mururatawa; takeniw amparanacapa qharirasipjjatayna, chhanqha isinacampi isthapitcamaquïpjjaraquiwa.

Jeremías 6:26

¡Marcajja, jichhajj chhanqha isinacampi isthapisim t'akhesitam uñacht'ayañ laycu; khellaru sunt'suraquim, luto isinacampi isthapisim, wal jacharaquim, cunapachatejj mä sapa yokall wawajj jiwquis uqhama; jiwasaru t'unjiristi janc'aquiw jutaraquini jiwasanacar t'unjañataqui!

Lamentaciones 5:15

Chuymasansti janiw cusisiñajj utjcjjaraquiti, cusisiña thokt'äwinacasasa llaquiruquiw tucjje.

Ezequiel 7:18

Chhanqha isinacampiw isthapisipjjani uqhamat llaquisitanacap uñacht'ayañataqui, janchinacapas wali qhathatiraquini, p'enkasiñatsa ajanunacapajj wilaru tucusa, uqhamaraqui ñic'utanacapas mururata uqhamaw sarapjjani.

Ezequiel 7:2

“Naya Tatituw Israel marcaru sista: Tucuyajj purinjjewa, aca oraken tucusiñapajj purinjjewa.

Oseas 2:11

Cusisiñanacapasa uqhacamaquiraquïniwa: Fiestanacapsa, machak phajjsinacapsa, samarañ urunacapsa, fiestachasiñanacapsa, k'al tucjäjja.

Oseas 2:13

Juparusti mutuyaraquïwa, yákha diosanacar incienso loktatapatjja, cunapachatï anillonacampi, collaranacampi munirinacapar arcañataqui c'achachascänjja nayar armanucusina. Take ucanacatjja mutuyäwa. Naya, Tatituw ucjja arsta.

Joel 1:8

Cunjämatejj mä casarasir tawakojj lutt'asisina jachi parlatapan jiwatapatjja,

Levítico 13:40

“Mä jakerutejj p'ekepajj k'arartchi, uqhamarac ñic'utapas willirtjjaracchi, ucat uca jakejj p'eke k'ara uñjasjjaracchi, uca jakesti k'omäsquiwa.

Amós 5:21

Fiestanacamjja uñistwa, janiw yäkcaractsa, jach'a tantachasïwinacamas janiw nayatacjamäcaraquiti.

Amós 5:23

¡K'ochunacamjja nayat jithekayapjjeta; janiw ist'añ muncti arpanaca tocatanacamsa!

Amós 8:3

Uca urojj palacion k'ochutanacasa llaquisiñaquïniwa; waljaniraquiw jiwarapjjani, jiwat janchinacapasti ankaru jaktatäjjaraquiniwa. Tatituw ucjja arsu.

Nahúm 1:10

Q'ithuntat ch'aphinacjama, uqhamarac waña jichhur uñtata k'ala naqhantatäpjjätawa.

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Deuteronomio 16:14

Take wawanacamampi, uywatanacamampi, levitanacampi, yakha marcat jutir jakenacampi, wajchanacampi, viudanacampi uqhamaw uca fiestanjja cusisipjjäta.