Amós 7:8 - Qullan Arunaca

⁸ Ucatsti jisct'ituwa: ¿Amós, cuns uñjtajja? —sasa. —Mä albañil plomada —saractwa. Ucatsti saraquituwa: —Aca albañil plomadampiwa uñjäjja cunjäm chekäquitejj Israel marcajjajj sarnakäwipana ucjja. Janipuniw perdoncjjeristti mayampsa.

Aymar Bibliia 1986

⁸ Ucatsti jisct'ituwa: ¿Amós, cuns uñjtajja? —sasa. —Mä albañil plomada —saractwa. Ucatsti saraquituwa: —Aca albañil plomadampiwa uñjäjja cunjäm chekäquitejj Israel marcajjajj sarnakäwipana ucjja. Janipuniw perdoncjjeristti mayampsa.

Qullan Arunaka DC

⁸ Ukatsti jiskt'ituwa: —¿Amós, kuns uñjta? —sasa. Nayasti jupar sistwa: —Uta luririn plomadap uñjta —sasa. Ukatsti sarakituwa: —Uñtam, nayax uta luririn plomadapampiw Israel markaxan sarnaqäwip uñjä. Janipuniw mayampsa juchanakap pampachkäti.

Amós 7:8 Jak'a apnaqawi uñst'ayäwi

2 Reyes 21:13

Jerusalén marcarojj tupt'äwa Samaria marcaru tupt'ta, uqhamarac Acab reyin familiaparus tupt'ta uca pachpa tupuñampi; k'omachäwa, cunjämatï mä platoru k'omachasina c'umpt'atajja uqhama.

Isaías 28:17

Uca utachäwinsti plomadajj chekapapuniwa, nivel lantisti cunatejj chekapäqui ucaw apnakaraqui.” Jumanacajj c'arisiñanacaman imantasipctas ucsti, chhijchhiw k'al tucj-jjani, uca imantasiñ cheksti umaw k'al apasjjani.

Isaías 34:11

Ucanwa jucunacasa, allkamarinacasa, ch'usekanacasa yakha jamach'inacasa tapanacap lurasipjjani. Tatitusti uca marcjja ch'usa wasararuraquiw tucuyani.

Jeremías 15:6

Jumajj nayarojj apanucuwayistawa, maysa uñtaractajja. Naya Tatituw arsta. Ucatpï nayajj, llamp'uchasiñan karitäjjatajj laycuw amparajj ayttjja jumar mutuyañataqui, ucat t'unjaracsma.

Lamentaciones 2:8

Tatitusti ucqha suma Sión marcan perkanacapjja t'unjañwa amtasiraqui. Jupaw t'unjañataqui waquicharaqui, uca waquichäwipsti phokharaquiwa, jan samart'asa. Uca jach'a perkanacsa, jupajj llaquimpiw phokhanti, uca perkanacasti pampaw tucuraqui.

Oseas 1:6

Gomer warmisti wasitatwa usur jakeptaraquiqui, ucatsti mä imill wawa wawachasiraqui. Tatitojj Oseasarojj sänwa: “Jichhajj uca imill wawarojj Lo-ruhama sas suticham, nayasti janiw juc'amp qhuyapt'aycjjäti Israel marcarojja uca laycu. Janiraquiw perdoncäsa.

Amós 7:7

Acwa Tatitojj uñacht'ayaraquitu: Jupasti mä uyu perka jac'ancascänwa, mä albañil plomada apt'ata.

Amós 8:2

Jupasti jisct'araquituwa: —¿Amós, cuns uñjtajja? —sasa. —Mä canastan pokorat achunaca —saractwa. Tatitusti saraquituwa: —Israel marcajj pokoratäjjewa; janipuniw mayampsa perdoncjjeristti.

Miqueas 7:18

“Janiw yakha Diosajj jumjam utjquiti, jumasti pampachtawa ñankha luratanacapjja, juma contra sayt'asitanacapsa armaractawa, qhitinacatï marcamatjja jilt'apqui uca juc'aniru. Jumaw munasiñamjja uñacht'ayapjjesta, colerasiñamsti janiraquiw wiñayatac catjjäsctati.

Zacarías 4:10

Qhitinacatejj jani yäkapcänti jisc'a kalltäwinacjja, ucanacasti jichhajj cusisipjjaniwa Zorobabelan uca luräwinac tucuyjjatapatjja’ sasa. Uca khepatsti angelajj yapt'araquiwa: “Aca pakallko lamparanacasti Tatitun nayranacapawa, ucasti uñch'uquiyasquiwa take acapacharu.”

Zacarías 4:2

—¿Cuns uñjtajja? —sasa. Nayasti juparojj saractwa: —Uñjtwa mä kori candelabro, uca patjjansti mä aceite imañampi apjjatata. Alto chekansti utjaraquiwa pakallko lamparanaca, ucanacarusti aceitejj puriwa pakallko tubonacata.

Zacarías 5:2

Angelasti jisct'araquituwa: —¿Cuns uñjta? —sasa. Nayasti saractwa: —Uñjtwa mä kellkata rollo alton tuyusquiri, ucajj largorojj llätunca metronïnwa, anchorusti pusi metro chicataniraqui.