Amós 7:12 - Qullan Arunaca

¹² Ucatsti, Amasiasajj Amosarojj saraquïnwa: —¡Profeta, acatjj sarjjam! Jumatejj jutir urunacat parlas saranakañ munsta ucajj, Judá marcaru sarjjam;

Aymar Bibliia 1986

¹² Ucatsti, Amasiasajj Amosarojj saraquïnwa: —¡Profeta, acatjj sarjjam! Jumatejj jutir urunacat parlas saranakañ munsta ucajj, Judá marcaru sarjjam;

Qullan Arunaka DC

¹² Ukatsti Amasías sacerdotex Amós profetarux sarakïnwa: —¡Profeta, akat jayar sarxam! Jumatix jutir urunakat parlas sarnaqañ munsta ukaxa, Judá markar sarxam;

Amós 7:12 Jak'a apnaqawi uñst'ayäwi

2 Crónicas 16:10

Ucatsti Asajj walpunwa profeta tokjja colerasïna, ucatjja carcelaruwa uchantayäna. Uqhamaraquiwa uca urunacanjja marcanquiri yakhepanacarojja sinti ñankhanac luraraquïna.

Isaías 30:10

Unañchäwi uñjirinacarusti sapjjaraquiwa: “Jan uca unañchäwinac uñjapjjamti”, profetanacarusti: “Cheka yatiyäwinac catokapctas ucanacjja jan yatiyapjjestati, jan ucasti suma koña arunac parlt'apjjeta, janirac cusisiñanacajjsa apakapjjestati.

Isaías 56:11

mank'at jiwat anunacäpjjewa, janiraquiw sisthapipquisa, jan cun amuyiri awatirinacäpjjaraquiwa; sapa maynis thaquipanac sarasipqui, cunatejj jupanacataquejj asquïqui ucacwa thakhasipqui.

Ezequiel 13:19

Jumanacajj marcajj nayrakatanwa nayarojj jisc'achapjjesta, mä jach'ta cebada laycu, uqhamaraqui mä jisc'a t'ant'a laycuraqui; jumanacajj jan juchani jakenacaruw jiwarayapjjtajja, qhitinacatejj jiwapjjañapäcän ucanacarusti janiw jiwayapcaractati. Uqhamwa jumanacajj nayan marcajjarojj sallkjapjjtajja, jumanacan c'ari arunacamar jaysapjjatap laycu.

Amós 2:12

“Ucampis jumanacajja nazareonacarojj vino umarayapjjtajja, profetanacarusti nayjjat parlirjja jarc'apjjaractawa.

Amós 7:11

Aqham sasaw sarnakaraqui: ‘Jeroboamajj espadampi jiwayatäniwa, Israel marcasti orakepatjja aparpayataraquïniwa’ ” sasa.

Malaquías 1:10

Take ch'amani Diosasti siwa: “Walïspawa cawquïrisa jumanacata templojjan puncupa jist'antaspa, uqhamata jan inamayataqui altarajjan ninapa aktayir sarañanacamataqui. Janiw jumanacataqui chuymajjajj utjquituti, janiraquiw ofrendanacamsa catokcaraquïti.

Mateo 8:34

Ucapachaw take jakenacajj Jesusan ucaru mistunipjjäna. Jicjjatasinsti sarjjañapataquiw achict'apjjäna —sasa.

Lucas 13:31

Uca urunracwa mä kawkha fariseonacajj purinipjjäna, ucat Jesusar sapjjäna: —Acat sarjjam, Herodesajj jiwayañ muntam —sasa.

Hechos 16:39

Ucatjja juesanacajj Pablompit Silasampit perdón mayisiriw sarapjjäna. Carcelat irpsusinsti: “Aca marcat sarjjapjjaquim” sasaw jupanacarojj achict'apjjäna.

Romanos 16:18

Jupanacasti janiw Cristoru sirvipquiti, jan ucasti jupanacan munañanacaparuquiw sirvisipqui. Juc'a amuyt'asirinacarusti sallkjapjjaraquiwa uqham suma arunacapampi.

1 Corintios 2:14

Qhititejj jan Dios chuymäqui ucajj janiw catokañ munquiti Diosan Ajayupan yänacapjja. Jupataquisti Diosan yänacapajj lokhe cancañäcaspas uqhamawa. Janiw amuyt'apquiti ucanacajj ajayu tokena amuyt'añätap laycu.

1 Pedro 5:2

Tatitun ovejanacapsti sum awatipjjam, ucanacasti jumanacar catuyatawa. Take munasiñampi ucjja lurapjjam, cunjämtejj Diosajj munqui uqhamarjama, janiw phokhayam sat laycuquiti, ni kollke munañ laycuquisa, jan ucasti take chuyma ucjja lurapjjam,

1 Samuel 2:36

Ucatsti kawkhanitejj familiamat jacasipcani ucanacasti, jupa nayrakataruw mä juc'a kollke jan ucajj mä jisc'a t'ant'a laycuw jisc'achatäpjjani, sacerdotenac taypin cuna lurañacsay churapjjeta mank'asipjjañanacajjataqui —sasaw achict'asipjjaraquini.’ ”

1 Samuel 9:9

(Nayrapachanacanjja mä israelita jakejj cunsa Diosar jisct'asiñ munirïna ucapachajj sapjjerïnwa: “Uñjirin ucar sarañäni” sasa. Jichhajj qhititejj “profeta” satäqui ucajj nayrajj “uñjiri” satänwa.)