Amós 7:11 - Qullan Arunaca

¹¹ Aqham sasaw sarnakaraqui: ‘Jeroboamajj espadampi jiwayatäniwa, Israel marcasti orakepatjja aparpayataraquïniwa’ ” sasa.

Aymar Bibliia 1986

¹¹ Aqham sasaw sarnakaraqui: ‘Jeroboamajj espadampi jiwayatäniwa, Israel marcasti orakepatjja aparpayataraquïniwa’ sasa.”

Qullan Arunaka DC

¹¹ Amós chachax akham sasaw sarnaqaraki: ‘Jeroboam reyix ch'axwäwin jiwayatäniwa, israelitanakasti jaya markar apanukutäniwa’ ” sasa.

Amós 7:11 Jak'a apnaqawi uñst'ayäwi

2 Reyes 17:6

Ucjjarusti Oseas reyejj llätunca mara apnakascäna ucqhasti, Asirianquir reyiw Samaria marca catuntasïna, Israelit jakenacarusti preswa Asiria marcar apäna, ucatjja utjnokayänwa Habor orakenquiri Gozán sat jawira Halah sat chekaru, uqhamarac medonacan marcanacaparuraqui.

Salmos 56:5

Sapüruw arusquipapjje, amtapjjaraqui nayar ñankha lurañac amtasipqui,

Jeremías 26:9

¿Cunjämsa jumajj parltajja Tatitun sutipjjaru, aca templojj cunjämatejj Silo chekanquir templojj t'unjatäcän uqhamaraquïniwa, uqhamaraqui aca marcasa t'unjataraquïniwa jan mä sapa jakeniraquiw kheparani sasajja?” sasa. Ucatsti take jakenacaw templonjja Jeremiasaru muyuntasin catuntapjjäna.

Jeremías 36:16

Baruc chachasti jupanacataquejj leet'arapiraquïnwa; ist'asinsti ucspachaw ajjsarthapipjjäna, ucat maynit maynicama uñcatasisinsti, sapjjaraquïnwa: “Take acanacsti reyiruw yatiyapjjañasajja” sasa.

Amós 1:1

Aca arunacsti Amós chachaw catokäna, jupasti oveja awatirïnwa Tecoa marcanquiriraqui, uca arunacsti Diosatwa catokäna Israel marcjjata, orak qhathati pasañapataqui janïr pä maräquipana, uca urunacansti Judá marcanjja Uziasaw reyïscäna, Israel marcansti Joasan Jeroboam yokaparaquiw reyiscaraquïna.

Amós 7:10

Betel marcan Amasías sacerdotepajja, Israel marcan Jeroboam reyipar yatiyiriw qhiti: “Amós chachajj Israel jakenac taypinwa sarnake juma contra amtayasa. Marcasti janiw juc'amp uqham parlaycaquispati.

Amós 7:12

Ucatsti, Amasiasajj Amosarojj saraquïnwa: —¡Profeta, acatjj sarjjam! Jumatejj jutir urunacat parlas saranakañ munsta ucajj, Judá marcaru sarjjam;

Amós 7:9

Isaacan alto kollunacapasti tucjatäniwa, Israelan templonacapas t'unjataraquïniwa. ¡Nayasti Jeroboaman utap contraw espada aptaraquï!

Miqueas 1:16

Jumasti, Sión marca, t'akhesiñam uñacht'ayañ laycusti p'ekemsa k'al mururasim, wawanacamar sinti munatam laycu. Allkamarin p'ekepjam p'ekemsa k'ararasiraquim, wawanacamajj jaya marcaru preso apatäni uca laycu” sasa.

Mateo 26:61

Jupanacasti sapjjaraquïnwa: —Aca jakejj siwa: ‘Nayajj t'unjiristwa Diosan templopjja, ucatsti quimsürut sayt'ayaraquirista’ —sasa.

Hechos 6:14

Ucjjarusti ist'apjjaractwa aqham parliri: ‘Uca Nazaretanquir Jesusajj aca templjja t'unjaniwa, uqhamarac cuntejj Moisesajj jaytawayquistu uca luräwinacsa mayjt'ayaraquiniwa’ sasa.