Amós 6:7 - Qullan Arunaca

⁷ Qhitinacatejj preso apatäpcani ucanacan nayrakatapwa sarapjjätajja, jach'a mank'äwinacaman ojjoñanacasti tucusjjaraquiniwa.

Aymar Bibliia 1986

⁷ Qhitinacatejj preso apatäpcani ucanacan nayrakatapwa sarapjjätajja, jach'a mank'äwinacaman ojjoñanacasti tucusjjaraquiniwa.

Qullan Arunaka DC

⁷ Jumanakaw katuntatanakat nayraqata, jayar apayata uñjasipxäta jach'a manq'äwinakaman uxuñanakasti tukusxarakiniwa.”

Amós 6:7 Jak'a apnaqawi uñst'ayäwi

Ester (hebreo) 5:8

Jumatejj, Jach'a Rey, cancañamat munaschista, uqhamarac nayan munatajjarjam mayitajjarusa ist'añ munaracchista ucajja, kharüruya wastatampi jumar jach'añchañataqui mank'añ fiesta waquichcta ucaru jutaraquim, Amán chachampi chict'ata. Ucanwa nayajj arsöjja cuntejj jumajj Jach'a Rey, mayquista ucjja —sasa.

Isaías 21:4

P'ekes muytituwa, ajjsarañatsa qhathatiractwa. Inti jalanta horasanacajj wali sumänwa, jichhasti ucajj nayataquejj ajjsarcañaquiw tucjje.

Isaías 24:8

Tamboranacampi, arpanacampi cusisiñas tucusjjewa, ojjoñanacasa, cusisiñanacasa tucusjjaraquiwa.

Daniel (hebreo) 5:30

Uca arumpacharaquiw Belsasar reyirojj jiwayjjapjjäna, jupasti caldeo jakenacan reyipänwa. Media marcanquiri Darioraquiw uca reino catuntasjjäna. Darío reyisti ucapachajj sojjta tunca payani maraniraquïnwa.

Amós 4:3

Perka p'iysutanac toke sekequiw mistuwayapjjätajja, ucatsti Hermón kollu tokeru aparpayatäpjjätawa.” Uqham siw Tatitojja.

Amós 5:27

Jumanacarojj Damasco marcats juc'amp jayaruw jakonucupjjäma.” Uqham siwa Take Chamani Tatitu Diosajja. Ucaw sutipajja.

Amós 5:5

Jan Betel marcarojj thakapjjamti; janirac Gilgal marcarus sarapjjamti, ni Beerseba marcarus sarapjjamti, Gilgal marcasti preso apatäniwa, Betel marcasti k'ala tucjataraquïnwa” sasa.

Amós 7:11

Aqham sasaw sarnakaraqui: ‘Jeroboamajj espadampi jiwayatäniwa, Israel marcasti orakepatjja aparpayataraquïniwa’ ” sasa.

Amós 7:17

Ucatwa, Tatitojj aqham sejja: ‘Warmimasti yakha chachanacampiw sarnakani marcan uñjcata, yokanacamas phuchanacamas espadampi jiwarayatäpjjaraquiniwa; orakenacamas suerteta jalanokataraquïniwa, jumasti jiwaraquïtawa jan Dios uñt'ir jakenacan orakepana, israelitanacasti preso catuntata, orakepata jayaru apatäpjjaraquiniwa’ sasa.

Nahúm 1:10

Q'ithuntat ch'aphinacjama, uqhamarac waña jichhur uñtata k'ala naqhantatäpjjätawa.

Lucas 21:24

Yakhepanacajj guerran jiwarayatäpjjaniwa, mayninacasti take marcanacaruw preso apatäpjjani; yakha marcat jutirinacaw Jerusalén marcjja tacsupjjani, cunapachcamatï uc lurañataquejj tiempojj churatäqui uca horascama.

Deuteronomio 28:41

Utjätamwa yokall wawanacamasa, imill wawanacamasa ucampis janiw jumampi chicäcaniti jan ucasti yakha marcanacaru preso apatäniwa.