Amós 6:12 - Qullan Arunaca

¹² ¿Caballonacajj karkanac pataru misttapjjaspati? ¿Kotanjja kholliñajj waquisispati? ¡Ucampis jumanacajj cheka uñjäwjja venenoruw tucuyapjjtajja, uqhamarac asqui luräwin achupsti c'allc'ururaqui!

Aymar Bibliia 1986

¹² ¿Caballonacajj karkanac pataru misttapjjaspati? ¿Kotanjja kholliñajj waquisispati? ¡Ucampis jumanacajj cheka uñjäwjja venenoruw tucuyapjjtajja, uqhamarac asqui luräwin achupsti c'allc'ururaqui!

Qullan Arunaka DC

¹² ¿Caballonakax qarqanak patanjam jalapxaspati? ¿Quta taypin qhulliñax wakisispati? ¡Jumanakax chiqa kankañxa jiwayir qullaruw tukuyapxtaxa, aski luräwin achupsti k'allk'uruw tukuyapxaraktaxa!

Amós 6:12 Jak'a apnaqawi uñst'ayäwi

Isaías 48:4

Cunjämtejj nayajj juman jan ist'asirïtam yatiyätjja, mä fierror uñtata wali ch'ollkhëtawa, broncer uñtata jan c'umt'cayaraquïtawa,

Jeremías 5:3

Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Oseas 10:13

Ucampis jumanacajj ñankhac yapuchapjjtajja, cunatejj jan chekäqui ucacrac apthapipjjtajja, c'ari achunacacracwa mank'apjjtajja. “Jumanacajj guerrar sarir carronacamaru, uqhamarac walja soldadonacamaru iyawsapjjatam laycojja,

Oseas 10:4

Parlac parlasapänjja, inamayaquiraquiw cunsa parlasapänjja arust'äwinacsa firmasapänjja; cheka cancañapasti veneno alir uñtataquïsapänwa cunjämatejj uca alejj yapu taypin jili uqhama”.

Amós 2:3

Marcan reyip apakasajj jiwayayaraquïwa, takpach jilïr jakenacapamppacha” siw Tatitojja.

Amós 3:10

Aqham siw Tatitojja: “Janiw cheka lurañjja yatipquiti, palacionacaparusti ch'amamp lunthatat yänacaqui imapjjejja.”

Amós 5:7

¡Ay cunaquïcani jumanacataquejja leyinacajjsa c'allc'uru tucuyapjjatamatjja, uqhamaraqui cheka uñjäwsti taquichasipjjatamata!

Miqueas 7:3

Ñankhanac lurañataquisti sintïpjjapuniwa; marca apnakerinacan yanapirinacapasti kollkecwa munasipqui, juesanacasti kollkjja chilltayasipjjaquiwa, munañaninacasti cuntejj munapqui ucrac lurapjje, ucatsti marcarojj jan waliruraquiw irpapjjaraqui.

Santiago 3:18

Qhitinacatejj sumancaña muni ucanacajja take cunsa sumanaracwa luri, uqhamata suma yapu apthapcaspas uqhama mä suma jacaña apthapiñapataqui.