Amós 6:1 - Qullan Arunaca

¹ ¡Ay, cunjaquïcani Sión marcan samarata jaquirinacataquejja! ¡Cunaquïcani Samaria kolluru confiata jaquirinacataquejja, marcanacan jach'a jilïrinacaparu qhitinacarutejj israelitanacajj sart'apqui ucanacaru!

Aymar Bibliia 1986

¹ ¡Ay, cunjaquïcani Sión marcan samarata jaquirinacataquejja! ¡Cunaquïcani Samaria kolluru confiata jaquirinacataquejja, marcanacan jach'a jilïrinacaparu qhitinacarutejj israelitanacajj sart'apqui ucanacaru!

Qullan Arunaka DC

¹ “¡Ay kunakïkan Jerusalén markan samarat jakirinakatakixa! ¡Ay kunakïkan Samaria markar katuyasit jakirinakatakixa, wali aytat markan jach'a jilïrinakaparu khitinakarutix israelitanakax yanap mayipki ukanakataki!

Amós 6:1 Jak'a apnaqawi uñst'ayäwi

1 Reyes 16:24

Jupasti Semer chachatwa alasïna Samaria kollu, sojjta tunca sojjtani kilo kollkempi; ucanwa mä marca sayt'ayäna nuwasiñataqui suma lurata, ucarusti Samaria sasaw sutichäna, uca kollun nayrïri utjir jakejj Semer satätap laycu.

Salmos 123:4

Kamirinacajj larch'uquipjjetuwa, jach'a jach'a tucurinacajj jisc'achapjjetuwa, ajayojjajj aynacht'atäjjewa.

Proverbios 1:32

Jan yatiñan jakenacarusti jan wali luratanacapaw tucjani, pisi amuyt'an jakenacarusti jan amuyt'asitanacapaw aynacht'ayani.

Isaías 33:14

Sionanjja juchararanacajj qhathatipjjewa, nankha juchani jakenacasti ajjsarañampi phokhantatäjjewa, sapjjaraquiwa: “¿Qhitirac jiwasatsti jacaspa, tucjiri ninansti, wiñayatac naqhir ninansti?” sasa.

Jeremías 2:3

Israelajj nayar catuyatapunïnwa, mä suma cosechäcaspas uqhamaraquïnwa. Maynitejj juparu cuna ñankhsa lurani ucapachasti nayaw ucarojj t'akhesiña apayaniraquïyätjja, jan walinac apayanisa.’ Ucsti naya Tatituw arsta” sasa.

Jeremías 48:11

Moab marcajj sumaquipuniwa jacasiscänjja. Janipuniw cunapachas jaya marcarojj apayata uñjascänti. Mä sapa sañunquiri vinjama, cawquïri vinotejj jan mä sañut yakha sañuru waraquipatäqui, ucatsti janiraqui mojjsapasa ni k'aphipasa chhakquiti uqhama.

Jeremías 49:31

Naya Tatituw ucjja sapjjaracsma: ¡Nayraru sarapjjam, uca marcarusti nuwantapjjaraquim, jupasti c'uchiquiw jacascaraqui, jan puncuni, jan llavenacani, sapaqui, jan cunaquiw jacascaraqui!

Jeremías 5:5

Jilïri jakenacan ucaru sarä, ucatsti jupanacarojj saraquïwa. Jupanacasti amuyt'asipjjapuniniw cuntejj Tatitojj munqui ucatjja, cuntejj Diosajj sisqui ucsa. Ucampisa takeniw Dios toke sayt'asipjje, janiraquiw jupar jaysañsa munapquiti.

Jeremías 7:4

Janiraqui qhitinacatejj c'arinac parlapjje ucanacarojj alcatasipjjamti, qhitinacatejj sapjje: ‘¡Tatitun templopaw ucanqui, Tatitun templopaw acanqui sasa, ucanacarojja!’

Lamentaciones 1:1

¡Walja jakenacani marcajj cunja sapaquis uñjasjje! Marcanacan jilïripa marcajja mä ijma warmir uñtataquëjjewa. Ch'ama irnacañanacampi t'akhesiyataw jichhajj uñjasi, uñtcañ suma marcajja.

Amós 3:2

“Take aca orakenquir marcanac taypitjja jumanac saparuquiw ajllisipjjsmajja. Ucatwa take jan wali ñankhanac luratanacamatjja jaqhuta mayipjjämajja” sasa.

Amós 3:9

Asdod marcan palacionacapana, uqhamarac Egipton palacionacapansa yatiyapjjam, “Samaria oraken kollunacapar jutapjjam, ucatsti uñjapjjam cuna jan walt'añanacampi, cuna t'akhesiyañanacampitejj ucan utjqui ucanaca.”

Amós 4:1

Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Amós 5:27

Jumanacarojj Damasco marcats juc'amp jayaruw jakonucupjjäma.” Uqham siwa Take Chamani Tatitu Diosajja. Ucaw sutipajja.

Amós 8:14

Samaria marcanquir c'ari diosanacat juramento luririnacajja, qhitinacatejj sapqui: ‘Dan marcan diosap laycu,’ ‘Beerseba marcan diosanacap laycu’ sasa; ucanacajj jan mayamp sartquiriw tincurapjjani.”

Amós 9:10

Take jucharar jakenacaw marcajjatjja ari espadampi jiwarayatäpjjanejja; take qhitinacatejj sapqui: ‘Janiw cunas ucajj pasquistaniti, janiraquiw cuna jan walis catjquistaniti’ sasa, ucanacajja.

Miqueas 3:1

“Ist'apjjam jichhajj Israel marcan gobernantenacapa, uqhamarac jilïrinacapa, jumanacajjaya cuntejj chekäqui, asquïcaraqui ucjja yatipjjañamächejja.

Sofonías 1:12

“Uca urunacanjja mä lamparampiw Jerusalén marcarojj uñaquiparaquï. Ucatsti mutuyaraquïwa cawquïri jakenacatï juchanacapan chhaktata inaqui kamasipqui, chuymanacapansti sapjjaraqui: ‘¡Janiw Diosajj walsa jan walsa lurcaniti!’ sasa.

Santiago 1:18

Jacañwa churistu cheka arunacap toke, uqhamata jiwasajj nayräwiri achunacjamäñasataqui, cuntï jupajj lurqui ucanjja. Jupasti uqhamäñasracwa muni.

Santiago 5:5

Aca orakenjja jumanacajj take phokt'ata cusisiñanwa sarnakapjjtajja, animalanacjamaw pokopjjtajja, jichhasti jumanacar jiwarayañ urojj puriniwa.

1 Pedro 5:7

Take llaquisiñanacamsti Diosar jaytapjjaraquim, jupasti jumanacatjja llaquisiraquiwa.

Jueces 18:7

Ucatjja uca pheska uñakerinacajja Lais sat marcaruw sarapjjäna. Uca marcansti jakenacajj wali cusisitaw jacasipjjäna sidonionacan sarnakäwinacaparjama. Jupanacasti suma samarañanwa jacasisipcäna jani qhitinsa arjjayata, janiraquiw cunas jupanacataquejj pist'caraquïnti. Sidonios sat jakenacatsti jayancapjjaraquïnwa, janiw qhitimpis parlapcjjänti.